Jeremia 50:16 - Ritonõpo Omiry: A Bíblia Sagrada na língua Aparai do Brasil

¹⁶ Otyro puhturu anarykapopyra ehtoko moro nono po, tykyrysã anapoipopyra ehtoko roropa Papironia po. Katonõ emero imeimehnõ nonory poe aepyhpyã morotona enaromỹke exĩko topetõkara soutatu tõ poko. Ytõko ropa mã toto tynonorykõ pona ropa.

Jeremia 50:16 ပူးပေါင်းရင်းမြစ်များ

Izaja 13:14

“Imeimehnõ nonory põkõ moroto Papironia po epãko mã toto tynonorykõ pona ropa, kapau epary sã urakanaketomo a torehse ahtao, kaneru tõ sã roropa ipyno exikety pyra ahtao.

Jeremia 25:38

Typoetory tõ turumekase Ritonõpo a, tosary rumekatopõpyry sã reão a. Osetapatoh popyra ehtoh te, zehno Ritonõpo ehtoh roropa sero nono tyripose patãpome, nono tonorẽme rokẽ toehse rahkene.

Jeremia 46:16

Ejitu põkõ soutatu tõ tõsetapase; toepukase toto. Ynara tykase toto oseya: ‘Ehmaropa axiny! Ehmaropa tapyi taka kuesaka xine ropa, osewomatohme, orihpyra kuehtohkõme, epatohme kuepetõkara winoino!’

Jeremia 51:23

Erase tõ totapase oya jeky tõ kaneru roropa. Tupito poko erohketõ totapase oya jeky tõ kawaru roropa, kowenatu tomo te, kowenu poko erohketõ maro.”

Jeremia 51:9

Imeimehnõ nonory poe aepyhpyã morotona osesarise ynara tykase: “Papironia põkõ akorehmary se ynanexiase repe, yrome tonahkase toto exiryke anakorehmasaromepyra ynanexiase. Ehmaropa emero kynonorykõ pona ropa. Papironia tuãnohse Ritonõpo a tyjamitunuru ke. Tonahkase mana ipunaka.”

Joeu 1:11

Emynyhmatoko tupito poko erohketomo; oxitatoko uwa zoko tõ poko erohketomo; tiriiku pyra toehse exiryke, sewata pyra toehse roropa. Emero tarykasã tonahkase mana.

Amoxi 5:16

Ritonõpo Oesẽkõ Jamihmehxo Exikety ynara ãko mana: — Kui ãko ihnamõko mã toto, pata tõ rãnao esemary tõ ae emero. Tupito poko erohketõ kohmãko roropa mã toto ixitatohkõme aorihtyã ekepyry poko, imehnõ epehmatyã maro.