Jeremia 51:30 - Ritonõpo Omiry: A Bíblia Sagrada na língua Aparai do Brasil

³⁰ Papironio tõ soutatu tõ tãtatapoikehse toh mana. Tehme rokẽ mã toto tytapyĩkõ jamihme exiketõ tao. Torẽse toehse mã toto, otupĩko rokẽ mã toto. Pata omõtoh apuru tõ tytahkase toto, tapyi tõ tyahkase mã kehko.

Jeremia 51:30 ပူးပေါင်းရင်းမြစ်များ

Saumu 107:16

Omõtoh apuru tõ tahkãko mana metau risemy, ikyryry kurimene risẽ kararahnõko roropa mana.

Saumu 147:13

Jamihme apatary omõtoh rĩko mana. Kure rokẽ apatary põkõ rĩko roropa mana.

Saumu 76:5

Mokaro soutatu tõ, jamihme exiketõ pyre tarose kehko emero; seromaroro nyhnõko mã toto toorihse, osewomasaromepyra toexirykõke.

Izaja 19:16

Mame moro ẽmepyry toehse ahtao Ejitu põkõ nohpo sã exĩko mã toto: Ritonõpo Jamihmehxo Exikety zuno exĩko mã toto emary tanỹse ahtao toto wãnohtohme.

Izaja 47:14

Onahpoty tonore sã mã toto; toto zahkãko apoto mana, osepynanohsaromepyra exĩko mã toto. Zemimehxo moro apoto exĩko mana, osũtoh sã pyra.

Jeremia 48:41

Ipatarykõ tapoisẽme exĩko mã kehko soutatu tõ tapyĩ jamihmãkõ maro. Moro toehse ahtao Moape tõ soutatu tõ oserehnõko mã toto nohpo samo jetũ toehse ahtao enururuhtao.

Jeremia 50:15

Kui kahtoko osetapary poko pata zomye porehme! Seromaroro Papironia tõsekarose. Apuru tõ tytahkase. Tomase mã toto nono pona. Ywy Ritonõpo emỹpõko ase papironio tomo a. Amarokõ roropa emỹpotoko. Papironia põkõ tyritoko imehnõ ritopõpyry sã eya xine.

Jeremia 51:32

Tuna akuohtoh tapoise epetõkara a, kysoutatu tõ tapyĩ jamihmãkõ tyahkase roropa eya xine. Soutatu tõ papironio tõ tõserehse mã toto.

Jeremia 51:57

Ituisary tõ toetỹse tyripõko ase, tuaro exiketomo te, tuisa tomo, soutatu tomo, enara. Nyhnõko mã toto jũme owõpyra ropa ehtohme. Ywy Tuisa oturuno. Ywy ase Ritonõpo, Jamihmehxo Exikety.

Ramẽtasão 2:9

Omõtoh apuru tõ tonẽse mã kehko typahsẽ ao, ikyryry tõ tytahkase mana. Tuisa tarose tamuximãkõ maro imepỹ nono pona. Ritonõpo omiry poko anamorepara toehse, urutõ komo a enepotoh onekaropyra toehse Ritonõpo mana.

Amoxi 1:5

Pata Tamaxiku omõtoh apuru tõ kararahnõko ase, Jakanahmã Awẽ põkõ enahkapõko ase, Pete-Etẽ tuisary maro. Xiria põkõ arõko imehnõ mana typoetoryme Kia nonory pona. Ywy Ritonõpo oturuno.

Naum 3:13

Osoutatu tõ jamihme pyra mã toto, nohpo tõ samo, pata omõtoh tonõ totapuruhmakase mã kehko. Omõnõko oepetõkara mana, ise tahtao xine, omõtoh ikiritihmatoh tonõ tyahkase exiryke apoto ke.

Apokaripxi 18:10

Amekeino rokẽ enẽko mã toto, mokaro etuarimatoh zuno toexirykõke. — Myhene! Myhene! ãko mã toto. — Pata imehxo nexiase repe. Orẽpyra Papironia põkõ nexiase repe. Yrome axĩ tonahse myhene, ãko mã toto.