Jeremia 7:33 - Ritonõpo Omiry: A Bíblia Sagrada na língua Aparai do Brasil

³³ Ahno ekepyry õnõko torõ tõ mana te, onokyro tõ roropa, mokaro onerehpyra roropa imehnõ mana, ahno pyra exiryke.

Jeremia 7:33 ပူးပေါင်းရင်းမြစ်များ

Izaja 18:6

Soutatu tõ ekepyry jarao tynomosẽme exĩko; eina ahtao kurumu tõ tõnõko mana, ikonopory ae onokyro tõ tõnõko roropa mana.

Jeremia 12:9

Ypoetory tõ torõ sã mã toto tapuruse ahtao piano tomo a etonatohme. Onokyro tõ enehpoko otuhtoh konõto pona!

Jeremia 14:16

Mame mokaro, ajohpe urutõ kõ omiry etahpõkõ orihnõko roropa mã toto etonatoh tao te, omise konõto ehtoh ke, enara. Mokaro ekepyry tõ tomasẽme exĩko osema tao Jerusarẽ po; ahno pyra exĩko mã moroto mokaro ekepyry tõ zonẽtohme, ipyxiãkõ maro, imũkuru tõ maro, ẽxiry tõ maro. Moro popyra ehtoh ekarõko ase eya xine iirypyrykõ emetakã epehmatohme.

Jeremia 15:3

— Ywy, Ritonõpo, tõsenetupuhse moro asakoropane orihmapotoh xihpyry poko: orihnõko mã toto etonatoh tao te, ekepyry tõ tywyhmãko kaikuxi tõ mana; torõ tõ toto õnõko mana, onokyro tõ roropa akoĩpyry õnõko mã toto.

Jeremia 16:4

Orihnõko mã toto tyrohsẽ ke popyra ipunaka. Toto onyhnamopyra exĩko imehnõ mana, ekepyry ononẽpyra exĩko mã toto. Typahse rokẽ exĩko mã toto sapararahme nono poro okyno ety samo. Orihnõko mã toto etonatoh tao te, omise ehtoh konõto ke roropa, ekepyrykõ tõsẽme exĩko mã toto torõ tomo a, onokyro tomo a roropa.

Jeremia 19:7

Sero po Juta tõ osenetupuhtoh emero Jerusarẽ põkõ tyriry se ehtoh roropa enahkapõko ase. Epetõkara a toto poremãkapõko ase; toto etapãko mã toto etonatoh tao. Ekepyry tõ ekarõko ase kurumu tõ zohme onokyro tõ zohme roropa.

Jeremia 22:19

Ekepyry tonẽsẽme exĩko jumẽtu zonẽtoh samo toorihse ahtao; tytywyhmasẽme exĩko ematohme jarãnaka pata Jerusarẽ omõtoh ae.”

Jeremia 25:33

Moro ẽmepyry ae ahno ekepyry tõ, Ritonõpo netapatyã sapararahme exĩko mã toto sero nono po porehme. Toto onyhnamopyra exĩko mã toto. Okepy tõ ananỹpyra exĩko mã toto, ononẽpyra roropa exĩko mã toto: typahse rokẽ exĩko mã toto nono po okyno ety samo.

Jeremia 34:20

Morara exiryke mokaro ekarõko ase epetõkara a, etapary se exiketomo a; ekepyrykõ tõsẽme exĩko torõ tomo a te, onokyro tomo a, enara.

Jeremia 9:21

Omato sã kuorikyrykõ tomõse osenuhmatoh ae kytapyĩkõ taka, kutuisarykõ tapyĩ konõto taka tomõse; poetohti tonahkase osema tõ ae, nuasemãkõ roropa osepekahtoh tao.

Jeremia 9:22

Aorihtyã ekepyry epukãko, onokaro ety sã sapararahme typahse ona po, tykyrysã tysahkase ahtao samo mame aepukaryke tynomose apoinanomo a, tonahsemy sã tynomose rokene. Moro Ritonõpo nekarohpyry ya ourutohkõme.”

Ezekieu 29:5

Oemãko ase kana tõ maro emero ona tonorẽ pona. Moroto oekepyry nomõko mã toto nono po, tonẽse pyra. Oekarõko ase torõ tomo a, onokyro tomo a roropa toto zohme.

Ezekieu 39:4

Koke, tysoutatu tõ maro, tope tõ maro epukãko mã toto, toorihse ypy tõ po, Izyraeu nonory po. Toto ekepyry ekarõko ase torõ tõ zohme, onokyro tõ zohme roropa.

Teuteronomiu 28:26

Orihnõko matose, oekepyrykõ enahnõko torõ tõ mana onokyro tõ roropa, mokaro onerehpyra exĩko imehnõ mana.

Teuteronomiu 8:20

Ritonõpo Kuesẽkõ omihpyry omipona pyra awahtao xine orihnõko matose mokaro samo, mokaro enahkãko Ritonõpo mana onenerykõme.