Jeremia 51:42 - Ritonõpo Omiry: A Bíblia Sagrada na língua Aparai do Brasil

⁴² Tuna konõto tooehse Papironia epozakoxi, tyneryse pohkane konõto kuao.

Jeremia 51:42 ပူးပေါင်းရင်းမြစ်များ

Saumu 18:16

Kaino Ritonõpo a tomary ke tapoise ywy; tanỹse ywy eya zue konõto kuae.

Saumu 18:4

Tapurupose exiase, joorihmatoh ke; zue sã konõto, yyryhmatoh nexiase, typoremãkapose ywy.

Saumu 65:7

Tuna konõto panaikato exikety mynyhme tyripõko mase pohkane konõto roropa, ahno imoihmãkõ kui katoh roropa mynyhpãkapõko mase.

Saumu 93:3

Ritonõpo, tuna konõto zueme exikety opore tyryãko, tuna konõto opore omiomitaketyme mã kehko, pohkane konõto panaikato opore aryrykane samo.

Izaja 21:1

Sero omi Ritonõpo nekarohpyry Papironia poko, “ona tonorẽ tuna konõto ehpio”: Wiriwirikane konõto sã ona tumehtohme ikurenae, popyra ehtoh oehnõko, ona tonorẽ poe enaroximatoh nonory poe.

Jeremia 51:55

Papironia enahkapõko ase mynyhme ehtohme. Pohkane tõ konõto sã ahno soutatu tõ oehnõko mokaro nonory pona osetapase kui katoh ke opore.

Ezekieu 26:3

— Seromaroro ywy, Ritonõpo, ynara ãko ase: Pata Tiro, oepekara ase. Imeimehnõ nonory põkõ enehnõko ase tuhke etonatohme amaro. Oehnõko mã toto pohkane konõto samo tuna konõto kuao.

Tanieu 11:10

— Mame Xiria tuisary mũkuru tõ soutatu tõ enehnõko oximõme, tuhkãkõ jamihmãkomo. Mame toiro imũkuru soutatu tõ arõko Ejitu poremãkase. Moro nono poremãkãko mana emero, tuna zueme exikety samo. Omõnõko Ejitu tuisary esaka itapyĩ jamihmã kararahse.

Tanieu 7:2

Ynara tymerose eya: Osenehnõko exiase koko. Tyryrykane tõ sã enease xiaxiake tyryry ãko, pohkane rĩko tuna konõto kuao.

Tanieu 9:26

Mame etyhpyryme mokyro, Ritonõpo nymenekahpyry, totapasẽme exĩko mana zae pyra exiketomo a. Mame imepỹ tuisa oehnõko tysoutatu tõ maro pata enahkase, Ritonõpo Tapyĩ maro. Mame moro etyhpyry exĩko mana zueme ehtoh samo, etonatoh enehnõko mana, enahkatoh roropa, Ritonõpo nenehpory tõkehko.

Ruka 21:25

— Morarame tyorõ sã mã exĩko xixi, nuno, xirikuato roropa, tuarõtatohme, enetupuhpotohme. Mame popỹ eneryke tyya xine oserehnõko mã toto, pata tõ punero, tytyorõtase xixi tõ exiryke. “Otara exĩko taroino nae?” kary poko rokẽ mã exĩko toto. Sõkane sã panaikato tuna konõto exĩko. Pohãko konõto mana. Morohne zuno exĩko mã toto.