Jeremia 51:55 - Ritonõpo Omiry: A Bíblia Sagrada na língua Aparai do Brasil

⁵⁵ Papironia enahkapõko ase mynyhme ehtohme. Pohkane tõ konõto sã ahno soutatu tõ oehnõko mokaro nonory pona osetapase kui katoh ke opore.

Jeremia 51:55 ပူးပေါင်းရင်းမြစ်များ

Saumu 124:2

Ezuhtoh sero: “Kymaro xine pyra Kuesẽkõ ahtao kyzehno xine exiketõ tooehse ahtao etonase,

Saumu 124:4

Mame tuna konõto a kymarokõ tarose exiry; zue aka tarose sehtory,

Saumu 18:4

Tapurupose exiase, joorihmatoh ke; zue sã konõto, yyryhmatoh nexiase, typoremãkapose ywy.

Saumu 65:7

Tuna konõto panaikato exikety mynyhme tyripõko mase pohkane konõto roropa, ahno imoihmãkõ kui katoh roropa mynyhpãkapõko mase.

Saumu 69:2

Ikurepato htaka omõnõko ase zue aka, tũporẽ pyra mana upupuru apõme. Zue aka tomõse ywy, nerỹko ase tuna opotũ exiryke.

Izaja 15:1

Sero nase Ritonõpo omiry Moape poko: Pata Ara tonahkase mana; Pata Kia roropa toiro kohmamyry ae.

Izaja 17:13

Ahno imoihme osetapase oehnõko mã toto pohkane sã tuna konõto kuao, yrome toto zupokãko Ritonõpo mana, mame epãko mã toto. Taroposẽme exĩko mã toto putoh katoh samo ypy po, tiriiku pihpyry arory sã roropa wiriwirikane a.

Izaja 47:5

Papironia põkomo a ynara ãko Kuesẽkõ mana: “Mynyhme oporohko, ytoko ikohmamyry aka, taroino Nohpo Tuisamã, Ahno tõ Esẽme oesehtopyra ropa exĩko mã toto.

Jeremia 25:10

Kui katoh tãkye exiryke enahkapõko ase atãkyematoh roropa te, panaikato roropa oseahmatoh poko, pytatoh poko, enara. Tynahke pyra exĩko matose azeite pyra roropa, nãparina eukuru.

Jeremia 51:42

Tuna konõto tooehse Papironia epozakoxi, tyneryse pohkane konõto kuao.

Ezekieu 26:3

— Seromaroro ywy, Ritonõpo, ynara ãko ase: Pata Tiro, oepekara ase. Imeimehnõ nonory põkõ enehnõko ase tuhke etonatohme amaro. Oehnõko mã toto pohkane konõto samo tuna konõto kuao.

Ruka 21:25

— Morarame tyorõ sã mã exĩko xixi, nuno, xirikuato roropa, tuarõtatohme, enetupuhpotohme. Mame popỹ eneryke tyya xine oserehnõko mã toto, pata tõ punero, tytyorõtase xixi tõ exiryke. “Otara exĩko taroino nae?” kary poko rokẽ mã exĩko toto. Sõkane sã panaikato tuna konõto exĩko. Pohãko konõto mana. Morohne zuno exĩko mã toto.

Apokaripxi 17:15

Mame ynara nase Ritonõpo nenyokyhpyry ya: — Moro tuna onenehpyry pona typorohse nohpo kahpyry, moro tuna ahnome mana. Imoihme mã toto. Pata tamuru põkõ mokaro. Tyotyorõkõ omiry ae exiketõ mokaro.