Jeremia 50:19 - Ritonõpo Omiry: A Bíblia Sagrada na língua Aparai do Brasil

¹⁹ Izyraeu tõ arõko ropa ase inonorykõ pona. Tykyrysã poko otuhnõko mã toto ypy Karameru po, Pasã po roropa. Kure rokẽ otuhnõko mã toto emero ipenetatohkõ poko Eparaĩ nonory po, Kireate nonory po roropa.

Jeremia 50:19 ပူးပေါင်းရင်းမြစ်များ

Extara 2:1

Izyraeu tõ tarose ahtao Napukotonozo a typoetoryme Papironia pona, Juta põkõ tuhke tarose eya. Mokaro tooehse ropa Jerusarẽ pona Juta patary tõ pona roropa, tosaka xine ropa.

Kãtiku 6:5

Jenepyra exiko, kuku, typoremãkase ywy oenuru tomo a. Oũsety mirimirime potu mana, poti tõ tuhkãkõ samo, mokaro yhtoryhtao ypy Kireate poe.

Izaja 33:9

Tupito tõ poko pyra mã toto, turumekase eya xine; itu tõ ypy Ripano tõ po tonore toehse kehko. Jakanahmã Sarõ oname tonorẽ toehse. Pasã po, ypy Karameru po roropa wewe ary ohpahnõko rokẽ mana.

Izaja 35:2

Otyro ekuru tõ ke pehme, ona tonorẽ eremiãko mana tãtãkyemaryke. Kure potu moro ona rĩko Ritonõpo mana ypy tõ Ripano samo, otyro zamaro moro nono rĩko roropa mana ypy Karameru samo, jakanahmã Sarõ sã roropa. Emero saeremehxo Ritonõpo ehtoh enẽko mã toto, tuisamehxo Kuesẽkõ enẽko roropa mã toto.

Jeremia 23:3

Ypoetory tõ akoĩpyry enehpõko ase imehnõ nonory tõ poe. Morotona toto taropose ya, inonorykõ pona toto enehnõko ropa ase. Emũkuãko mã toto tuhke, emãnõko mã toto.

Jeremia 3:18

Izyraeu tõ maro oximõnõko Juta tõ mana. Oximaro oehnõko mã toto inikahpoe tosarykõ pona, nono ynekarohpyry pona itamurukomo a.

Jeremia 30:10

“Ypoetory tomo, Jako pakomotyamo, enaromyra ehtoko! Izyraeu tomo, oserehpyra ehtoko! Opynanohtorỹko ase moro nono moe exikety poe, moro nono põkõ namotome oehtohkõ poe. Oehnõko ropa matose, Jako pakomotyamo. Towomasẽme exĩko matose; oenaroximara xine exĩko imehnõ mana. Ywy Ritonõpo oturuno.

Jeremia 30:18

Ynara tykase Ritonõpo: “Jako pakomotyã enehnõko ropa ase inonorykõ pona ropa. Emero tapyi taõkõ pynanohnõko ase. Jerusarẽ tyrisẽme ropa exĩko mana, tuisa tapyĩ konõto tao ahno exĩko ropa.

Jeremia 30:7

Moro ẽmepyry, popyrahxo ehtoh oehnõko mana! Imepỹ ẽmepyry moro ẽmepyry sã pyra mana ipunaka. Jako pakomotyã etuarimãko yronymyryme, yrome typynanohsẽme exĩko mã toto moro poe.”

Jeremia 31:14

Oturuketõ nahpãko ase inapyrykõ kurã ke, ypoetory tomo a emero ise toto ehtoh ekarõko ase. Ywy Ritonõpo oturuno.”

Jeremia 31:25

Totaehse exiketõ sekese toto ripõko ropa ase, tonahsẽ ekarõko ase omise exiketomo a roropa emero.

Jeremia 31:6

Ẽmepyry oehnõko mana, erase tõ imehnõ kohmãko mã toto ypy tõ po Eparaĩ po: “Osehtoko! Ehmaropa ypy Xião pona, moroto Ritonõpo Kuesẽkõ exiryke,” ãko mã toto.

Jeremia 32:37

Oximõme mokaro enehnõko ropa ase; toto zehno jehtopõpyryke ipunaka sapararahme typahse toto ya. Mokaro enehnõko ropa ase tarona, kure rokẽ toto ehtohme enaromyra toto ehtohme.

Jeremia 46:27

“Ypoetory Jako pakomotyamo, enaromyra ehtoko! Izyraeu tomo oserehpyra ehtoko! Opynanohtorỹko ase moro nono poe, moe otũtatohkõme ropa, moroto imehnõ poetoryme matose. Oehnõko ropa matose oesaka xine kure rokẽ ehse, torẽtyke pyra, towomase. Mame imehnõ oerehpyra xine exĩko mã toto.

Jeremia 50:6

— Ypoetory tõ kaneru tõ sã mã toto, tytahse ypy tõ poro, azahkuru toehse ipyno exiketõ exiryke, erase tomo. Taropose toto eya xine ypy tõ po. Mame kaneru tõ sã toytose toto ypy tõ poro, somohmã poro roropa. Mame tuenikehse toh nexiase tosarykõ poko.

Ezekieu 11:17

— Naeroro ynara kaxiko eya xine ywy Ritonõpo Oesẽkõ omiryme: Ywy roro oenehtorỹko ase imehnõ nonory tõ poe morotona taropose ya oexirykõke, mame ynekarohpyry Izyraeu tõ nonoryme ekarõko ropa ase oya xine.

Ezekieu 36:24

Ãpoitorỹko ase imeimehnõ nonory poe emero porehme oenehtohkõme ropa ononorykõ pona ropa.

Ezekieu 36:33

Ynara ãko Ritonõpo Kuesẽkõ mana: — Oorypyrykõ korokaryhtao ya emero porehme apatary tõ pona aaropotorỹko ropa ase itohkatyã ritohme ropa moroto oehtohkõme ropa.

Ezekieu 38:8

Tuhke jeimamyry taropose ahtao mokaro enehpõko ase aomõtohme sero nonory pona; imeimehnõ nonory poe aehtyã nonory pona. Sero nono po torẽnase toto, etonatoh zuno pyra mã toto. Izyraeu tõ ypyry tõ pona oehnõko mã toto, moro ypy tõ turumekase pake, patãpome toehse okynano. Yrome seromaroro moro põkõ torẽnase mã toto, imehnõ zuno pyra mã toto.

Ezekieu 47:18

— Ehpio xixi tũtatoh wino ytõko ikurenaka osa poe irãnao Tamaxiku tuisary nonory maro Haurã tuisary nonory maro. Tuna Joatão nono apiakãko mana Izyraeu nonory xixi omõtoh wino te, Kireate nonory maro xixi tũtatoh wino pata Tamara pona tuna konõto Aorikyhpyry pona roropa.

Mikeja 7:14

Ritonõpo yna Esemy, yna pyno exiko kaneru pyno exikety samo, oekyme sã, kaneru tõ sã yna exiryke. Toiroro sã ynanase itu htao tapuruse samo nono kurã ke, otyro zamaro exikety ke. Onyrihpyry sã pake, yna aroko seromaroro onahpoty kurã pona Pasã po, Kireate po roropa.

Mikeja 7:18

Ritonõpo, imepỹ ritõ pyra mana asã exikety. Opoetory tõ akoĩpyry isene ro exiketõ rypyry tõ korokãko mase. Zehno exikehnõko mase, jũme yna pyno oehtoh enepõko mase yna a.

Zakaria 10:10

Ejitu poe toto enehpõko ropa ase, Axiria poe roropa. Toto arõko ase Kireate nonory pona, Ripano pona roropa. Tuhkehxo exĩko mã toto, osa mokaro emero pune pyra exĩko mana.

Numeru 32:1

Mame Rupẽ ekyry tõ Kate ekyry tõ roropa tokyke tuhke nae toh nexiase, pui tõkehko. Moro nono, Jazea nonory te, Kireate nonory roropa tonese ahtao eya xine, nono kure pui tõ nahpatohme,

Jozue 17:15

Ynara tykase Jozue eya xine: — Tuhke awahtao xine te, Eparaĩ nonory ypy tõ po opune xine pyra ahtao, perizeu tõ nonory zokonaka apoitoko te, repaĩ tõ nonory maro, itu tõ maro, akohtohme ikurãkatohme oesarykõme.