Jeremia 52:31 - Ritonõpo Omiry: A Bíblia Sagrada na língua Aparai do Brasil

³¹ Morarame Ewiu-Merotake tuisame toehse ahtao Papironia esẽme tuisa Joakĩ Juta tõ esẽ typynanohse eya. Tutũtanohpose ynororo ãpuruhpyry tae. Morara toehse jeimamyry 37mã po, nuno 11mã po, 25me ẽmepyrymã po Joakĩ arotopõpyry poe papironio tõ poetoryme.

Jeremia 52:31 ပူးပေါင်းရင်းမြစ်များ

Jenexi 40:13

Taroino oseruao tõmehse ahtao tũtãko ropa mase sero ãpuruhpyry tae. Oerohtoh pona ytõko ropa mase, eukuru ekarõko ropa mase tuisa a apitoryme oehtopõpyry saaro.

Jenexi 40:20

Morarame oseruao tõmehse ahtao otuhtoh tyrise tuisa konõto a aniwesario poko oseahmatohme. Typoetory tõ emero toahmase eya. Mokaro asakoro tutũtanohpose eya ãpuruhpyry tae: eukuru rinanõ tuisary te, wyi rinanõ tuisary maro otuhtoh pona toto ytotohme.

Jo 22:29

Epyrypaketõ ime pyra tyrĩko Ritonõpo mana. Yrome epyrypara exiketõ pynanohnõko mana.

Saumu 27:6

Moro sã jepetõkara poremãkapõko ase, japuruhpõkomo. Kohtãko ase atãkyemaryme, okyno tõ zahkãko ase ynekaroryme Itapyĩ tao; eremiãko ase Ritonõpo Kuesẽkõ eahmaryme.

Saumu 3:3

Yrome omoro, Ritonõpo, jewomãko mase osewomatoh samo. Orẽpyra jyrĩko mase, imehnõ zuno pyra jyrĩko ropa mase.

Porowepio 21:1

Tuisa konõto osenetupuhtoh arory tupime pyra mana Ritonõpo a, iporiry sã mokyro eramãko mana typenetatoh ripotohme eya.

Jeremia 37:1

Mame tuisa Napukotonozo, Papironia esemy a Zetekia, Joxia mũkuru, tuisame tyrise Juta tõ esẽme, Joakĩ, Jeoakĩ mũkuru myakãme.