Jeremia 8:12 - Ritonõpo Omiry: A Bíblia Sagrada na língua Aparai do Brasil

¹² Morarame morohne poko, yzamaro pyra ehtoh poko ehxirõko toh nae? Arypyra! Ehxiropyra mã toto ipunaka; ehxirosaromepyra mã toto. Naeroro epukãko mã toto imehnõ toepukase aexityã samo; toto wãnopyryhtao ya typahsẽme exĩko mã toto nono pona. Ywy, Ritonõpo, oturũko ase.

Jeremia 8:12 ပူးပေါင်းရင်းမြစ်များ

Jenexi 19:34

Yrokokoro ynara tykase ẽxiry apitorymã takorony a: — Kokonie papa maro akene. Seroae sauhpane ropa etỹtohme ropa, imaro oehtohme koko. Morarame emũkuãko sytase typakõke papa ehtohme, tykase ynaroro.

Saumu 52:1

Oty katoh epyrypãko mah popyra oehtoh poko, orẽpyra exikety? Kypyno xine Ritonõpo ehtoh anamonohpyra mana jũme.

Saumu 52:7

“Enetoko ke mokyro mã Ritonõpo onyripyra towomaneme; yrome orẽpyra tõsekarose ynororo itamurume tymõkomoke toexiryke, tõsewomary tukuhse ynororo zae pyra toehtoh poko.”

Izaja 24:2

Oxisã etuarimãko mã toto emero porehme: oturuketõ etuarimãko emero rokẽ ahno samo, erohketõ etuarimãko tosẽkõ saaro, nohpo tõ tosẽkõ sã roropa; osepekahketõ ekamonanõ samo; axĩtao rokẽ tineru ekaronanõ tineru apoihpõkõ samo, tytineruke exiketomo tytineruke pyra exiketõ samo.

Izaja 3:9

Oxisã imehnõ onyripyra mã toto; moro poko zae pyra mã toto. Jarao zae pyra toehtohkõ poko mã toto Sotoma põkõ ehtopõpyry samo; otonẽpyra mã toto iirypyryme ehtoh poko toto ahtao. Tuãnohsẽme exĩko mã toto, popyra toto ehtopõpyry epehpyry apoĩko mã toto.

Jeremia 10:15

Typahsẽme rokẽ mã kehko, toiparo rokẽ tyrise mã kehko. Tonahkasẽme exĩko mã kehko tooehse Kuesẽkõ ahtao toto wãnohtohme.

Jeremia 14:15

Ywy, Ritonõpo ynara ãko ase oya: ynara tyrĩko ase mokaro urutõ komo a, jomi poe pyra aehtyamo a, yrome tõturuse toto jomi poe sã repe, ynara ãko toto: “Etonatoh exipyra mana te, omise konõto ehtoh oehpyra mana sero nono po.” Mokaro etapãko ase etonatoh tao te, omise konõto ehtoh ke, enara.

Jeremia 23:12

Mokaro esemary iserehmã sã exĩko, ikohmamyry sã roropa; Ynara toto tyripõko ase: osetapãko mã toto, epukãko roropa. Popyra ehtoh enehpõko ase toto pona, toto wãnohtoh oehnõko mana. Ywy Ritonõpo oturuno.

Jeremia 3:3

Morara exiryke konopo oehpyra toehse, onenehpopyra jexiryke konopo oehtoh po toehse ahtao. Yrome amarokõ imeimehnõ poko exikety ẽmyty nae matose; ehxiropyra matose.

Jeremia 44:10

Yrome seroae ro oorypyrykõ onurumekara ro matose, oesekumuru po porohpyra ro matose osekarotohme ya, jomiry etary se pyra matose; jomihpyry ynyripohpyry roropa oya xine omipona pyra matose, ynekarohpyry oya xine, atamuru tomo a roropa.

Jeremia 6:15

Ehxirõko mã toto, yzamaro pyra ehtoh poko toehse toto ahtao? Arypyra! Ehxiropyra toh nexiase ipunaka. Ehxirotoh waro pyra mã toto. Morara exiryke epukãko mã toto imehnõ epukatopõpyry samo. Tuãnohse toto ahtao ya emahpyryme exĩko mã toto nono pona. Ywy, Ritonõpo, oturũko ase.

Jeremia 6:21

Naeroro ywy, Ritonõpo, mokaro rĩko ase etonatohme, epukatohme. Jũkõ orihnõko mã toto tumũkurukõ maro, tope tõ maro te, typãnarykõ maro.

Ezekieu 23:18

Mame tupoke pyra toehse Ooripa jarãnao, mame zuaro toehse toto emero ipoko, imeimehnõ poko exiketyme aexiry poko. Mame typenekehse ywy, turumekase ynororo ya, ipaxiry rumekatopõpyry sã ya.

Ozeja 5:9

Izyraeu tomo turuse ya rahkene, morohne exĩko, anamonohpyra mana: ẽmepyry oehnõko mana awãnohtohkõme, Izyraeu tonahkasẽme exĩko mana.

Sowonia 3:5

Yrome Ritonõpo moroto ro mana, pata po. Zae ehtoh poko exikehpyra mana. Zae pyra ehtoh poko pyra mana. Kokoro rokẽ ẽmehnõko moroto mana, anamonohpyra roropa mana, zae ehtoh ripõko kyya xine mana; yrome zae pyra exiketõ popyra toehtohkõ onurumekara mã toto, ehxiropyra roropa mã toto.

Teuteronomiu 32:35

Imỹpõko Ritonõpo mã rahkene; toto wãnohnõko rahkene. Okynã pyra osetapãko epetõkara mã toto oximõme. Okynã pyra typoremãsẽme exĩko mã toto.

Piripo 3:19

Typenetatohkõ poko se rokẽ mã toto. Ritonõpo oneahmara mã toto. Ihximyra mã toto tyyrypyrykõ kahpyry poko. Ipoko epyrypãko mã toto kure ehtoh poko samo. Senohne poko osenetupuhnõko mã toto, onenetupuhpynõ penetatoh poko tõkehko osenetupuhnõko mã toto. Naeroro ameke rokẽ exĩko mã toto Ritonõpo a. Etuarimatoh taka omõnõko mã toto.