Jeremia 9:1 - Ritonõpo Omiry: A Bíblia Sagrada na língua Aparai do Brasil

¹ Jupuhpyry tuna pẽkamãme ehtoh sã se ase repe, jenuru soesoekaneme sã se ase roropa repe yxity ke, ywy yxitatohme saereme, koko roropa wekyry tõ hnamoryme, totapase aexityamo.

Jeremia 9:1 ပူးပေါင်းရင်းမြစ်များ

Saumu 119:136

Iporiry sã yxity serere ãko, ikurenaka jenuru tõ poe, õmihpyry omipona pyra ahno tõ exiryke.

Saumu 42:3

Saereme ahtao yxitary poko kohmãnõko ase, koko ahtao moro poko ẽmehnõko ase, yxitary rokẽ ynapyryme mana. Jepetõkara ynara ekaropõko: Otoko hnae Ritonõpo Oesemy? kakehpyra mã toto.

Saumu 55:7

Ywy epary myahxo ahno esaka pyra, moroto jehtohme rokẽ rahkene.

Izaja 16:9

Naeroro xitãko ase pata Jazea poko te, uwa zoko poko roropa Xipima po. Xitãko ase pata Hexipõ poko te, Ereau poko roropa uwa tõkehko apoisẽ pyra exiryke, tãkye ehtoh pyra mã ipunaka.

Izaja 22:4

Morara exiryke morara tykase ywy: “Kurumekako ty; yxitaxi yronymyryme. Jemuhkehkapory onukuhpyra ehtoko, wekyry tõ typoremãkapose exiryke.”

Jeremia 13:17

Otato pyra awahtao xine, xitãko ase tokare pyra opoko xine oepyryparykõke. Xitãko ase yronymyryme, yxity kuãnõko ase Ritonõpo poetory tõ tarose exiryke imehnõ namotome.

Jeremia 14:17

Mame tonyohse ywy Ritonõpo a jemynyhmary ekarotohme ahno a. Ynara ase: “Saereme, koko roropa jenuru tõ poe yxity kuãnõko mana. Yxitakepyry se pyra ase, itamurume wekyry tõ tyyryhmase exiryke, tyhtomase mã toto yronymyryme.

Jeremia 3:10

Ynara popyrahxo nase: Juta, Izyraeu akorõ zae pyra exikety, toepyry ropa ya tukuhse sã repe, ajohpe rokene, jenekunohtohme rokene. Ywy, Ritonõpo, oturũko ase.

Jeremia 4:19

Sam ãko ase! Emynyhmãko ase ipunaka ukurohtao! Ukurohtao jeano tahtah ãko jamihme sã mana! Mynyhme ehsaromepyra ase. Rue totase ya exiryke, kui kui katoh tonõ roropa etonatoh poko.

Jeremia 5:7

Ynara ãko Ritonõpo, ekaropõko: “Oty katohme ypoetory tõ rypyry korokãko ha? Turumekase ywy eya xine. Imehnõ neponãmary eahmãko mã toto, ajohpãkomo. Ypoetory tõ tonahpase ya, tuesapare toto ehtoh pona. Yrome imehnõ poko toehse toh nexiase, imeimehnõ poko exiketõ maro toehse toto.

Jeremia 6:26

Ynara ãko Ritonõpo typoetory tomo a: — Oemynyhmaryme upo amurutoko kamisa topuxiximã risemy, oporohtoko oruno pona. Oxitatoko omũkuru hnamory samo, toirono; xitatoko oehsasaka oenahkaponekõ exiryke.

Jeremia 8:18

Emynyhmãko ase ipunaka, ekurãkasaromepyra ase; ukurohtao jeano kure pyra mana.

Jeremia 9:18

Ahno ynara ãko: “Axĩ ke eremiaketõ enehpotoko, eremiatohme emynyhmatoh poko ynanetaryme, yna enuru pehkatohme yna xity ke, tuna tũtatohme yna enuru ae, yna xitaryme!”

Ramẽtasão 2:11

Jenuru tõ osenuhmara nase kehko yxity ke; ukurohtao torẽtyke ase. Jemynyhmaryke tapotũkehse ywy wekyry tõ tonahkase exiryke. Poetohti tõ pisarara enẽko ase orihnõko omise konõto toexirykõke pata esemary tõ ae.

Ezekieu 22:12

Toitoine apatary põkõ, tineru apoitohme imehnõ etapãko mã toto. Imehnõ axĩtao rokẽ tineru ekarõko imotyehxo epehmapotohme ropa, itineruje toehtohme; tyekyry tõ rohmanohpõko mã toto, zae pyra. Tuenikehse mã toto ypoko. Ywy ase Ritonõpo Oesẽkomo, oturuno.

Ozeja 7:4

Ewokananõme mã toto emero porehme. Imehnõ zehno toto ehtoh apoto sã mana orinato zopino tymynyhpãse ahtao, ipoko pyra wyi ekeine mana, wyi eraximaryme.