Jeremia 9:24 - Ritonõpo Omiry: A Bíblia Sagrada na língua Aparai do Brasil

²⁴ Epyrypary se awahtao epyrypako juaro oehtoh poko, jomiry enetuputyry poko roropa oya. Ywy, Ritonõpo Oesẽkõme ase, opyno xine exikehpyra ase, zae ehtoh rĩko ase zae jexiryke sero nono po. Morohne yzamaro mana. Ywy, Ritonõpo oturũko ase:

Jeremia 9:24 ပူးပေါင်းရင်းမြစ်များ

Saumu 20:7

Toitoine ahno ynara ãko: “Orẽpyra ase tykahuke jexiryke etonatohme,” ãko. Imehnõ ynara ãko: “Tykawaruke jexiryke orẽpyra ase,” ãko roropa. Yrome kymarokõ Ritonõpo Kuesẽkõ jamitunuru enetupuhnõko sytatose.

Saumu 34:2

Eahmãko ase inyrityã kurã pokoino. Ah taosanumasã moro poko netã toto, atãkyematohme!

Saumu 34:3

Oximaro imehxo Ritonõpo ehtoh sekarotone imehnomo a; oximõme Kuesẽkõ seahmatone!

Saumu 44:8

Oeahmary poko kohmãnõko ynanase; “Kure mase,” kakehpyra ynanase.

Saumu 44:9

Yrome seromaroro turumekase ynanase oya, typoremãkapose yna zehnotokomo a, yna maro ytopyra mase yna ytoryhtao etonatoh taka.

Saumu 51:1

Ritonõpo, yna pyno exikehpyra oexiryke ajohpãme sã juãnohpyra exiko. Yna pyno oexiryke, iirypyryme jehtopõpyry ikorokako emero.

Saumu 91:14

Ynara ãko Ritonõpo mana: “Ypyno exiketõ pynanohnõko ase, Ritonõpome jenetupuhnanõ tosẽkõme ewomãko ase.

Saumu 99:4

Tuisa orẽpyra Exikety, zae ehtoh sehxo mase; Izyraeu tomo a zae ehtoh tonehpose oya, ajohpe pyra ehtoh tyripose roropa oya, jamihme pyra exiketõ ewomatohme eya xine.

Izaja 20:5

Mokaro Etiopia põkõ enetupuhnanõ takorehmanekõme, Ejitu jamitunuru poko epyrypaketõ roropa osenekunohkehnõko mã toto, typynanopyrykõ ropa oneraximara exĩko mã toto.

Izaja 41:16

Typahse kehko kakoxi ahtao oya xine, tarosẽme exĩko mana tyryrykane a, mame wirikane a sapararahme typahsẽme exĩko mã kehko. Morarame moro sã toehse ahtao tãkye exĩko matose ywy, Ritonõpo Oesẽkõme jexiryke. Mame jeahmãko matose, Izyraeu tõ Esẽ kurano.

Izaja 45:25

Yrome ywy, Ritonõpo, Jako pakomotyã emero pynanohnõko ase, mame jeahmãko mã toto.”

Izaja 61:8

Ynara ãko Ritonõpo mana: “Zae imehnõ riry yzamaro mana, ematonanopyry se pyra ase ipunaka, imehnõ ryhmary roropa. Anamonohpyra ase, kurã ke rokẽ ypoetory tõ epehmãko ase, jũme jomiry etapõko ase roropa eya xine.

Jeremia 22:16

Zae rokẽ nexiase tymõkomokãkara poko, etuarimaketõ poko roropa, naeroro emero kure toehse eya. Moro riryhtao ahno a enetupuhnõko mase, juaro mokyro mana. Ywy, Ritonõpo, oturũko ase.

Jeremia 4:2

Mame ajohpe pyra õmirykõ etaporyhtao oya xine, zae rokẽ awahtao xine: “Ritonõpo netaryme te, Ritonõpo neneryme,” ãko matose. Mame imehnõ nonory põkõ emero kure toto ripõko mã toto ya, jeahmãko roropa mã toto.

Mikeja 6:8

Arypyra, zae ehtoh poko tokarose Ritonõpo a kyya xine. Ynara se mã ynororo kyya xine: zae ehtoh riry poko te, imehnõ pyno kuehtohkomo yronymyryme te, tomeseke sã Kuesẽkõ jamitunuru ke aomipona kuehtohkõme.

Mikeja 7:18

Ritonõpo, imepỹ ritõ pyra mana asã exikety. Opoetory tõ akoĩpyry isene ro exiketõ rypyry tõ korokãko mase. Zehno exikehnõko mase, jũme yna pyno oehtoh enepõko mase yna a.

Mateu 11:27

Ynara tykase roropa Jezu eya xine: — Emero Papa kynekarone ya. Ritonõpo mũkuru waro pyra matose repe. Papa rokẽ juaro mana. Papa waro pyra roropa matose. Ywy imũkurume jexiryke zuaro ase. Ynymenekatyamo a roropa Papa enepõko ase zuaro toto ehtohme.

Ruka 10:22

Mame ynara tykase roropa Jezu eya xine: — Emero Papa kynekarone ya. Ritonõpo mũkuru waro pyra matose repe. Papa rokẽ juaro mana. Papa waro pyra roropa matose. Ywy imũkurume jexiryke zuaro ase. Ynymenekatyamo a roropa Papa enepõko ase zuaro toto ehtohme, tykase Jezu eya xine.

João 17:3

Ynara ahtao orihpyra exĩko toto, Ritonõpome nymyry oenetuputyryhtao toto a, onenehpohpyryme jenetuputyryhtao roropa eya xine.

Romanos 5:11

“Jepe tõ matose,” tykase Ritonõpo kyya xine. Kuesẽkõ Jezu Kyrixtu Ritonõpo epeme kyriatose, kypyno xine toexiryke, toorihse toexiryke roropa kymyakãkõme. Naeroro atãkyemãko sytatose Ritonõpo epeme toehse kuexirykõke.

1 Korĩtiu 1:31

Morara exiryke ynara tymerose Ritonõpo omiryme: “Oepyryparykõ se awahtao xine Kuesẽkõ nyrihpyry poko rokẽ epyrypatoko,” ãko.

2 Korĩtiu 10:17

Ynara tymerose Ritonõpo omiryme: “ ‘Emese kure ase,’ kara ehtoko. ‘Kuesẽkõ emese kure mana,’ kahtoko,” ãko.

2 Korĩtiu 4:6

Apitoryme xinukutume rokẽ sero po kynexine. Mame: “Saereme exiko,” tykase Ritonõpo ahtao, saereme toehse. Mokyro: “Saereme exiko,” kahpõ, kutuarõtanohtorỹko mana tuisame imehxo toexiry poko. Kyrixtu ẽmyty enepõko kyya xine mana. Ẽmyty eneryke kyya xine ime aexiry enetupuhnõko sytatose.

Karaxia 6:14

Yrome ase epyrypara kure jexiry poko. Jezu Kyrixtu Kuesẽkõ exixihmatopõpyry poko rokẽ epyrypãko ase. Ynara exiryke, toorihse Jezu exiryke, josenetupuhtoh tyrisenã sã toehse. Jezu onenetupuhpynõ penetatoh se pyra ase. Morararo Jezu onenetupuhpynõ mã ysã se pyra roropa toto, enara.

Piripo 3:3

Yrome mokaro sã pyra sytatose. Kukurohtao xine tukurãkase kuexirykõke. Ritonõpo Zuzenu poe Ritonõpo poko sytatose. Atãkyemãko sytatose Jezu Kyrixtu poetoryme kuexirykõke. Kupũkõ sahkary tõkehko, kuakorehmara xine ipunaka kure kyrirykõ poko Ritonõpo a. Moro waro sytatose.

1 João 5:20

Ynara zuaro roropa sytatose, Ritonõpo mũkuru tooehse kyya xine tuaro kuehtohkõme, Ritonõpo waro roropa kuehtohkõme. Ritonõpo nymyry maro sytatose. Imũkuru maro roropa sytatose, Jezu Kyrixtu maro. Mokyro mã Ritonõpome nymyry. Mokyro maro orihpyra exĩko sytatose jumãme.

1 Samueu 15:22

Ynara tykase Samueu eya: — Oty kurehxo Kuesẽkõ Ritonõpo a? Aomihpyry omipona kuexirykomo? okyno zahkary kynekarorykõme? Kurehxo Ritonõpo omipona kuehtohkomo, kure hkopyra kaneru kurã etapary jahkatohme kynekarorykõme eya.