Jeremia 50:25 - Ritonõpo Omiry: A Bíblia Sagrada na língua Aparai do Brasil

²⁵ Ywy Ritonõpo Oesẽkõ Jamihme Exikety a ypyre tõ esary totapuruhmakase. Ypyre tõ touse ya, zehno toehse jexiryke, erohtoh nae jexiryke roropa Papironia po.

Jeremia 50:25 ပူးပေါင်းရင်းမြစ်များ

Saumu 45:3

Ometỹ eary pokona atapemã tyriko, tuisa jamihmehxo exikety, orẽpyrahxo, tuisamehxo!

Saumu 45:5

Opyre, pyrou tõ pohsuime mã kehko, ozehnotokõ eano posohkãko mã kehko; imehnõ nonory põkõ epukãko mã toto omyhtokoxi.

Izaja 13:15

Tapoise toto ahtao topetõkara a tuosẽme exĩko mã toto.

Jeremia 50:15

Kui kahtoko osetapary poko pata zomye porehme! Seromaroro Papironia tõsekarose. Apuru tõ tytahkase. Tomase mã toto nono pona. Ywy Ritonõpo emỹpõko ase papironio tomo a. Amarokõ roropa emỹpotoko. Papironia põkõ tyritoko imehnõ ritopõpyry sã eya xine.

Jeremia 51:20

Ynara ãko Ritonõpo Kuesẽkomo: “Papironia, omoro mase maheta sã jemah po etonatohme. Jomi poe imehnõ nonory põkõ typoremãkase oya, tonahkase toto oya.

Jeremia 51:25

Papironia, ypy sã mase, sero nono emero porehme enahkaponeme mase, yrome ywy, Ritonõpo, oepekara ase. Papironia apoĩko ase, esary pipahmãko ase. Nono pona emãko ase. Orunome toto rĩko ase.

Jeremia 51:55

Papironia enahkapõko ase mynyhme ehtohme. Pohkane tõ konõto sã ahno soutatu tõ oehnõko mokaro nonory pona osetapase kui katoh ke opore.

Amoxi 3:6

Rue etory etaryhtao pata põkomo a epetõkara oepyry enetupuhpotohme, tykytyky ãko mã toto. Popyra ehtoh toehse ahtao pata põkomo a moro popyra ehtoh tonehpose Ritonõpo Kuesẽkomo a.

Apokaripxi 18:8

Morara exiryke mokyro wãnohtoh oehnõko mana toiro ẽmepyry ae. Tyrohsẽ oehnõko mana, etuarimatopo. Emitapãnõko roropa mana. Tyahkasẽme exĩko mana, tuãnohsẽme exĩko, orẽpyra Ritonõpo exiryke, nase ynororo.