Jeremia 51:16 - Ritonõpo Omiry: A Bíblia Sagrada na língua Aparai do Brasil

¹⁶ Ritonõpo omipona aryryãko tuna mana kapu ao. Akurũ tõ onuhmanohpõko mana nono etyhpyry tõ poe. Neneneh kamexipõko mana konopo ae, tyryrykane tũtanohpõko mana tymõkomory kurãkatoh tae.

Jeremia 51:16 ပူးပေါင်းရင်းမြစ်များ

Jenexi 8:1

Mame wenikehpyra Noe poko Ritonõpo kynexine, Noe maro exiketõ poko roropa, onokyro tõ poko te, okyno tõ poko kanawa aõkõ poko wenikehpyra kynexine. Tyryrykane tonyohse Ritonõpo a sero nono pona, mame tãpaipitose ropa tuna.

Jo 37:13

Konopo enehpõko Ritonõpo mana nono pona, toitoine ahno wãnohtohme, kypyno xine toehtoh waro kuehtohkõme roropa.

Jo 38:22

“Mytoase ykyryry newe kurãkatoh enese, konopoimo topu xikirimã kurãkatoh roropa?

Jo 40:9

Ajamitunuru ekarõko mah yjamitunuru samo? Õmiry ke konomeru riry waro mahno panaikato konõto, jomiry samo?

Saumu 104:7

Yrome tuna tõ tupokase ahtao oya, toepase toh nexiase; õmiry etaryke tyya xine, tykohtase ahtao oya, tururume toytose toto.

Saumu 135:7

Sero nono etyhpyry poe akurũ enehnõko mana, nenenehkane rĩko mana konopo maro, tyryrykane enyohnõko mana tykyryry tõ esary ae.

Saumu 147:18

Mame aomiry omi poe jeru kuenimã tuname exĩko ropa mana. Tyryrykane enehpõko mana, mame tuna serere ãko mana.

Saumu 18:13

Morarame konomeru konõto tyrise Ritonõpo a; tõmiry totapose Ritonõpo Imehxo Exikety a.

Saumu 46:6

Imehnõ nonory põkõ oserehnõko mã toto, mokaro kowenu tõ tyjamihkehkasẽme mã toto. Oturũko mã Ritonõpo konomeru samo, tuname sero nono exĩko mana.

Saumu 68:33

“Kure mase,” kahtoko Mokyro a, kapu ae kawaru po ytokety a, moino ro kapu ao mana, pakato ro mokyro. Aomiry etatoko, konomeru konõto sã mana.

Saumu 78:26

Morarame xixi tũtatoh wino tyryrykane tonehpose eya, tyjamitunuru ke ikurenaeino tyryrykane tyryry tykamexipose eya.

Exutu 10:13

Tymyxiry tanỹse Moeze a Ejitu po. Tyryrykane tonehpose Ritonõpo a xixi tũtatoh wino. Tyryry tykase nono poro saereme, koko, enara. Mame tõmehse ahtao taparara tõ tonehse tyryrykane a.

Exutu 10:19

Mame tyryrykane tonehpose Ritonõpo a xixi omõtoh wino jamihme exikety. Taparara tõ tanỹse eya, tomase toto tuna konõto Tahpiremã kuaka emero porehme. Taparara pyra toehse ipunaka Ejitu nonory po.

Exutu 14:21

Tomary tanỹse Moeze a tuna epozakoxi. Tyryrykane jamihme tonehpose Ritonõpo a xixi tũtatoh wino tuna aropotohme. Tyryry kary poko tõmehse moro tuna konõto esahpyry nono tonore toehse. Moro tuna tapiakase,

Ezekieu 10:5

Panaikato nexiase; taporihke exiketõ aporiry totase jarao, zara po, Ritonõpo Jamihmehxo Exikety omiry samo.

Amoxi 9:7

Ynara ãko Ritonõpo mana: — Izyraeu tomo, Etiopia põkõ pyno ase opyno xine jehtoh samo. Amarokõ enepyase Ejitu poe, pirixteu tõ enepyase roropa ahmõta Kereta poe, arameu tõ enepyase Kia nonory poe.

Jona 1:4

Toytopitose toh repe, yrome okynã pyra tyryrykane konõto tonehpose Ritonõpo a. Pohkane konõto roropa toehse tuna konõto po. Orẽpyra pohkane exiryke wapu toehkotyry se toehse.

Jona 4:8

Imeĩpo tõnuhse xixi ahtao tyryrykane tonehpose Ritonõpo a, axitunety, xixi tũtatoh wino. Tapotũkehse sã Jona nexiase axitũ xixi exiryke zupuhpyry pona. Naeroro tohne toexiryke toorikyry se toehse Jona nexiase. Ynara tykase ynororo Ritonõpo a: — Ajohpãme sã joorikyry sehxo hano. Popyra ya serara jehtoh nase.