Jeremia 8:7 - Ritonõpo Omiry: A Bíblia Sagrada na língua Aparai do Brasil

⁷ Torõ tõ toytotohkõ waro mã toto, urutukue tomo te, akarara tomo te, parapi tõ roropa, imepỹ nono pona toytotohkõ waro mã toto; ruperupewa tõ zuaro mã toto toehtohkõ ropa toehse ahtao. Yrome amarokõ ypoetory tomo, ynyripohpyry oya xine omipona pyra matose.

Jeremia 8:7 ပူးပေါင်းရင်းမြစ်များ

Kãtiku 2:12

ona po emero ekutãko mana. Eremiatoh toehse mana; utuku tõ osetãko mana tupito tõ po.

Izaja 1:3

Pui tõ tosẽkõ waro mana, jumẽtu tõ tosẽ nekarory esary waro roropa mã kehko tynapyrykõ esaryme, yrome ypoetory tõ tuaro pyra mã toto; Izyraeu tõ onenetupuhpyra mã toto.”

Izaja 27:11

Wewe amoriry tõ toorihse mã kehko, toetahtahkase mã kehko; morohne anỹnõko apotopokõme nohpo tõ mana. Putuhtome exiketõ sã Izyraeu tõ exiryke toto pyno pyra Ritonõpo exĩko mana, toto wãnopyryhtao onewomara mana.

Izaja 5:12

Oseahmatoh poko haapa tõ enehnõko matose rira tõ maro, pãteru tõ roropa te, rue tõ maro, eukuru jehnahpyry maro itamurume ẽtohme. Yrome Ritonõpo Kuesẽkõ osenetupuhtoh poko oty kara matose, inyriry poko tuaro pyra matose roropa.

Jeremia 4:22

Ynara ãko Ritonõpo mana: “Ypoetory tõ tuaro pyra mã toto, juaro pyra roropa mã toto. Poeto pitiko sã mã toto, putupyra rokene, onenetupuhpyra mã toto. Popyra ehtoh poko tuarohxo mã toto. Yrome zae ehtoh poko zuaro pyra mã toto ipunaka.”

Jeremia 5:6

Morara exiryke reão a itu htae tosekasẽme exĩko mã toto; kaikuximo ona poe toto esekãko, reoparatu tõ otonẽnõko pata põkõ esekase. Itũtarykohtao pata poe tosekasẽme exĩko mã toto iirypyrykõ tuhke exiryke, tuhke Ritonõpo turumekase roropa eya xine.

Apakuke 1:4

Naeroro õmihpyry omipona pyra mã toto, zae ehtoh onyripyra mã toto. Kure ehtoh poko exiketõ tapuruse mã toto zae pyra exiketomo a. Zae pyra ahno apiakãko mã toto.

Zakaria 5:9

Mame asakoro nohpo tõ enease taporihke sekonia aporiry samo. Kae toytose toto, tarose tyryrykane a. Toeporehkase toto, moro ruto tapoise eya xine arotohme tymaro xine kae samo.