Jeremia 50:42 - Ritonõpo Omiry: A Bíblia Sagrada na língua Aparai do Brasil

⁴² Typyreke mã toto, tytakyke, tytapemake roropa. Imehnõ ryhmãko mã toto, imehnõ pyno pyra mã toto. Ipanaikatõ tuna konõto pohkane sã mana kawaru po aytorykohtao. Papironia põkõ maro osetapary eraximãko rokẽ mã toto.

Jeremia 50:42 ပူးပေါင်းရင်းမြစ်များ

Saumu 46:6

Imehnõ nonory põkõ oserehnõko mã toto, mokaro kowenu tõ tyjamihkehkasẽme mã toto. Oturũko mã Ritonõpo konomeru samo, tuname sero nono exĩko mana.

Saumu 74:20

Wenikehpyra exiko õmihpyry poko, totapose oya yna a. Imehnõ etapãko zehnotokõ mana, emero rokẽ po ikohmamyryhtao.

Izaja 14:6

zehno toexirykõke tyrohmanohpose toto eya xine, imeimehnõ nonory põkõ onyryhmakehpyra toh nexiase typoremãkase toto ahtao eya xine.

Izaja 47:1

Ynara ãko Ritonõpo mana: “Papironia põkomo, oyhtoko tuisa apõ poe, nono pona oporohko. Pake oryximã sã mexiase, orutua poko exipitopyra exikety samo, pata onyporemãkapỹme mexiase; yrome oryximã sã pyra mase toehse, opihpyry amiamime pyra toehse. Imehnõ namotome toehse mase!

Izaja 47:6

Ypoetory tõ poko tyekĩtapãse exiase, ynymenekatyã poko; morara exiryke typoremãkase toto ya, toto ekaroase oya xine. Yrome toto pyno pyra mexiatose; tytamuhpopãse exiketõ tyrohmanohpose oya xine yronymyryme.

Izaja 5:28

Ipyrekõ pyrou tõ pohsuime mã kehko, taky tõ kure tyrise axĩ tuotohme. Eky tõ kawaru pupuru tũporemã kehko topu samo. Kahu tõ etonatoh pupuru emerehnõko mã kehko wiriwirikane samo.

Izaja 5:30

Mame moro ẽmepyry toehse ahtao mokaro soutatu tõ oehnõko mã toto tuna konõto panaikato samo Izyraeu tõ poremãkatohme. Mame Izyraeu tõ nonory pũtokoxi osenuhmaryhtao xinukutumã rokẽ enẽko, emynyhmatoh roropa te, akurũ xinukutumãkõ saerehkatoh zonẽnõko mana.

Jeremia 30:14

Opyno aexityã emero tuenikehse mã toto opoko, opoko penetara toehse mã toto. Amaro tõsetapase ywy, jepekarame awahtao samo. Awãnohtopõpyry jetuhxo nexiase oya oorypyry tuhke exiryke, popyra oehtoh itamurume exiryke roropa.

Jeremia 47:3

Kawaru tõ pupuru etãko mã toto, kahu tõ panaikato, ipupuru tõ panaikato. Typoenoke exiketõ eramara ropa mã toto typoenõ zupitohme, emary tõ jamihme pyra toehse exiryke, tapotũkehse toto.

Jeremia 50:14

— Typyreke exiketomo, ytotoko etonatoh pona Papironia maro. Pata zomye ytotoko. Pyrou ke tuotoko opyre tõ ke emero, iirypyryme toehse toexirykõke ya, Ritonõpo.

Jeremia 50:9

Ynara exiryke: Inikahpoe imehnõ nonory põkõ oximõpõko ase jamihme exiketomo ytotohme etonatohme papironio tõ maro. Osetapãko mã toto pata Papironia poremãkatoh pona. Isoutatu tõ pyrou wõko mã toto, emese kure urakanaketõ samo. Amonohpyra mã toto.

Jeremia 51:27

— Osetapapotoko! Rue tõ etotoko ahno tõ netaryme! Typyreke toh tyripotoko imehnõ nonory põkomo a etonatohme Papironia poremãkatohme! Tuisa tõ ahno maro oximõpotoko etonatohme Ararate tomo te, Mini tomo te, Axikenaze tõ maro. Toiro orutua imenekatoko soutatu tõ aroneme etonatoh pona. Kawaru tõ enehtoko tuhke rahkene taparara tõ tuhke exiry samo, akurũ sã toto ahtao.

Jeremia 8:16

Kuepetõkara toehse mã toto pata Tã pona; kawaru tõ etãko sytatose oseremãko jamihme ahtao. Mokaro omitaryhtao nono tykytyky kamexipõko mã toto. Kuepetõkara tooehse mã toto sero kynonorykõ enahkase kỹkyryrykõ maro emero porehme, kypatarykomo te, pata tõ põkõ maro.

Ezekieu 26:3

— Seromaroro ywy, Ritonõpo, ynara ãko ase: Pata Tiro, oepekara ase. Imeimehnõ nonory põkõ enehnõko ase tuhke etonatohme amaro. Oehnõko mã toto pohkane konõto samo tuna konõto kuao.

Joeu 2:5

Pyhsekyhsekyh ãko mã toto ypy tõ emory po, panaikato mã toto kahu tõ ao osetapaketõ samo, apoto po amoriry tõ tonore exiketõ sã roropa. Soutatu tõ ikuhpỹme exiketõ sã mã toto, atakenaka, etonatohme.

Tiaku 2:13

Imehnõ poko enupunara awahtao xine opoko xine enupunara roropa Ritonõpo exĩko mana. Yrome imehnõ poko oenupunarykohtao orẽpyra exĩko matose. Opoko xine enupunãko roropa Ritonõpo mana. Awãnohpopyra xine mana.

Apokaripxi 16:6

Ritonõpo poetory totapase eya xine. Urutõ kõ totapase roropa. Naeroro toto etapãko roropa mase. Zae ro tynyrihpyrykõ epehpyry apoĩko mã toto, tykase.