Jeremia 50:24 - Ritonõpo Omiry: A Bíblia Sagrada na língua Aparai do Brasil

²⁴ Amarokõ Papironia põkõ tuaro pyra awahtao xine tomõse matose ynyrihpyry taka, ãpoitohkõ aka. Tapoise matose, ãpuruhpyry aka tõsetapase oexirykõke ymaro.

Jeremia 50:24 ပူးပေါင်းရင်းမြစ်များ

Jo 15:25

Moro sã exĩko emero osepeme se pyra ahtao Ritonõpo maro. Tãtatapoiry se mã ynororo, Ritonõpo Jamihmehxo Exikety poremãkatohme repe.

Jo 40:2

“Jo, ymaro oseosezukuru se mexiase azahkuru jehtoh kurãkatohme. Yrome Jamihmehxo Exiketyme ase; seromaroro typoremãse osekarõko mah te, jezuhnõko ro mah?”

Jo 40:9

Ajamitunuru ekarõko mah yjamitunuru samo? Õmiry ke konomeru riry waro mahno panaikato konõto, jomiry samo?

Jo 9:4

Tuarohxo Exiketyme mã ynororo, Jamihmehxo Exiketyme roropa. Atatapoiry se ahno ahtao imaro, onyporemãkasaromepyra mana.

Exutu 10:3

Moeze toytose Arão maro tuisa zuruse. Ynara tykase toto eya: — Ritonõpo epereu tõ Esẽ ynara ãko: “Otarahtao jomiry moĩko mano? Jomiry omipona exĩko mano? Ah ypoetory tõ nytõ toto sero nono poe jeahmase.

Ekereziaxti 9:12

Zuaro ehsaromepyra sytatose otara ahtao typoremãkasẽme exĩko sytatou. Torõ tõ samo toepukase ahtao apoitoh taka, kana sã roropa tomõse ahtao tarãpa aka. Moro sã typoremãkasẽme exĩko sytatose oneraximara kuahtao xine.

Izaja 13:11

Ynara ãko Ritonõpo mana: “Sero nono põkõ wãnohnõko ase popyra toto ehtoh emetakame; popyra exiketõ wãnohnõko ase iirypyrykõ epehpyryme. Imehnõ motye kure osekaroketõ ipyrypakehpõko ase, orẽpyra exiketõ imehnõ ryhmary poko poremãkapõko ase.

Izaja 45:9

Tumeri riryhtao orino risemy tyrine maro oseosezuhpyra tyrine maro mana. Orino onekaropopyra tyrine a: “Oty rĩko mahno?” Ynara kara roropa mana: “Emese popyra mase,” kara mana.

Jeremia 48:43

Enaromỹke ehtopo, eutary tõ nono ao, ahno apoitoh roropa Moape tõ eraximãko. Ywy Ritonõpo oturuno.

Jeremia 48:44

Epaketõ enaromỹke eutary aka epukãko mã toto, eutary ae tutũtase exiketõ apoitoh taka omõnõko mã toto, Moape tõ enahkatoh tymenekase Ritonõpo a exiryke, Moape tõ enahkapotohme.

Jeremia 51:57

Ituisary tõ toetỹse tyripõko ase, tuaro exiketomo te, tuisa tomo, soutatu tomo, enara. Nyhnõko mã toto jũme owõpyra ropa ehtohme. Ywy Tuisa oturuno. Ywy ase Ritonõpo, Jamihmehxo Exikety.

Jeremia 51:8

Mõtoino rokẽ Papironia toepukase, tonahkase! Ihnamotoko! Opi enehpotoko apurohpyry tõ epinohtohme. Moro ke otarame ekurãkãko ropa mana.

2 Tesaronika 2:4

Pyaximehxo osekarõko mokyro mana. “Ritõ kõ motye ase, oesẽkõ motye,” ãko mã ynororo: “Imehxo mase,” katohme imehnomo a repe typoko. Porohnõko mana Ritonõpo Tapyĩ tao. “Ritonõpome ase,” ãko kahpyry mã repe imehnõ enekunohtohme rokene.