Jo 11:16 - Ritonõpo Omiry: A Bíblia Sagrada na língua Aparai do Brasil

¹⁶ Wenikehnõko mase oetuarimatopõpyry poko, zueme tuna ehtopõpyry samo. Tãpaise ropa ahtao axĩ tuenikehse ropa mana.

Jo 11:16 ပူးပေါင်းရင်းမြစ်များ

Jenexi 41:51

Osemazupu tosehpase eya Manaseme, ynara karyke: “Ritonõpo poe tuenikehse ywy jetuarimatopõpyry poko, papa tapyĩ taõkõ poko roropa.”

Jenexi 9:11

Ynara jomiry etapõko ase oya xine, jũme jomiry onytyoromara ase: Taroino tuna onukumanohpozomopyra ase isene exiketõ enahkapotohme. Taroino sero nono onynerymapopyra ropa ase.

Jo 22:11

Tykohmãse opona, osenuhmasaromepyra mexino, tuna zueme toehse opona.

Jo 6:15

Yrome tonekunohse ywy oya xine, jepe tomo, iporiry sã matose eina toehse ahtao, tonore ipunaka.

Porowepio 31:7

Ah jehnahpyry ẽno toto wenikehtohme toetuarimarykõ poko te, tãkye pyra toehtohkõ poko, enara!

Ekereziaxti 5:20

Ritonõpo poe tãkye kuexirykõke, torẽtyke hkopyra exĩko sytatose okyna hkopyra isene kuexirykõ poko sero nono po.

Izaja 54:4

Enaromyra exiko, ehxiropyra roropa exiko; oserehpyra exiko, iiryhmazomopỹme exĩko mase. Wenikehnõko mase ohtomatopõpyry poko oryxime awahtao, omuhpe oehtopõpyry poko roropa pytỹpome toehse awahtao.

Izaja 54:9

Ynara ãko Ritonõpo mana: “Noe ehtopõpyry ahtao jomiry etapoase eya: ‘Zomory tuna konõto onenehpopyra ropa exĩko ase nono pona;’ Moro saaro seromaroro jomiry etapõko ase: ‘Taroino ozehno exipyra ropa exĩko ase, jũme oupokara, jũme awãnohpyra roropa exĩko ase.

Izaja 65:16

Mame ahno, Ritonõpo nonory põkõ kure ehtoh ekaropory se ahtao, Ritonõpo a morohne ekaropõko mana, tõmihpyry anamonohpyra Exiketyme exiryke; imehnomo a tõmiry etapory se ahtao: ‘Ritonõpo neneryme morara tyrĩko ase,’ ãko mã toto.” Ynara ãko Ritonõpo mana typoetory tomo a: “Wenikehnõko matose oetuarimatopõpyrykõ poko, ywy roropa morohne poko wenikehnõko ase.

João 16:21

Nohpo ke mana enurusasaka tahtao tãkye pyra mana aporo sam karyke tyya. Yrome tonuruse poeto ahtao toetuarimatopõpyry poko axĩ wenikehnõko ropa mana. Tãkye rokẽ exĩko mana poeto eneryke tyya.