Jeremia 51:10 - Ritonõpo Omiry: A Bíblia Sagrada na língua Aparai do Brasil

¹⁰ Ritonõpo Kuesẽkõ ynara tykase: — Ypoetory tomo ynara okohtatoko: “Zae kuehtohkõ tonepose Ritonõpo a. Ehmaropa Jerusarẽ pona morotõkõ zurutohme Ritonõpo Kuesẽkõ nyrihpyry poko.”

Jeremia 51:10 ပူးပေါင်းရင်းမြစ်များ

Saumu 118:17

Orihpyra exĩko ase; mãpyra isene exĩko ase, imehnõ zurũko ase Ritonõpo Kuesẽkõ nyrityã poko.

Saumu 37:6

Ajohpe pyra oehtoh ẽmepyry sã tyripõko mana. Zae oehtoh ripõko mana saerehkatoh samo tãxiahtao exikety samo.

Saumu 64:9

Ahno emero enaromỹke exĩko; Ritonõpo nyrityã poko oturũko mã toto, osenetupuhnõko mã toto inyriry tõ poko tyjamitunuru ke.

Saumu 66:16

Osehtoko, amarokõ emero Ritonõpo omipona exiketomo, jomiry etatoko, inyrihpyry ya ekarõko ase oya xine.

Saumu 9:14

Mame owõnõko ase xikihme opoetory tõ ẽpataka Jerusarẽ po oturutohme tãkye jehtoh poko: “Tãkye ase oeahmaryhtao typynanohse jexiryke orihpyra jehtohme,” ãko ase.

Izaja 24:14

Mame mokaro isene ro exiketõ eremiãko mã toto tãkye toexirykõke; mokaro xixi omõtoh wino exiketomo tuisamehxo Ritonõpo ehtoh ekarõko mã toto.

Izaja 40:2

Oturuko ipynanopyryme Jerusarẽ põkomo a, toto eahmaryme zuruko toto, tonahse mana imehnõ namotome toto ehtopõpyry, iirypyrykõ tykorokase mã kehko. Tuãnohse toto ya asakoro popyra toto ehtopõpyry emetakame.”

Izaja 51:11

Naeroro onypynanohtyã ytõko ropa mã toto Jerusarẽ pona tytapyĩkõ taka, eremiãko, atãkyemãko, kohtãko tãtãkyemarykõme. Jũme tãkye exĩko mã toto, atasamara exĩko mã toto, onyhnamozomopyra exĩko mã toto.

Jeremia 50:28

Epaketõ Papironia poe toeporehkase mã toto Xião pona. Ekarõko mã toto Ritonõpo Kuesẽkõ emỹpotoh poko; Papironia põkõ wãnohtopõpyry poko Itapyĩ Kurã enahkatopõpyry emetakame.

Jeremia 50:45

Naeroro etatoko pahne. Ywy, Ritonõpo ynara osenetupuhno Papironia põkõ wãnohtohme. Etatoko ke ynara toto rĩko ase: ipoenõ roropa tytywyhmasẽme exĩko mana. Oserehnõko mã toto moro popyra ehtoh eneryke tyya xine.