Jeremia 7:14 - Ritonõpo Omiry: A Bíblia Sagrada na língua Aparai do Brasil

¹⁴ Morara exiryke ynyrihpyry Xiro poko tyrĩko roropa ase sero Ytapyĩ Kurã poko, oewomatohkõme ekaroryhtao ro oya xine. Ynyrihpyry Xiro po tyrĩko ase taro ononorykõ po, ynekarohpyry atamurukomo a.

Jeremia 7:14 ပူးပေါင်းရင်းမြစ်များ

2 Tuisa 25:9

Ritonõpo Tapyĩ tyahkase eya te, tuisa tapyĩ konõto roropa te, emero tamuximehxo exiketõ tapyĩ tõ roropa Jerusarẽ po.

2 Koronika 7:21

Seromaroro enekurãme mana, typahsẽme rokẽ exĩko mana. Mame ikuroko ytoketõ oserehnõko mã toto moro eneryke tyya xine. “Oty katohme serara tyrise Ritonõpo a sero nono poko, sero Tapyi poko roropa?” ãko mã toto.

Saumu 78:60

Tytapyĩ kurã turumekase eya Xiro po, tymaro oturutopo ahno rãnao.

Izaja 64:11

Ynanyrihpyry Atapyĩme kurano, oeahmatoh potu, yna tamuru a oeahmatohme, moro tyahkase apoto ke. Yna kyryry kurã emero typahse mana, ipyno yna ehtopõpyry.

Jeremia 12:7

Ynara ãko Ritonõpo: “Ypoetory tõ Izyraeu turumekase ya; ynymenekatyã se pyra toehse ywy. Mokaro pyno jexityã ekaroase epetõkara a.

Jeremia 23:39

Mokaro apoĩko ase, mya toto emãko ase ywinoino ipatarykõ maro, ynekarohpyry eya xine itamurukõ maro.

Jeremia 26:18

— Ezekia tuisame ahtao Juta esẽme, urutõ Mikeja, Moresete pono tõturuse ahno a emero Kuesẽkõ, Jamihmehxo Exikety omiryme. Ynara tykase ynororo: “Jerusarẽ ypyme exĩko topu tõ rokẽ kaetokohxo, ypy Xião tahkasẽme exĩko tupito samo, Ritonõpo Tapyĩ esary itume exĩko mana.”

Jeremia 26:4

Ritonõpo a turuse ywy ynara toto zurutohme: — Ywy, Ritonõpo kuuruatose jomiry omipona oehtohkõme, ãmorepatopõpyrykõ ya omipona oehtohkõme.

Jeremia 7:10

Yzamaro pyra onyrirykõ ipunaka, moromeĩpo jẽpataka oehnõko matose Ytapyĩ Kurã taka ynara kase: “Kure rokẽ sytatose taro, towomase!” ãko matose repe.

Jeremia 7:12

Ytotoko Xiro pona ynymenekahpyry osemazuhme moroto jeahmatohme, ynyrihpyry moroto enẽko matose popyra Izyraeu tõ ehtopõpyry pokoino, ypoetory tomo.

Jeremia 7:4

Omi zae pyra ehtoh onenetupuhpyra ehtoko, ajohpe exiryke: “Towomase sytatose! Sero Ritonõpo Tapyĩme mana, sero Ritonõpo Tapyĩme mana, sero Ritonõpo Tapyĩme mana!”

Ramẽtasão 2:7

Tykyryry apoto apõ poko typenekehse Ritonõpo nexiase, Tytapyĩ kurã turumekase eya. Ineneryme moro apuru tõ tahkananõme toh nexiase. Moroto tykohtase toh nexiase orẽpyra toehtohkõ poko, Ritonõpo eahmatopõpyry yna a esahpokoxi.

Ramẽtasão 4:1

Uuru xinukutumehme sã toehse! Uuru kurã zemime pyra mana! Topu tõ, Ritonõpo Tapyĩ kyryry sapararahme typahse mã kehko osema tõkehko ae!

Ezekieu 23:31

Apaxiry nyriry typoenohse oya; morara exiryke kuãnopyase roropa apaxiry wãnohtopõpyry sã ya.

Ezekieu 24:21

ekarotohme oya xine, Izyraeu tomo: epyrypãko matose Ritonõpo Tapyĩ kurã tosao ro jamihme exiryke. Moro enery se matose, moro taka oytorykõ se roropa matose. Yrome moro rĩko Ritonõpo mana nuriame. Opoenõ tehme ahtao Jerusarẽ po totapasẽme exĩko mã toto etonatoh po.

Teuteronomiu 12:5

Toiro oxiekyrymãkõ esary po osa menekãko Ritonõpo Oesẽkõ mana tosaryme, moroto ehse, moroto mokyro eahmãko matose. Morotona ytõko matose,

Teuteronomiu 28:52

Apatarykõ emero Ritonõpo nekarory oya xine apurũko mã toto, apuru tõ, topu tõ risẽ, kaehxo exiketõ, jamihme exiketõ roropa, epukãko mã kehko, oewomatohkõme tonetupuhse oya xine repe.