Jo 12:18 - Ritonõpo Omiry: A Bíblia Sagrada na língua Aparai do Brasil

¹⁸ Tuisa tõ tuisame pyra tyripõko Ritonõpo mana, imehnõ poetoryme toto rĩko mana.

Jo 12:18 ပူးပေါင်းရင်းမြစ်များ

Jo 12:21

Tuisamehxo exiketõ hxirõko mana. Orẽpyra exiketõ jamitunuru enahkapõko mana.

Jo 3:14

Tuisa tõ sã exiry, imehxo exiketõ samo tytapyĩ konõto rinanõ samo.

Jo 30:11

Tyjamihkehse jexiryke Ritonõpo a, takorehmaneke pyra tyripose roropa jexiryke eya itamurumehxo yzehnotokõ yyryhmãko toto.

Saumu 116:16

Opoetoryme ase, Ritonõpo; õmiry omipona ase, õmiry omipona aja ehtopõpyry saaro. Typynanohse exiase oya orihpyra jehtohme.

Izaja 5:27

Etaehpyra exĩko mã mokaro soutatu tomo, osetapara roropa mã toto. Oseremara exĩko mã toto, nyhpyra roropa. Eraximãko mã toto tõtõsetapatohkõme; imetỹkõ eary tymyhse kure mã kehko, isãtajãkõ eary atamohpyra mã kehko.

Tanieu 2:21

Xixi esẽme mana, nuno roropa, xirikuato tõ roropa; xixime ehtoh eina myakamãko mana konopome ehtohme roropa. Tuisa tõ tuisame exĩko Ritonõpo poe, toto poremãkapõko roropa mana. Tuaro exiketõ tuaro exĩko Ritonõpo poe, tãtamorepary se exiketõ amorepãko mana.

Mateu 3:4

João zupony kameru hpoty rokẽ kynexine. (Ihpoty yrawa ekasẽ samo.) Mame zamareary okyno pihpyry kynexine. Zoty wexixi panõ kynexine. Ano zeni aukurume kynexine.

Apokaripxi 19:16

Zupõ poko roropa esety tymerose jaxiry poko roropa: “Tuisa tõ tuisary, Esẽkõ esemy,” tymerose roropa nexiase.