Jo 11:17 - Ritonõpo Omiry: A Bíblia Sagrada na língua Aparai do Brasil

¹⁷ Mame isene oehtoh saereh ãko mana xixime ehtoh samo tãxiahtao. Oemynyhmatoh tonõ ikohmamyry sã tymyakãmase ẽmehtoh samo.

Jo 11:17 ပူးပေါင်းရင်းမြစ်များ

1 Koronika 29:10

Naeroro imoihmãkõ ẽpataka Ritonõpo toahmase tuisa Tawi a. Ynara tykase ynororo: — Ritonõpo, yna tamuru Jako Esemy, “Kure mase,” kakehpyra ynanase.

Jo 11:18

Towomaneke exĩko mase, torẽtyke pyra, kure ehtoh eraximãko rokẽ mase. Oewomãko Ritonõpo mana, kure rokẽ nyhnõko roropa mase koko.

Jo 22:26

Morarame atãkyemãko mase Ritonõpo poko, enaromyra exĩko mase ajoajohpãkarame oexiryke.

Jo 22:28

Onyriry tõ emero kure rokẽ exĩko mana. Saereme exikehpyra exĩko mana oesemary ae.

Jo 29:3

Morarahtao jesemary pona saereh tykase Ritonõpo, ezuru ae ytoase ixinukuturu htoko.

Saumu 112:4

Ezuru saereh ãko mana ikohmamyry ao, zae ehtoh poko exiketomo a te, kure ehtoh poko exiketomo a, imehnõ pyno exiketomo a, enara.

Saumu 37:6

Ajohpe pyra oehtoh ẽmepyry sã tyripõko mana. Zae oehtoh ripõko mana saerehkatoh samo tãxiahtao exikety samo.

Saumu 92:14

Tamuhpõme toehse ahtao kure ro exĩko mã toto zae ehtoh poko, eperytaketõ samo, ahtãko ro, jamihme ro.

Saumu 97:11

Saerehkatoh saereh ãko mana zae ehtoh poko exiketõ pona, tãkye ehtoh saereh ãko sã mana Ritonõpo omiry omipona exiketõ pona.

Porowepio 4:18

Zae ehtoh poko exiketõ esemary saerehkane sã mana, xixi tũtapitory sã mana. Saeremehxo exĩko mana, xixime ehtoh pona.

Ozeja 6:3

Yronymyrymehxo sosekarotone Kuesẽkomo a! Anamonohpyra xixi ehtoh samo, kuakorehmatorỹko mana; anamonohpyra oehnõko mana konopo oepyry sã nono ehxikatohme eina exisasaka ahtao.

Marakia 4:2

Yrome oya xine, jomiry omipona exiketomo, opynanopyrykõ ya saereme sã exĩko mana, xixi saerehkatoh samo, isene ehtoh enehnõko. Pyhsekyhsekyh ãko matose tãkye oehtohkõke, pui poenõ samo tutũtarykohtao jarakapyhpyry ae.