Jo 11:19 - Ritonõpo Omiry: A Bíblia Sagrada na língua Aparai do Brasil

¹⁹ Enaromyra exĩko mase imehnõ poko, õseremaryhtao. Tuhkãkõ oehnõko mã toto takorehmapotohkõme oya.

Jo 11:19 ပူးပေါင်းရင်းမြစ်များ

2 Koronika 20:30

Naeroro osetapara ropa Juta tõ toehse tuisame Josapa ahtao ro osepeme toto tyrise Ritonõpo a, emero katonõ nonory põkõ maro.

Jo 11:18

Towomaneke exĩko mase, torẽtyke pyra, kure ehtoh eraximãko rokẽ mase. Oewomãko Ritonõpo mana, kure rokẽ nyhnõko roropa mase koko.

Saumu 127:2

Toiparo rokẽ itamurumehxo toerokuru poko epehpyry apoiry poko; pakeimo owõnõko mase, ataxikãko tykohmãse ahtao. Ynara exiryke, tonahsã ekarõko Ritonõpo mana typyno aexityamo a inykyrykohtao ro.

Saumu 4:8

Ataxikãko ase torẽtyke pyra, kure rokẽ nyhnõko ase, omoro rokẽ Ritonõpo, jewomãko mase.

Saumu 45:12

Tuisa pytyme exikety, pata Tiro põkõ tynekarory kurã enehnõko oya mana; tuhke tymõkomokãmo kure oriry se exĩko.”

Porowepio 19:6

Tuisamehxo exiketõ zamaro se sytatose emero, tynekarory tõ ekaroneme exiketõ maro osepeme se sytatose roropa emero.

Porowepio 3:24

Tohrame awahtao oserehpyra mase, ãtaxikaryhtao kure nyhnõko mase.

Izaja 17:2

Xiria patary tõ jũme turumekasẽme exĩko mã kehko; pui tõ maro kaneru morotona ytõko mã toto oseremase, onerehpyra roropa mã toto.

Izaja 45:14

Ynara ãko Ritonõpo Izyraeu tomo a: “Ejitu mõkomory kurã, Etiopia mõkomory roropa okyryryme exĩko mana. Mokaro Sepa põkõ, ahno mosa exiketõ, anamotome exĩko mã toto; oekahmatorỹko mã toto tymyhse keti ke. Tosekumurukõ po porohnõko mã toto oẽpataka xine ynara katohme: ‘Ritonõpo amaro xine mana, ynoro rokẽ Ritonõpome mana, imepỹ ritõme pyra mana.’ ”

Izaja 60:14

Mame orohmanohponanõ tuisary tõ poenõ oehnõko mã toto, tosekumurukõ po porohnõko mã toto nono pokoxi oẽpataka: ‘Imehxo mase,’ katohme oya. Mokaro emero oryhmahpõkõ, oehnõko mã toto oya, tõmytykõ rĩko nono pokoxi. Ritonõpo pataryme oesehtõko mã toto, Xiãome, Izyraeu tõ Esẽ kurã pataryme.

Ezekieu 34:28

Mame onutuarimapopyra exĩko imehnõ nonory põkõ mana, onokyro tõ toto onesekara roropa exĩko mã toto. Towomaneke exĩko mã toto, onerehpyra imehnõ exĩko mana.

Rewitiku 26:6

— Osepeme ehtoh ekarõko ase oya xine torẽtyke pyra oehtohkõme ononorykõ po. Enaromyra nyhnõko matose emero porehme, onokyro tõ, osekatõ kõ pyra tyripõko ase, etonatoh enahkapõko ase roropa.

Mikeja 4:4

Enaromyra exĩko mã toto emero, towomase toexirykõke; oseremãko mã toto torẽtyke pyra wikeira zopino jerutumã po, uwa zoko zopino roropa jerutumã po. Moro omi totapose Ritonõpo Jamihmehxo Exikety a.

Sowonia 3:13

Mame mokaro Izyraeu tõ akoĩpyry jũme popyra ehtoh poko pyra exĩko mã toto, ajohpe pyra exĩko mã toto. Imehnõ enekunopyry se pyra exĩko mã toto. Inapyrykõ ipune exĩko mana, towomaneke exĩko mã toto, imehnõ zuno pyra exĩko mã toto.

Apokaripxi 3:9

Etatoko pahne, mokaro, joroko tamuru poetory ajohpe mã toto. ‘Juteume ynanase,’ ãko toh mã repe. Yrome juteutõkara mokaro. Mokaro enehpõko ase oẽpataka xine. Tosekumurukõ pona porohnõko mã toto, ‘Kure mase,’ katohme oya xine. Opyno xine jehtoh enetupuhnõko mã toto emero.