Jeremia 8:20 - Ritonõpo Omiry: A Bíblia Sagrada na língua Aparai do Brasil

²⁰ Mame ahno kohtãko mã toto: “Jeimamyry nenahno, tykyrysã apoitoh tonahse, yrome kypynanohpyra xine sytatose.”

Jeremia 8:20 ပူးပေါင်းရင်းမြစ်များ

Porowepio 10:5

Tuaro exikety tykyrysã apoĩko mana toehse ahtao, yrome nyhketyme tynyhse rokẽ ahtao tykyrysã toehse ahtao ehxirõko mana.

Jeremia 8:19

Etatoko ke! Wekyry tõ kui kary etãko ase, kohtãko mã toto sero nono po porehme. Ynara ãko mã toto: “Otarame Ritonõpo Kuesẽkõ Xião po pyra toehse nae? Xião Tuisary moroto pyra hnae?” Mame Ritonõpo, Ituisarykõ toto ezuhnõko: “Oty katoh jyhtomãko matou oneponãmarykõ ke, ritõ panõ eahmaryke oya xine, typahsẽme rokẽ mokaro mã toto?”

Jeremia 8:21

Ukurohtao jeano tapurose mana wekyry tõ tapurose exiryke. Xitãko ase, tapotũkehse ywy ipunaka.

Ruka 13:25

— Mame tapyi esẽ tapyi apurũko mana. Moromeĩpo tooehse awahtao xine tapyi myhtokoxi, sekere ãko matose. Ynara ãko matose: “Apuruhmakako yna omõtohme,” ãko matose repe. Mame ynara ãko oezuhtorỹko mana: “Awaro pyra xine ase. Ozeino moehtou?” ãko mana.

Ruka 19:44

Tuhke ozehnotokõ exĩko mana õmye xine. Oryhmatorỹko mã toto. Oesaõkõ ryhmãko roropa mã toto emero porehme atapyĩ taõkõ maro. Oesarykõ pahnõko mã toto. Topu risẽme tapyi ahtao, topu pahnõko roropa mã toto. Oya xine jenehpoase Ritonõpo repe, typoko ourutohkõme repe. Yrome yse pyra matose. Morara exiryke oryhmatorỹko mã toto. Osepynanohpyra matose emero porehme, tykase Jezu Jerusarẽ põkõ poko.