Jo 13:19 - Ritonõpo Omiry: A Bíblia Sagrada na língua Aparai do Brasil

¹⁹ “Yrome Ritonõpo ynara karyhtao: ‘Onoky mose ro tõsezusezukuru zuno pyra hnae ymaro, apiakane ẽpataka?’ Morara ahtao mynyhme rokẽ exĩko ase, orihnõko ase.

Jo 13:19 ပူးပေါင်းရင်းမြစ်များ

Jo 10:8

“Oya tyrise ywy, mame seromaroro jenahkãko mase.

Jo 13:13

“Mynyhme ehtoko, oturuxi aporo, otara exĩko nae ya? ah nexino.

Jo 13:20

Ritonõpo, asakoro rokẽ se ase oya. Morarame otonẽpyra ase owinoino.

Jo 19:5

Ymotye kure osekarõko matose. Popyra ehtoh toehse ya exiryke iirypyryme jekarõko matose.

Jo 33:32

Ezuhtoh nae awahtao, kaxiko ya, tãkye jexiry zae oehtoh enetuputyryhtao ya.

Jo 7:11

Morara exiryke, mynyhme ehsaromepyra ase. Etuarimãko ase, sekere kary se ase. Ikerekeremary se ase, sam karyke yronymyryme ukurohtao.

Jo 7:21

Oty katohme yyrypyry onykorokara mah, popyra jehtopõpyry onukurikara mah? Okynã pyra tonẽsẽme exĩko ase nono aka; jupiryhtao jenepyra exĩko mase, arypyra jexiryke.”

Jo 9:3

Ritonõpo onezuhsaromepyra ahno mana. Ekaropotoh miu motye ekaropõko mana, onezuhsaromepyra kymarokomo.

Izaja 50:9

Ritonõpo Kuesẽkõ mã jewomãko, naeroro jyhxirosaromepyra imehnõ mana. Jepetõkara emero tonahkasẽme exĩko mã toto; kamisa samo tonahse ahtao nuko a.

Jeremia 20:9

Yrome ynara karyhtao ya: “Wenikehnõko ase Ritonõpo poko, oturupyra ase exĩko aomiryme,” õmiry tapurusẽme exĩko ukurohtao mana, apoto sã mana tukase mya ukurohtao. Etaehnõko ase ikurãkary poko tũtara ehtohme repe, yrome mynyhme ehsaromepyra ase.

Romanos 8:33

Kypoko xine ynara ãko Ritonõpo mana: “Kure nase toto, iirypyrykõ tykorokase mana,” ãko kypoko xine mana.