Jeremia 50:2 - Ritonõpo Omiry: A Bíblia Sagrada na língua Aparai do Brasil

² “Imeimehnõ nonory põkõ zurutoko! Oturutoko eya xine! Zuaro toto tyripotoko jarao, imehnõ netaryme! ‘Papironia tapoise! Mokaro neponãmarykõ Peu-Maatuke tytahkase! Papironia neponãmarykõ toehxirose mã toto. Toto neponãmary nuriamã tytahkase mã toto!’ ”

Jeremia 50:2 ပူးပေါင်းရင်းမြစ်များ

Saumu 64:9

Ahno emero enaromỹke exĩko; Ritonõpo nyrityã poko oturũko mã toto, osenetupuhnõko mã toto inyriry tõ poko tyjamitunuru ke.

Saumu 96:3

“Ritonõpo kurã poko,” ekãtotoko imehnõ nonory põkomo a, emero ahno zurutoko inyrihpyry poko tyjamitunuru ke.

Saumu 97:7

Imehnõ neponãmary eahmananõ ehxirõko mã toto; epyrypaketõ tyneponãmarykõ poko ehxirõko mã toto. Ritonõpo Kuesẽkõ ẽpataka emero ritõ tõ tosekumurukõ po porohnõko mã toto.

Izaja 12:4

Morarame moro ẽmepyryme toehse ahtao ynara ãko matose, eremiãko: “Ritonõpo eahmatoko! Ikohmatoko, ãkorehmapotohkõme eya. Imehnõ nonory põkõ emero zurutoko inyrityã kurã poko; imehxo aexiry poko toto zurutoko.

Izaja 13:2

Ypy emory tyweweke pyra exikety po, pãteira anỹtoko etonatoh enetupuhtohme! Soutatu tõ ikohmako etonatohme, oemary anỹko toto neneryme pata omõtoh ae toto omõtohme, pata imehxo exikety pona.

Izaja 21:9

Mõtoino rokẽ, mokaro oehnõko! Kawaru po soutatu tomo, atakenaka asasakorõ komo. Imeĩpo ynara tykase mokyro erasemy: “Typoremãkase! Papironia typoremãkase! Ineponãmarykõ, papironio tõ neahmatyã emero tytahkase kehko, typahse kehko nono pona.”

Izaja 37:19

Ineponãmarykõ wewe risã typahse eya xine apoto htaka toto enahkapotohme, asã pyra toto exiryke. Tyrityãme rokẽ exiryke, wewe risã rokene, topu risamo, enara.

Izaja 39:1

Mame morara ahtao Papironia tuisary, Merotake-Paratã, Paratã mũkuru zuaro toehse Ezekia kure pyra ehtopõpyry poko, yrome seromaroro kure ropa toehse. Naeroro tynymerohpyry tonehpose eya Ezekia neneryme, tynekarory maro.

Izaja 46:1

“Papironia põkõ neponãmarykõ Peu te, Nepo maro toahmase aexityã toepuise, nono pona toepukase. Moro ineponãmarykõ takimase tyritohme jumẽtu tõ pona; omoxĩ mã kehko okyno tõ ipuimananõ totaehse ahtao.

Izaja 48:20

Ytotoko Papironia poe, epatoko moro poe! Okohtatoko tãkye oehtohkõke omi kurã ekãtotoko emero pata tõ poro: “Typoetory tõ Izyraeu typynanohse Ritonõpo a!”

Izaja 48:6

“Emero toehse jomihpyry ae ro, morohne enẽko matose. Naeroro zae jomihpyry ehtopõpyry enetupuhtoko. Yrome seromaroro kasenato ehtoh poko ourutorỹko ase: tokare pyra exiketomo, ipoko zuaro pyra ro matose.

Jeremia 10:11

Amarokomo, mokaro zurutoko, ynara kahtoko eya xine: “Mokaro toponãmasã sero nono onyripyra exiketomo, kapu onyripyra exiketomo, tonahkasẽme exĩko. Osenepyra exĩko mã kehko ipunaka sero nono po.”

Jeremia 10:15

Typahsẽme rokẽ mã kehko, toiparo rokẽ tyrise mã kehko. Tonahkasẽme exĩko mã kehko tooehse Kuesẽkõ ahtao toto wãnohtohme.

Jeremia 31:10

Ynara ãko ro Ritonõpo mana: “Ahno tomo, etatoko ke, jotururu, jomihpyry ekarotohme imehnomo a ahmõta tõ po te, nono moe etyhpyry po roropa. Izyraeu tõ sapararahme aropoase, yrome toto muhxihmapõko ropa ase, toto ewomãko ase, kaneru pyno exikety toky tõ pynanopyry samo.

Jeremia 4:16

Imeimehnõ nonory põkõ enaroximapoko, ãko mã toto, Jerusarẽ põkõ zurutoko roropa: kuepetõkara moino oehnõko mã toto, opore kui ãko mã toto Juta patary tõ netaryme, toto maro etonatohme.

Jeremia 4:6

Osema enepotoko Xião pona ytotopo! Osewomatoh taka epatoko! Oneraximara ehtoko! Inikahpoe, popyra ehtoh enehpõko Ritonõpo mana, itamurume tonahkasẽme exĩko.

Jeremia 46:14

“Ynara kahtoko pata tõ po, Ejitu po: Mikitou po te, Mẽpi po te, Tapane po, enara: ‘Opyrekõ apoitoko õsewomatohkõme; okyryrykõ emero tonahkasẽme exĩko etonatoh tao!

Jeremia 50:46

Papironia typoremãkase ahtao panaikato konõto osetãko mana. Nono tykytyky ãko mana. Ahno kui kary osetãko mana moe imeimehnõ nonory po.

Jeremia 51:12

Soutatu tõ aropotoko pata Papironia apuru tõ tahkatohme! Erase tõ akorehmananõ tyritoko! Enenanõ tyritoko roropa! Orutua kõ tõtonẽse exiketõ tyritoko epaketõ apoitohme! Tyriry se Ritonõpo ehtoh emero tyrise eya; Papironia põkõ enaroximatopõpyry ae ro Ritonõpo a tyrise roropa eya.

Jeremia 51:27

— Osetapapotoko! Rue tõ etotoko ahno tõ netaryme! Typyreke toh tyripotoko imehnõ nonory põkomo a etonatohme Papironia poremãkatohme! Tuisa tõ ahno maro oximõpotoko etonatohme Ararate tomo te, Mini tomo te, Axikenaze tõ maro. Toiro orutua imenekatoko soutatu tõ aroneme etonatoh pona. Kawaru tõ enehtoko tuhke rahkene taparara tõ tuhke exiry samo, akurũ sã toto ahtao.

Jeremia 51:31

Omi aronanõ atakenaka ytõko tururume Papironia tuisary zuruse: Apatary aka tomõse epetõkara emero rokẽ poe.

Jeremia 51:44

Ritõ panõ Peu wãnohnõko ase, Papironia põkõ neponãmary. Imehnõ mõkomory tomatonanohse eya aexihpyry ipuxihkãko ropa ase. Imeimehnõ ahno tõ mokyro eahmakehnõko mã toto. — Pata Papironia apuru tõ toepukase mã kehko.

Jeremia 51:47

Morarame okynã pyra Papironia neponãmarykõ wãnohtoh oehnõko mana. Papironia põkõ toehxirosẽme exĩko mã toto, orihnõko roropa mã toto, emero porehme.

Jeremia 51:52

Morara exiryke ynara ãko ase: Papironia põkõ neponãmary wãnohtoh oehnõko mana. Toto wãnohnõko ase. Mame tapurose exiketõ pusuh ãko mã toto, sapararahme nono poro.

Jeremia 51:8

Mõtoino rokẽ Papironia toepukase, tonahkase! Ihnamotoko! Opi enehpotoko apurohpyry tõ epinohtohme. Moro ke otarame ekurãkãko ropa mana.

Jeremia 52:31

Morarame Ewiu-Merotake tuisame toehse ahtao Papironia esẽme tuisa Joakĩ Juta tõ esẽ typynanohse eya. Tutũtanohpose ynororo ãpuruhpyry tae. Morara toehse jeimamyry 37mã po, nuno 11mã po, 25me ẽmepyrymã po Joakĩ arotopõpyry poe papironio tõ poetoryme.

Jeremia 6:18

Naeroro ynara tykase Ritonõpo: — Etatoko pahne imeimehnõ nonory põkomo, enetoko ke otara exĩko ypoetory tomo a.

Tanieu 1:2

Pata Jerusarẽ typoremãkapose Ritonõpo a Napukotonozo a. Ritonõpo Tapyĩ mõkomory, uuru risẽ tõkehko tarose roropa eya, Papironia pona, tyneponãmary eahmatoh taka tyritohme, mõkomo typyne exiketõ esaka. Ahno tarose roropa eya typoetoryme.

Tanieu 3:14

Ynara tykase ynororo eya xine: — Ajohpe pyra hnae ynyripohpyry uuru risẽ oneahmara matokene? Yritõ oneahmara roropa hmatou?

Sowonia 2:11

Mokaro maro osetapãko Ritonõpo mana orẽpyra samo. Ineponãmarykõ emero sero nono po enahkapõko mana. Mame imeimehnõ nono põkõ emero Ritonõpo eahmãko mã toto tosarykõ po.

Apokaripxi 18:2

Opore ynara tykase ynororo: — Papironia tonahse, moro pata konõto patãpome toehse. Seromaroro joroko tõ esaryme toehse mana, akuaryhpo tõ esaryme rokene, iirypyryme exiketõ esaryme, torõ tõ xihpyry esaryme, enara.