Jo 12:20 - Ritonõpo Omiry: A Bíblia Sagrada na língua Aparai do Brasil

²⁰ Zae ehtoh poko imehnõ amorepananõ rĩko mynyhme Ritonõpo mana osepeme toto ahtao ro. Tamuhpõme exiketõ tuaro ehtoh enahkapõko mana.

Jo 12:20 ပူးပေါင်းရင်းမြစ်များ

Jo 12:24

Ahno tuisary tõ putupyra exiketõ sã tyripõko mana. Toto arõko mana ona tonorẽ poro, tytahse exiketõ samo. Otupĩko mã toto, osema ae pyra ytoketõ samo.

Jo 17:4

Osenetupuhsaromepyra mokaro tyrise oya, ypoihtonanomo, onenetupuhpyra toto ehtohme senohne poko; yporemãkapopyra exiko eya xine.

Jo 32:9

Tuarohxo exipyra sytatose tamuhpõme toehse rokẽ kuahtao xine, ahno nae, zae ehtoh waro pyra ro tytamuhpopãse toto ahtao.

Jo 39:17

Ya ro mokyro tyrise tuaro pyra exiketyme, tuaro ehtoh onekaropyra jexiryke eya.

Porowepio 10:21

Tuhkãkõ akorehmãko zae ehtoh poko exiketõ omiry mana, yrome tuaro pyra exiketyme ahtao toorihsẽme exĩko mana.

Porowepio 12:19

Omi ajohpe ahtao okynã pyra mana, yrome zae omi ahtao jũme exikehpyra mana.

Porowepio 12:22

Ajohpe exiketõ zehno Ritonõpo mana, yrome Ritonõpo zamaro zae exiketõ mana.