Jeremia 8:19 - Ritonõpo Omiry: A Bíblia Sagrada na língua Aparai do Brasil

¹⁹ Etatoko ke! Wekyry tõ kui kary etãko ase, kohtãko mã toto sero nono po porehme. Ynara ãko mã toto: “Otarame Ritonõpo Kuesẽkõ Xião po pyra toehse nae? Xião Tuisary moroto pyra hnae?” Mame Ritonõpo, Ituisarykõ toto ezuhnõko: “Oty katoh jyhtomãko matou oneponãmarykõ ke, ritõ panõ eahmaryke oya xine, typahsẽme rokẽ mokaro mã toto?”

Jeremia 8:19 ပူးပေါင်းရင်းမြစ်များ

Saumu 135:21

Ritonõpo eahmatoko Xião po, Jerusarẽ po, Kuesẽkõ esary po. “Kure mase, Ritonõpo,” kahtoko!

Saumu 137:1

Typorohse ynanexiase tuna tõ ehpiõ po Papironia po; xitãkone ynanexiase wenikehpyra yna ahtao Jerusarẽ poko.

Saumu 146:10

Tuisame exikehpyra Kuesẽkõ mana. Jerusarẽ põkomo, jũme Oesẽkõ tuisame exikehpyra mana. Kure mase, Ritonõpo!

Saumu 149:2

Atãkyematoko, Izyraeu tomo, Ritonõpo Oesẽkõ poko. Oseahmatoko, Jerusarẽ põkomo, Otuisarykõ poko.

Saumu 31:6

Imehnõ neponãmary eahmananõ se pyra mase ipunaka; ajohpe rokẽ mã toto. Yrome ywy oenetupuhnõko ase.

Izaja 1:4

Tee! Ahno popyra rokẽ mã mokaro, pehme tyyrypyhpyke mã toto! Emero zae pyra ehtoh poko exiketõme mã toto. Ritonõpo turumekase eya xine, Ritonõpo kurano, Izyraeu tõ Esemy. Toeramase toto Ritonõpo winoino.

Izaja 12:6

Xião põkomo, atãkyematoko, Ritonõpo eahmatoko roropa. Ritonõpo kurano, Jamihmehxo Exikety, Izyraeu tõ Esemy moroto mana typoetory tõ maro osesarĩko mana.”

Izaja 13:5

Soutatu tõ oehnõko mã toto Perexia poe, moino tynonorykõ poe, moino nono etyhpyry poe oehnõko mã toto. Zehno Ritonõpo exiryke, typoetoryme mokaro rĩko mana Papironia enahkatohme.

Izaja 33:22

Ritonõpo mã zae Kuapiakanekõme, Kutuisarykõme roropa mana, ynororo mã kypynanohtorỹko roropa.

Izaja 39:3

Morarame urutõ Izaja toytose tuisa Ezekia a ekaropose, ynara tykase: — Otokoino tooehse mokaro nahe? Otara nykã toh oya? tõturupose Izaja Ezekia a. — Moe nono poe tooehse toh nexiase, Papironia poe, tykase Ezekia.

Izaja 52:1

Apakako, Jerusarẽ, apakako ajamihtako ropa. Pata kurã põkomo, oupõkõ kurãkõ amurutoko, Ritonõpo se pyra exiketõ mokaro ahno nuriame aexityã oehpyra ropa mã toto jumãme oesaka xine.

Jeremia 10:15

Typahsẽme rokẽ mã kehko, toiparo rokẽ tyrise mã kehko. Tonahkasẽme exĩko mã kehko tooehse Kuesẽkõ ahtao toto wãnohtohme.

Jeremia 14:19

“Ritonõpo, yna Esemy, Juta tõ turumekase oya yronymyryme? Xião põkõ se pyra mexino ipunaka? Oty katohme yna tyhtomase oya itamurumehxo, ekurãkasaromepyra yna ehtohme? Osepeme kuehtohkõ eraximãko ynanexiase repe. Yrome kure ehtoh oehpyra tokurehse; ekurãkãko sytatose tõsenetupuhse yna repe. Yrome erehtoh rokẽ toehse.

Jeremia 14:9

Oty katohme osenuruhkãko sã mahno, soutatu samo tapotũkehse ahtao imehnõ onewomasaromepyra ynororo ahtao? Yrome omoro Ritonõpo yna maro mase, opoetoryme ynanase. Yna onurumekara exiko!”

Jeremia 2:5

Ynara ãko mana: “Oty popyra jehtoh tonese atamuru tomo a jurumekatohme eya xine? Tyneponãmarykõ typahsẽme, isene exiketõ kara toahmase eya xine, mame isaaro toehse roropa toh nexiase typahsẽme sã rokene.

Jeremia 27:10

Oenekunohtorỹko mã toto, ynara oritorỹko mã toto: taroposẽme exĩko matose ononorykõ poe, mya tarosẽme exĩko, mame tonahkasẽme exĩko matose.

Jeremia 31:6

Ẽmepyry oehnõko mana, erase tõ imehnõ kohmãko mã toto ypy tõ po Eparaĩ po: “Osehtoko! Ehmaropa ypy Xião pona, moroto Ritonõpo Kuesẽkõ exiryke,” ãko mã toto.

Jeremia 32:30

Moino ro apitotopõpyry poe Izyraeu tomo Juta tõ roropa yzamaro pyra toh nexiase tynyrityã popyra ehtoh ke. Mame mokaro popyra ehtoh eneryke ya toto zehno toehse ywy.

Jeremia 7:19

Yrome otarame rokẽ jyhtomãko mã toto. “Arypyra! Jyhtomara mã toto,” ãko ase. Atapurõko mã toto, imeĩpo ehxirõko mã toto.

Jeremia 8:20

Mame ahno kohtãko mã toto: “Jeimamyry nenahno, tykyrysã apoitoh tonahse, yrome kypynanohpyra xine sytatose.”

Jeremia 9:16

Sapararahme ypoetory tõ aropõko ase imeimehnõ nonory pona. Mokaro ehtoh waro pyra toh nexiase. Itamuru tõ mokaro ehtoh poko zuaro pyra roropa toh nexiase. Imehnõ soutatu tõ enehpõko ase etonatohme ypoetory tõ maro toto enahkatoh pona ipunaka.

Ezekieu 48:35

Moro apuru mosa exiry pata zomye tytororo 9 kirometurume exĩko mana. Mame moro pata esety taroino ynara exĩko mana: “Ritonõpo Kuesẽkõ taro mana.”

Joeu 2:32

Yrome Ritonõpo a ekaroporyhtao ahno a takorehmatohme, typynanohsẽme exĩko mana. Ynara tykase Ritonõpo exiryke: ahno akoĩpyry ypy Xião po exĩko mã toto, Jerusarẽ po, Ritonõpo nymenekatyã typynanohsẽme exĩko mã toto.

Opatia 1:17

“Yrome ypy Xião po typynanohsẽme exĩko mã toto. Izyraeu tõ tynonorykõ esẽme exĩko ropa mã toto ynekarohpyry eya xine.

Mikeja 4:9

Jerusarẽ, oty katohme xitãko mah nohpo samo aenururuhtao jetũ toehse ahtao? Tutuisake pyra toehse matou? Tamorepaneke pyra roropa hmatou?

Sowonia 3:15

Awãnohtohkõ totypohkapose Ritonõpo Oesẽkomo a. Oepetõkara tonyohse eya typoetory tõ winoino. Ritonõpo Oesẽkõ, Izyraeu tõ Tuisary, amaro xine mana. Popyra ehtoh oepyry zuno pyra exĩko matose.

Zakaria 2:9

Naeroro ywy roro osetapãko ase amaro xine oporemãkatohkõme. Mame omõkomohpyry kurã emero tarosẽme exĩko opoetohpyry tomo a, anamotome aexityamo a. Morohne toehse ahtao zuaro exĩko mã toto emero, Ritonõpo Jamihmehxo Exikety a tonyohse ywy oya xine.

Atos 14:15

— Oty katoh pui zahkãko matou? Ahno rokẽ ynanase, ritõ kara. Ritonõpo omiry ekarose ynanoehno oya xine, oorypyrykõ rumekatohme oya xine. Ritonõpo omipona rokẽ oexirykõ se ynanase. Ritonõpo mokyro kapu rihpono, nono roropa, tuna roropa, kapuaõkõ roropa, nono põkõ roropa, nakuaõkomo, enara. Emero tyrise Ritonõpo a, tykase Pauru eya xine.

Teuteronomiu 31:17

Moro toehse ahtao tohne exĩko ase toto poko, toto rumekãko ase; mame toto anakorehmara jexiryke tonahkasẽme exĩko mã toto. Popyra ehtoh tuhke oehnõko eya xine, itamurume etuarimãko mã toto, naeroro ynara ãko mã toto: “Etuarimãko sytatose sero samo kymaro xine pyra Ritonõpo exiryke.”

Apokaripxi 2:1

— Naeroro pape imeroko ynenyokyhpyry neneryme, Epezu põkõ amorepane neneryme. Ynara imeroko: “Ynara kary se xirikuato apoine, setimãkõ apoine, tomary ke tapotunuru wino. Nãparina apõ rãnakuroko ytoytõko roropa ynororo.