Jeremia 51:6 - Ritonõpo Omiry: A Bíblia Sagrada na língua Aparai do Brasil

⁶ Epatoko Papironia poe! Osepynanohtoko osepynanopyrykõ waro awahtao xine! Orihpyra ehtoko, iirypyryme Papironia ehtoh pokoino. Seromaroro emỹpõko ase Papironia nyrihpyry poko. Mokaro wãnohnõko ase inyrihpyrykõ emetakame.

Jeremia 51:6 ပူးပေါင်းရင်းမြစ်များ

Saumu 94:1

Ritonõpo yna Esemy, zae pyra exiketõ wãnohneme mase! Mokaro zehno oehtoh enepoko yna a!

Porowepio 13:20

Osepeme awahtao tuaro exiketõ maro, tuaro exĩko mase, yrome putupyra exiketõ maro osepeme awahtao popyra ehtoh apoĩko mase etyhpyryme.

Izaja 48:20

Ytotoko Papironia poe, epatoko moro poe! Okohtatoko tãkye oehtohkõke omi kurã ekãtotoko emero pata tõ poro: “Typoetory tõ Izyraeu typynanohse Ritonõpo a!”

Izaja 63:4

Tõsenetupuhse ywy, ypoetory tõ pynanohtoh tooehse mana: ‘Toto zehnotokõ emỹpotoh toehse rahkene.’

Jeremia 25:14

Imeimehnõ nonory põkõ namotome exĩko mã toto, tuisa tõ jamihme exiketõ poetoryme exĩko roropa mã toto, morara ahtao jepehmãko mã toto tynyrityãkõ emetakame.”

Jeremia 25:16

Moro eukuru enyryhtao eya xine, kywyh kywyh ãko mã toto, rowohpe exĩko mã toto etonatoh aroporyke ya eya xine.

Jeremia 27:7

Ahno tõ emero ipoetoryme exĩko mã toto, imũkuru poetoryme, ipary poetoryme roropa, Papironia poremãkatoh pona. Morarame Papironia typoremãkasẽme exĩko imehnõ ahno poetoryme exĩko mã toto ituisary tõ jamihmãkõ maro.

Jeremia 46:10

Sero ẽmepyry ahno apiakatohme Ritonõpo a, Kuesẽkõ Jamihmehxo Exiketyme mana! Seroae, emỹpõko mana; seroae, topetõkara wãnohnõko mana. Itapemã mokaro enahnõko mana tuesapare toehtoh pona, imunurukõ ẽnõko mana ise pyra toehtoh pona. Seroae, tynetapatyã zahkãko Ritonõpo Jamihmehxo Exikety mana inikahpozakoxi, tuna Eupyrati pũto.

Jeremia 48:6

‘Axiny! Tururume ytotoko osepynanohtohme!’ ãko mã toto, kui ãko mã toto. ‘Epatoko jumẽtu samo, ona po exiketomo, tosẽke pyra exiketomo!’

Jeremia 50:15

Kui kahtoko osetapary poko pata zomye porehme! Seromaroro Papironia tõsekarose. Apuru tõ tytahkase. Tomase mã toto nono pona. Ywy Ritonõpo emỹpõko ase papironio tomo a. Amarokõ roropa emỹpotoko. Papironia põkõ tyritoko imehnõ ritopõpyry sã eya xine.

Jeremia 50:28

Epaketõ Papironia poe toeporehkase mã toto Xião pona. Ekarõko mã toto Ritonõpo Kuesẽkõ emỹpotoh poko; Papironia põkõ wãnohtopõpyry poko Itapyĩ Kurã enahkatopõpyry emetakame.

Jeremia 50:31

— Papironia, imehnõ motye kure osekarõko matose. Naeroro ywy Ritonõpo, Jamihmehxo Exikety, oepekara ase! Awãnohtohkõ toehse mana.

Jeremia 50:8

— Izyraeu tomo, epatoko Papironia poe! Moro nono irumekatoko! Moro poe ytoketõ osemazuhme ehtoko!

Jeremia 51:11

Ritonõpo poe etonary se Metia tuisary tomo Papironia põkõ maro, Papironia enahkapory se Ritonõpo exiryke. Itapyĩ Kurã enahkatopõpyry papironio tomo a Jerusarẽ po emỹpõko Ritonõpo mana. Soutatu tõ tuisary ynara ãko: — Pyrou potyry ikurãkatoko suime ehtohme! Õsewomatohkõ ikurãkatoko roropa!

Jeremia 51:36

Ynara tykase Ritonõpo Jerusarẽ põkomo a: — Oewomatorỹko ase. Omỹpõko roropa ase! Ypoe Papironia tunary enatyry tõ anorỹko mana. Itunarykõ anorymapõko ase.

Jeremia 51:45

Izyraeu tomo epatoko moro poe. Axĩ ke ytotoko osepynanohtohme zehno jehtoh winoino.

Jeremia 51:50

Ynara tykase Ritonõpo: — Ypoetory tomo, Papironia po, typynanohse matose, orihpyra mexiatose! Seromaroro ytotoko! Tehme rokẽ pyra ehtoko, oneraximara ehtoko! Moe awahtao xine ro atapyĩkõ htae, ypoko osenetupuhtoko, Ritonõpo Oesẽkomo. Wenikehpyra ehtoko Jerusarẽ poko.

Jeremia 51:56

Toehse mã toto Papironia enahkase; isoutatu tõ tapoise mã toto, taky tõ tytahkase mã kehko. Ywy ase Ritonõpo, popyra exiketõ wãnohne, Papironia põkõ epehmãko ase inyrityã emetakame.

Jeremia 51:9

Imeimehnõ nonory poe aepyhpyã morotona osesarise ynara tykase: “Papironia põkõ akorehmary se ynanexiase repe, yrome tonahkase toto exiryke anakorehmasaromepyra ynanexiase. Ehmaropa emero kynonorykõ pona ropa. Papironia tuãnohse Ritonõpo a tyjamitunuru ke. Tonahkase mana ipunaka.”

Ramẽtasão 3:64

Ritonõpo, mokaro epehmako zae rahkene, zuãnohko toto inyrihpyrykõ emetakame.

Numeru 16:26

Ynara tykase Moeze imoihmãkomo a: — Ameke ehtoko mokaro, popyra exiketõ tapyĩ winoino, ikyryrykõ anapopyra ehtoko ipunaka; tomeseke pyra awahtao xine amarokõ roropa tonahkasẽme exĩko matose mokaro popyra ehtoh pokoino.

Teuteronomiu 32:25

Jarao orihnõko mã toto osetapary poko, tapyi tao orihnõko mã toto enaromỹke. Aimo tõ orihnõko, orymo tõ roropa, poetome exiketomo, tamuhpomãkõ roropa.

Teuteronomiu 32:41

Ytapemã zemime exikety aehtõko ase, zae apiakapitõko ase. Jepetõkara epehmãko ase, yse pyra exiketõ wãnohnõko ase yzehno toto exiryke.

Teuteronomiu 32:43

Atãkyematoko imeimehnõ nono põkomo, Ritonõpo poetory tõ maro! Imỹpõko Ritonõpo mana, typoetory tõ etapahpõkõ wãnohnõko mana. Imỹpõko mana, topetõkara wãnohnõko mana. Yrome typoetory tõ rypyry korokãko mana.

1 Timoteu 5:22

Axĩ pyra imepỹ imenekako Jezu poetory amorepaneme tyritohme. Imehnõ amorepaneme onyripyra exiko iirypyryme ahtao iirypyrymã akorehmaneme oekaroryino. Imehnõ onymoipyra exiko tyyrypyrykõ poko toto ahtao.

Apokaripxi 16:19

Pata konõto tohpahse roropa oseruao. Imehnõ patary tõ tuhke tãtakuhmose emero pata tamuru punero sero nono po. Mame wenikehpyra Ritonõpo nexiase Papironia põkõ poko. Eukuru zetunuru ẽpoase sã eya xine tykasanary ae toto zehno Ritonõpo ehtoh enetupuhtoh moro eukuru nexiase.