Jo 12:15 - Ritonõpo Omiry: A Bíblia Sagrada na língua Aparai do Brasil

¹⁵ Konopo onenehpopyra Ritonõpo ahtao tonore exĩko mana. Konopo enehporyhtao eya zueme tuna tõ exĩko mana.

Jo 12:15 ပူးပေါင်းရင်းမြစ်များ

Jenexi 6:13

Mame ynara tykase Ritonõpo Noe a: — Osenetupuhno: ahno enahkapõko ase emero porehme. Toto orihmapõko ase emero, esarykõ roropa zumyhkapõko ase, pehme exiryke oxiehno exiketõ ke.

Jenexi 6:17

Tuna kumanohpõko ase sero nono po isene exiketõ enahkatohme emero porehme. Sero nono põkõ emero orihnõko mana.

Jenexi 7:11

Moro zano 600me jeimamyry Noe nae kynexine. Mame ẽmepyry 17mã po, nuno asakoro ehtoh po, tuna eutary tõ tuna konõto poe, nono zopino, toehmose kehko. Konopo konõto tooehse roropa kapu ae, osenuhmatoh konõto tõ tãtapuruhmakase samo.

Jenexi 8:1

Mame wenikehpyra Noe poko Ritonõpo kynexine, Noe maro exiketõ poko roropa, onokyro tõ poko te, okyno tõ poko kanawa aõkõ poko wenikehpyra kynexine. Tyryrykane tonyohse Ritonõpo a sero nono pona, mame tãpaipitose ropa tuna.

1 Tuisa 17:1

Mame Eria urutõ kynexine Ritonõpo poe, Tixipe pono Kireate nonory po. Ynara tykase ynororo tuisa Akape a: — Ajohpe pyra Ritonõpo omi poe konopo oehpyra onahpoty onehxikara roropa axitaku exĩko mana asakoro jeimamyry motye, tykase. Tonehpose ropa ahtao rokẽ ya konopo oehnõko ropa mana Ritonõpo enetupuhtohme oya xine, ipoetoryme jenetupuhtohme roropa oya xine, tykase Eria.

1 Tuisa 17:7

Morarame okyna ahtao iporiry tãpaise roropa konopo oehpyra exiryke ipunaka.

Jo 12:10

Onokyro isene emero Ritonõpo poe mã toto. Ipoe rokẽ ahno tõ emero isene exikehpyra mana.

Jo 28:25

Tyryrykane jamitunuru tokarose ahtao eya, tuna konõto zumo ehtoh tymerose roropa ahtao eya,

Jeremia 14:22

Imehnõ nonory põkõ neponãmarykõ emero konopo onenehposaromepyra mã toto; tamoreme kapu tuna onemasaromepyra mana nono pona. Oeraximãko ynanase Ritonõpo yna Esemy, omoro rokẽ morohne riry waro oexiryke.”

Amoxi 5:8

Xirikuato tõ tyrise Ritonõpo a, Kuesẽkomo, Puripurikane tomo, Oseruao Maria tõ roropa. Koko ehtoh ẽmehkapõko mana, saereme ehtoh kohmãkapõko roropa mana. Tuna konõto zumyhkãko mana aekuãtohme nono pona. Mokyro esety Ritonõpome mana.

Naum 1:4

Tuna konõto mynyhpãkapõko Ritonõpo mana, anorỹko mana. Tuna tõ apaikapõko Ritonõpo mana. Onahpoty ona Pasã po te, ypy Karameru po roropa orihnõko mana, ekuru tõ ypy Ripano po aremãnõko kehko.

Ruka 4:25

Etatoko pahne, zae rokẽ ynara ãko ase oya xine. Pake Eria maro tuhke pytỹpo tõ kynexine Izyraeu tomo, konopo oehpyra toehse ahtao. Oseruao jeimamyry motye taropose konopo oehpyra. Moromeĩpo tỹkyryneke pyra toehse toto Izyraeu tõ esary po. Tuhke pytỹpo tõ toetuarimase.

Teuteronomiu 11:17

Moro riryhtao oya xine tohne exĩko Ritonõpo mana opoko xine. Mame konopo onenehpopyra exĩko mana. Ahtao anarykahpyrykõ ahtara exĩko mana, eperytara roropa exĩko mana. Okynã pyra arypyra matose exĩko moro nono po, Ritonõpo nekarory po oya xine.

Apokaripxi 11:6

Ritonõpo poe kapu apururu waro mã toto konopo oehpyra ehtohme, Ritonõpo omiry ekaroryhtao imehnomo a. Ritonõpo poe iporiry riry waro roropa mã toto munume. Ritonõpo poe sero põkõ akuruhtanohpory waro roropa mã toto, tuhke tyrohsẽ ke, kokoro rokene ise toto ahtao.