Jeremia 50:32 - Ritonõpo Omiry: A Bíblia Sagrada na língua Aparai do Brasil

³² Omoro, ahno epyrypaketomo, osetapãko mase, epukãko mase, imehnõ ãkorehmara exĩko mã toto owõtohme ropa. Apatary tõ zahkãko ase. Toto zomye exiketõ emero tonahkasẽme exĩko mana.

Jeremia 50:32 ပူးပေါင်းရင်းမြစ်များ

Saumu 119:78

Ah mokaro epyrypaketõ ehxiroketõme nexĩ toto, ajohpe tyhxirose jexiryke eya xine! Yrome ywy osenetupuhnõko ase anamorepatopõpyry tõ poko.

Porowepio 16:18

Epyrypatoh ahno arõko rokẽ mana enahkatoh taka, imehnõ motye kure osekaroryhtao typoremãkasẽme exĩko mana.

Porowepio 18:12

Epyrypakety osenahkatoh esemary ae ytõko mana, yrome imehnõ motye osekaropyra exikety tuisamehxo exĩko mana.

Jeremia 21:14

Yrome ywy, Ritonõpo, awãnohtorỹko ase onyrityã emetakame. Apoto zukãko ase otuisary tapyĩ konõto zahkatohme, emero zomye exiketõ maro tyahkasẽme exĩko mana. Ywy Ritonõpo oturuno.”

Jeremia 49:27

Pata Tamaxiku apuru tõ zahkãko ase. Moro apoto Pẽ-Hatate tapyĩ tõ konõto enahkãko mana.

Jeremia 51:26

Ikyryry tõ topu tõ onyripyra ropa tapyime, patãpome jũme exĩko, ona tonorẽ sã rokene. Ywy Ritonõpo oturuno.

Jeremia 51:64

Mame ynara kaxiko: “Sero sã exĩko Papironia, nerỹko mana. Jũme onuhpyra ropa exĩko mana, enahkapõko mã Ritonõpo exiryke.” Epo, Jeremia omiry tonahse tarona.

Tanieu 5:20

Yrome imehxo toexiry poko toepyrypase ahtao typoremãkase ropa ynororo Ritonõpo a, putupyra roropa exiryke, imehnõ pyno pyra exiryke roropa. Morara exiryke tuisame pyra tyripose ropa eya.

Amoxi 1:10

Naeroro apoto enehpõko ase pata Tiro apuru zahkatohme, tapyi tõ jamihmãkõ zahkãko roropa mana moro pata po.

Amoxi 1:12

Morara exiryke apoto enehpõko ase pata Temã zahkatohme, tapyi tõ jamihme exiketõ zahkãko roropa moro apoto mana Posora po.

Amoxi 1:14

Morara exiryke apoto enehpõko ase pata Rapa apuru zahkatohme, mame moro apoto tapyi tõ jamihmãkõ zahkãko roropa mana moro pata po. Osetapatoh exĩko mana, kui ãko, orihnõko roropa mã toto, moro po.

Amoxi 1:4

Morara exiryke apoto enehpõko ase tuisa Hazaeu tapyĩ konõto zahkatohme, tuisa Pẽ-Hatate tapyĩ tõ jamihmãkõ maro.

Amoxi 1:7

Morara exiryke apoto enehpõko ase Kaza apuru tõ zahkatohme. Moro pata tapyi tõ jamihmãkõ zahkãko roropa moro apoto mana.

Amoxi 2:2

Morara exiryke apoto enehpõko ase Moape nonory pona, moro apoto tapyi jamihmãkõ zahkãko roropa mana Keriote po. Tõsetaparykõ poko exĩko, soutatu tõ tykohtarykõ poko, rue etory poko, ahno orihnõko mã toto, enara.

Amoxi 2:5

Naeroro apoto enehpõko ase Juta nonory pona, tapyi tõ jamihmãkõ zahkãko roropa mana Jerusarẽ po.

Amoxi 5:2

“Izyraeu, oryximãme mase Ritonõpo a, orutua poko exipitopyra exiketyme mase; mepukase, jũme owõpyra ropa mase! Nono po tynomose mase, takorehmaneke pyra mase anỹtohme ropa xikihme!”

Teuteronomiu 32:22

Tohne jehtoh apoto zukãko sã mana, senohne emero enahkapõko mana sero nono po; ypy tõ apõ zahkãko roropa mana, ijahkapõko mana aorihtyã esary pona.

Apokaripxi 18:8

Morara exiryke mokyro wãnohtoh oehnõko mana toiro ẽmepyry ae. Tyrohsẽ oehnõko mana, etuarimatopo. Emitapãnõko roropa mana. Tyahkasẽme exĩko mana, tuãnohsẽme exĩko, orẽpyra Ritonõpo exiryke, nase ynororo.