Jeremia 9:22 - Ritonõpo Omiry: A Bíblia Sagrada na língua Aparai do Brasil

²² Aorihtyã ekepyry epukãko, onokaro ety sã sapararahme typahse ona po, tykyrysã tysahkase ahtao samo mame aepukaryke tynomose apoinanomo a, tonahsemy sã tynomose rokene. Moro Ritonõpo nekarohpyry ya ourutohkõme.”

Jeremia 9:22 ပူးပေါင်းရင်းမြစ်များ

2 Tuisa 20:13

Enehnanõ toahmase Ezekia a tytapyĩ konõto taka toto omõtohme. Mame tymõkomory kurã tonepose eya: parata, uuru maro, otytyko tonahsã emeporyme, ixtaratu te, typyre tõkehko, emero tonepose eya xine.

2 Tuisa 20:15

— Oty tonese eya xine atapyĩ tao? tykase, tõturupose Izaja. — Tonese eya xine emero porehme, tykase Ezekia. — Emero enepoase eya xine.

2 Tuisa 9:37

Akoĩpyry sapararahme exĩko okyno ety samo. Moromeĩpo ipoko ynara kasaromepyra exĩko imehnõ mana: ‘Mose Jezapeu ekepyry taro nexiase.’ ”

Jo 5:13

Zuarohxo exiketõ tapoisẽme exĩko zuaro toehtopõpyrykõke; ekurehnõko mã toto tynyrirykõ poko.

Saumu 49:7

Yrome onepehmasaromepyra sytatose orihpyra kuehtohkõme; Ritonõpo onepehmasaromepyra sytatose jũme isene kuehtohkõme,

Saumu 83:10

Typoremãkase toh oya Ẽtoa po, ekepyry tõ tymotase nono po.

Porowepio 18:11

Tymõkomoke exikety tytinerũ poko osenetupuhnõko mana pata apuru samo, kaehxo exikety, jamihme roropa osewomatohme repe.

Porowepio 23:4

Emotyẽkara exiko oerokuru poko tuhke tineru apoitohme oya,

Izaja 5:25

Naeroro tyekĩtapãse Kuesẽkõ typoetory tõ poko; tomary tanỹse eya, tuãnohse toto. Ypy tõ tykytyky tykase kehko, aorihtyã ekepyry tõ typahsẽ sã tõxinamasẽme exĩko pata esemary po. Morara toehse ahtao ro toto zehno Ritonõpo ehtoh enahpyra ro; tomary tanỹse ro mana typoetory tõ wãnohtohme.

Jeremia 16:4

Orihnõko mã toto tyrohsẽ ke popyra ipunaka. Toto onyhnamopyra exĩko imehnõ mana, ekepyry ononẽpyra exĩko mã toto. Typahse rokẽ exĩko mã toto sapararahme nono poro okyno ety samo. Orihnõko mã toto etonatoh tao te, omise ehtoh konõto ke roropa, ekepyrykõ tõsẽme exĩko mã toto torõ tomo a, onokyro tomo a roropa.

Jeremia 25:33

Moro ẽmepyry ae ahno ekepyry tõ, Ritonõpo netapatyã sapararahme exĩko mã toto sero nono po porehme. Toto onyhnamopyra exĩko mã toto. Okepy tõ ananỹpyra exĩko mã toto, ononẽpyra roropa exĩko mã toto: typahse rokẽ exĩko mã toto nono po okyno ety samo.

Jeremia 6:21

Naeroro ywy, Ritonõpo, mokaro rĩko ase etonatohme, epukatohme. Jũkõ orihnõko mã toto tumũkurukõ maro, tope tõ maro te, typãnarykõ maro.

Jeremia 7:33

Ahno ekepyry õnõko torõ tõ mana te, onokyro tõ roropa, mokaro onerehpyra roropa imehnõ mana, ahno pyra exiryke.

Jeremia 8:2

Jehpyrykõ typahsẽme exĩko sapararahme xixi zopino, nuno roropa, xirikuato zopino roropa. Morohne sehxo toh nexiase, tynekarorykõ tonehse eya xine, imeĩpo ehtoh poko tõturupose toto a eya xine, toahmase toto eya xine. Jehpyry tõ ananỹpyra exĩko mã toto zonẽtohme. Jarao rokẽ exĩko mã kehko nono po, onokyro ety samo.

Apakuke 1:11

Mame mya ytõko mã toto tyryrykane samo. Osenepyra ropa exĩko mã toto, Ritonõpo oneahmara mã toto, oseahmãko rokẽ mã toto tyjamitunurukõ pokoino.”

Sowonia 1:17

Ynara ãko Ritonõpo mana: — Popyra ehtoh tuhke rokẽ enehpõko ase ahno pona, wazawazame ytoytõko mã toto tonurãkarame exiketõ samo. Mokaro iirypyryme toehse toh nexiase jomihpyry omipona pyra. Morara exiryke imunuru tukuãsẽme exĩko tuna samo. Ekepyry tõ tomasẽme exĩko mã toto typahsẽ sã rokene.

Teuteronomiu 8:17

— Ynara kara ehtoko: “Ỹ, kuamoreme xine, kyjamitunurukõ ke kuerohtohkõ ke kymõkomorykõ sapoiatose.”