Jo 12:23 - Ritonõpo Omiry: A Bíblia Sagrada na língua Aparai do Brasil

²³ Ahno tõ imehxo tyripõko mana jamihme roropa. Yrome imeĩpo toto poremãkapõko mana, toto enahkapõko roropa.

Jo 12:23 ပူးပေါင်းရင်းမြစ်များ

Saumu 107:38

Kure rokẽ typoetory tõ tyrise Ritonõpo a; toemũkuase toh nexiase tuhke. Eky tõ roropa tomãkapose eya, tuhke hkopyra toto exiryino.

Saumu 107:39

Ritonõpo poetory tõ typoremãkase ahtao, toehxirose roropa toto ahtao, sam tykase toto ahtao tyrohmanohpose toto ahtao,

Exutu 1:20

Ritonõpo omipona se onurumapotõkõ exiryke, kure tyrise toto Ritonõpo a. Oximaro tyrise Ritonõpo a jekyry tõ maro; tynioke, typoenõke, enara. Mame Izyraeu tõ tomãse itamurume. Jamihme toehse roropa toto.

Exutu 1:7

Yrome Jako mũkuru tõ, ipakomotyã roropa Izyraeu tõ toemũkuase tuhke. Tomãse toto. Jamihme toehse roropa toto. Tãtahpahse toto Ejitu nonory punero.

Izaja 26:15

Ritonõpo, Izyraeu tõ tomãkapose oya, yna nonory roropa zumohxo tyrise oya, moro pokoino imehxo oehtoh enetupuhnõko imehnõ mana.

Izaja 27:6

Ẽmepyry oehnõko: Izyraeu tõ wewe tymise exikety sã exĩko mana, ahtãko, ekutãko, eperytãko mã toto, moro epery ke sero nono pehkãko mana.

Izaja 51:2

Atamurukõ Aparão poko osenetupuhtoko, Sara poko roropa onotykomo. Tumũkue pyra ro Aparão ahtao tykohmase ynororo ya, yrome kure rokẽ tyrise ynororo ya tumũkue, typakõke roropa aehtohme tuhke.

Izaja 60:22

Atapyĩ taõkõ tuhke pyra toto ahtao ro tuhkehxo exĩko mã toto; sero ahno imoihme exĩko, imehnõ nonory põkõ motyehxo. Moro tyritoh toehse ahtao, tyrĩko ase rahkene axiny. Ywy ase Ritonõpo.”

Izaja 9:3

Mokaro tomãkapose oya, Ritonõpo, tãkyehxo toto tyripose roropa oya. Atãkyemãko mã toto onyrihpyry poko, tykyrysã apoiry poko exiketõ sã tupito tõ po te, mõkomo apiakary sã roropa soutatu tomo a osetapaxĩpo.

Jeremia 30:19

Moro põkõ eremiãko mã toto Ritonõpo eahmãko, kohtãko mã toto tãkye toexirykõke. Toto emãkapõko ase, aomirykõ etary se exĩko imehnõ mana imehxo exiketõ samo.

Jeremia 33:22

Ypoetory Tawi pakomotyã emãkapõko ase, oturuketõ Rewi pakomotyã roropa emãkapõko ase, tuhke toto ehtoh onukuhsaromepyra exĩko mã toto, xirikuato tõ kuhsaromepyra ehtoh samo, isawã kuhsaromepyra ehtoh sã roropa tuna ehpio.

Zakaria 10:8

“Ypoetory tõ kohmãko ase, oximõme toto enehpõko ase. Toto enehnõko ropa ase toto nonory pona ropa. Mame emãnõko ropa mã toto tuhkehxo ehtohme pake toto ehtopõpyry samo.

Atos 17:26

Toiro orutua wino kymarokõ emero tyrise eya ahnome, nono po kuehtohkõme. Kuenurutopõpyrykõ waro Ritonõpo mana, kuesarykomo, kuorikyrykomo. Emero zuaro mã Ritonõpo, tykase Pauru toto a.