Jeremia 51:13 - Ritonõpo Omiry: A Bíblia Sagrada na língua Aparai do Brasil

¹³ Tuna tõ tuhke nae Papironia nonory po, mõkomo kurã typyne exikety nae roropa mana. Yrome aenatyry toehse mana, aorihmapotoh toehse.

Jeremia 51:13 ပူးပေါင်းရင်းမြစ်များ

Jenexi 6:13

Mame ynara tykase Ritonõpo Noe a: — Osenetupuhno: ahno enahkapõko ase emero porehme. Toto orihmapõko ase emero, esarykõ roropa zumyhkapõko ase, pehme exiryke oxiehno exiketõ ke.

Saumu 137:1

Typorohse ynanexiase tuna tõ ehpiõ po Papironia po; xitãkone ynanexiase wenikehpyra yna ahtao Jerusarẽ poko.

Izaja 43:14

Ynara ãko Ritonõpo, Opynanohnekomo, Izyraeu tõ Esẽ Kurano, typoetory tomo a: “Opyno xine jexiryke soutatu tõ tuhkãkõ enyohnõko ase Papironia poremãkase. Ahno atãkyemary ikohtary myakamãko mana ixitarykõke.

Izaja 45:3

Oya mõkomo kurã ekarõko ase, tonẽse aexityamo, uuru tõkehko tukurãkase aexityã zonẽtoh tao, zuaro oehtohme ywy ase Ritonõpo, Izyraeu tõ Esemy, okohmahpono oesety ae.

Izaja 57:17

Iirypyryme ypoetory tõ toehse exiryke tyamene se roropa toto exiryke toto zehno toehse ywy, tuãnohse toto ya. Toto zehno jahtao turumekase toto ya, yrome morara ahtao ro putupyra toh nexiase, typenetatohkõ poko rokẽ toh nexiase.

Jeremia 17:11

Tineru apoiryhtao ahno a imehnõ enekunohtamitume torõ sã mana typorohse ahtao imepỹ ihmo tõ po; Isene ro tahtao tytineruke pyra exĩko mana. Mame tõsenekunohtopõpyry waro exĩko mana.

Jeremia 50:27

Isoutatu tõ etapatoko emero. Toto enahkatoko! Papironia põkõ enatyry toehse myhene! Toto wãnohtoh toehse rahkene!

Jeremia 50:31

— Papironia, imehnõ motye kure osekarõko matose. Naeroro ywy Ritonõpo, Jamihmehxo Exikety, oepekara ase! Awãnohtohkõ toehse mana.

Jeremia 50:37

Ah tonahkase kawaru tõ nexĩ toto, kahu tõ maro etonatoh kyryry! Ah norihno toto soutatu tomo torẽse exiketomo, topehmase exiketomo etonatohme! Imõkomory kurã enahkapotoko! Itinerũ apoitoko arotohme amaro xine!

Jeremia 51:36

Ynara tykase Ritonõpo Jerusarẽ põkomo a: — Oewomatorỹko ase. Omỹpõko roropa ase! Ypoe Papironia tunary enatyry tõ anorỹko mana. Itunarykõ anorymapõko ase.

Ramẽtasão 4:18

Yna epetõkara yna enẽko toh nexiase ytosaromepyra yna ehtohme osema tõ ae. Isene yna ehtopõpyry enahsasaka nexiase, orihsasaka ynanexiase.

Tanieu 5:26

Seromaroro moro enetupuhtoh ekarõko ase oya: MENE kary, “Tuisame oehtoh ẽmepyry tukuhse Ritonõpo a, tonahkapose eya” kary.

Amoxi 8:2

Mame tõturupose ynororo ya, ynara tykase: — Amoxi, oty enẽko mah? — Ruto, pehme epery ke exikety, tahpirãse exiketõ ke! ase eya. Mame ynara tykase ynororo ya: — Izyraeu, ypoetory tõ enahsasaka mana. Epery tahpirãse exikety sã toehse mã toto, toto apoitoh eraximãko rokẽ mã toto. Jũme toto onypynanohpyra ropa exĩko ase, toto wãnohnõko ase.

1 Peturu 4:7

Sero nono enahsasaka mana. Naeroro eanahtotoko. Zae oehtohkõ poko rokẽ ehtoko. Tuaro ehtoko roropa, kure õtururukõ ehtohme Ritonõpo maro.

2 Peturu 2:3

Tineru peneryke tyya xine tamoreme xine tõmihpyrykõ ekarõko mã toto. Ajohpe ãmorepatorỹko mã toto. “Iirypyryme mã toto ya,” tykase Ritonõpo pake mokaro poko. Toto enẽko Ritonõpo mana. Tuaro mana. Emero enẽko mana. Naeroro toto aropõko mana etuarimatoh taka.

Apokaripxi 17:1

Mame Ritonõpo nenyokyhpyry toiro tooehse ya, 7mãkõ maro nexiase. Tykasanake kynexine ynororo. Ynara kynako ya: — Ymaro eropa, musurehpã wãnopyry enekose. Mokyro musurehpã wãnopyry enepõko ase oya. Ritonõpo omipona pyra exiketõ enetupuhtoh mokyro. Pata konõto põkõ mokaro. Tuna tõ pũto typatarykõ tyrise eya xine.

Apokaripxi 17:15

Mame ynara nase Ritonõpo nenyokyhpyry ya: — Moro tuna onenehpyry pona typorohse nohpo kahpyry, moro tuna ahnome mana. Imoihme mã toto. Pata tamuru põkõ mokaro. Tyotyorõkõ omiry ae exiketõ mokaro.

Apokaripxi 18:19

Nono tyrise eya xine tuhpokoxi xine, tyxitarykõke, pata hnamoryke tyya xine. — Myhene! Pata imehxo nexiase repe! Moro pata po wapu konõto tõ, emero tuna konõto poro ytoketõ tytineruke toehse, tymõkomoke toehse roropa, moro pata põkõ tymõkomoke itamurume exiryke. Yrome axĩ tonahse emero porehme.