Jeremia 9:12 - Ritonõpo Omiry: A Bíblia Sagrada na língua Aparai do Brasil

¹² Oturupoase: — Ritonõpo Jesemy, oty katohme yna nonory tonahkase nah? Oty katohme tonore toehse, ona tonorẽ samo, tonore exiryke moro ae ytoketõ ytopyra mã toto? Onoky tuarohxo exikety moro enetupuhnõko nae? Onoky tamorepase oya morohne poko, imehnõ amorepatohme eya?

Jeremia 9:12 ပူးပေါင်းရင်းမြစ်များ

Saumu 107:34

nono kurã tyrise eya patãpome, sautu ke tyõtose moro põkõ popyra ehtoh pokoino.

Saumu 107:43

Ah tuaro exiketõ nosenetupuhno toto morohne poko, kypyno xine Ritonõpo ehtoh poko roropa, Kuesẽkomo.

Izaja 42:23

Sero jomiry etary se exikety sehxo ase. Taroino tomeseke sã jomiry etane sehxo ase.

Jeremia 23:10

Sero nono pehme mana imeimehnõ nohpo poko ehtoh ke, Ritonõpo omipona pyra; tyyrypyrykõ poko rokẽ mã toto, tyjamitunurukõke zae pyra ehtoh poko rokẽ mã toto. Popyra ehtoh enehporyke Ritonõpo a sero nono xitãko mana, onahpoty tyaremãse, toorihse sã mana.”

Jeremia 23:16

Ritonõpo Jamihmehxo Exikety ynara ãko Jerusarẽ põkomo a: — Urutõ kõ omiry onetara ehtoko, oenekunohtorỹko mã toto: “Kure rokẽ exĩko mana,” karyke oya xine. Typoe xine rokẽ ourutorỹko mã toto, jomiry onekaropyra mã toto.

Jeremia 23:22

Josenetupuhtoh tokare pyra aexityã waro toto ahtao, jomiry ekarory waro toto exiry, ypoetory tõ takorehmase exiry eya xine azahkuru toto ehtoh rumekatohme eya xine, popyra toto ehtoh rumekary roropa eya xine.

Jeremia 23:28

Urutõ tõsenehse ahtao, ah tõsenety nekarono aosenetyme rokẽ rahkene. Yrome jomiry etaryhtao urutono a zae moro ekarory ripõko ase imehnõ netaryme. Otyme kure tiriiku pihpyry, jomiry tiriiku puhturu nymyry sã mana?

Jeremia 9:20

Ynara tykase ywy: “Nohpo tomo, otato ehtoko Ritonõpo Oesẽkõ omiry oya xine, Aomiry omipona ehtoko. Oẽxirykõ amorepatoko tyxitary waro toto ehtohme; oepe tõ amorepatoko toremiarykõ waro emynyhmatoh poko.

Ezekieu 14:23

Popyra mokaro ehtoh eneryhtao oya xine, zuaro exĩko matose zae jehtopõpyry poko tuãnohse toto ahtao ya. Ywy, Ritonõpo Oesẽkõ, oturuno.

Ozeja 14:9

Senohne, ynymerohpyry enetuputyry se ase tuaro exiketomo a, osenetupuhtohme moro poko. Ritonõpo esemary tõ zae mã kehko. Zae ehtoh poko exiketõ ytoytõko mã toto moro ae, yrome iirypyryme exiketõ osetapãko, epukãko mã toto.

Ozeja 4:10

Jurumekãko oturuketõ mana imehnõ neponãmary tõ eahmatohme. Naeroro otuhnõko mã toto ypoetory tõ nekarotyã poko ya repe. Yrome omise ro exĩko mã toto. Imehnõ neponãmary tõ eahmãko mã toto tõsewomatohkõme repe, yrome onewomara mã toto.

Joeu 1:11

Emynyhmatoko tupito poko erohketomo; oxitatoko uwa zoko tõ poko erohketomo; tiriiku pyra toehse exiryke, sewata pyra toehse roropa. Emero tarykasã tonahkase mana.

Sowonia 3:6

Ritonõpo ynara ãko mana: — Ahno tõ tonahkase ya, pata tõ tykararahse, nono pona toto typahse ya, tapyi tõ kaetokohxo exiketõ, erase tõ esary, osema tõ roropa. Pata tõ patãpome toehse mã kehko, tytaõke pyra ipunaka.

Mateu 24:15

— Pake Tanieu a tymerose iirypyrymãkõ nyrihpyry xihpyry poko. Mame Tanieu omihpyry ae ro iirypyrymãkõ nyrihpyry xihpyry enẽko matose Ritonõpo esao. (Moro poko enetupuhtoko. Tuaro ehtoko.)

Teuteronomiu 32:29

Tuaro toto ahtao, enetuputyry oty katohme tonahkase toto, zuaro roropa toto exiry oty katohme tuãnohse toto ya.

Apokaripxi 1:3

Tãkye exĩko matose sero pape sekeremaneme awahtao xine. Tãkye roropa exĩko matose sẽ omi etaneme awahtao xine, otato roropa awahtao xine. Ritonõpo poe sero tymerose. Okyna hkopyra serohne exĩko mana emero. Ekurehpyra mana.