Jeremia 50:15 - Ritonõpo Omiry: A Bíblia Sagrada na língua Aparai do Brasil

¹⁵ Kui kahtoko osetapary poko pata zomye porehme! Seromaroro Papironia tõsekarose. Apuru tõ tytahkase. Tomase mã toto nono pona. Ywy Ritonõpo emỹpõko ase papironio tomo a. Amarokõ roropa emỹpotoko. Papironia põkõ tyritoko imehnõ ritopõpyry sã eya xine.

Jeremia 50:15 ပူးပေါင်းရင်းမြစ်များ

1 Koronika 29:24

Imehnõ tuisa tõ emero, soutatu tõ maro, Tawi mũkuru tõ emero tõmirykõ totapose Saromão a: “Yna esemy imehxo mase, orumekara ynanase,” tykase.

2 Koronika 30:8

Onetara toh nexiase, putupyra exiketõ samo. Naeroro mokaro sã pyra ehtoko, naeroro Ritonõpo omipona ehtoko. Osehtoko Itapyĩ taka, Jerusarẽ pona. Inymenekahpyry moro jũme tosaryme ehtohme, moro tao eahmatohme. Ritonõpo eahmatoko ozehno xine exikehtohme.

Saumu 149:7

imehnõ nonory põkõ poremãkatohme, ahno tõ wãnohtohme;

Saumu 94:1

Ritonõpo yna Esemy, zae pyra exiketõ wãnohneme mase! Mokaro zehno oehtoh enepoko yna a!

Izaja 59:17

Soutatu sã tupuropuru apurutoh ke zae ehtoh ripõko mana. Soutatu zupuhpyry ewomatoh amururu sã ipynanohnõko roropa mana. Imỹponeme sã zae pyra exiketõ wãnohnõko mana, zehno exikety sã zae pyra ehtoh kurãkãko roropa mana.

Izaja 59:18

Ahno emero wãnohnõko mana toto nyrihpyry emetakame. Zehno toexiryke topetõkara wãnohnõko mana, imehnõ nonory põkõ tyyrypyrykõ epehpyry apoĩko mã toto.

Izaja 61:2

Tonyohse ywy ynara katohme: Ritonõpo poetory tõ pynanohtoh toehse mana. Typoetory tõ zehno exiketõ poremãkapõko mana. Tonyohse ywy xitaketõ emero emuhkehkatohme,

Izaja 63:4

Tõsenetupuhse ywy, ypoetory tõ pynanohtoh tooehse mana: ‘Toto zehnotokõ emỹpotoh toehse rahkene.’

Jeremia 46:10

Sero ẽmepyry ahno apiakatohme Ritonõpo a, Kuesẽkõ Jamihmehxo Exiketyme mana! Seroae, emỹpõko mana; seroae, topetõkara wãnohnõko mana. Itapemã mokaro enahnõko mana tuesapare toehtoh pona, imunurukõ ẽnõko mana ise pyra toehtoh pona. Seroae, tynetapatyã zahkãko Ritonõpo Jamihmehxo Exikety mana inikahpozakoxi, tuna Eupyrati pũto.

Jeremia 50:14

— Typyreke exiketomo, ytotoko etonatoh pona Papironia maro. Pata zomye ytotoko. Pyrou ke tuotoko opyre tõ ke emero, iirypyryme toehse toexirykõke ya, Ritonõpo.

Jeremia 50:25

Ywy Ritonõpo Oesẽkõ Jamihme Exikety a ypyre tõ esary totapuruhmakase. Ypyre tõ touse ya, zehno toehse jexiryke, erohtoh nae jexiryke roropa Papironia po.

Jeremia 50:44

— Enetoko ke, reão samo itũtaryhtao itu htae tuna Joatão ehpio ino onuhtohme onahpoty pona, moro sã oehnõko ase Papironia põkõ erehtohme. Epãko mã toto typatarykõ poe. Mame ynymenekahpyry tuisame mokaro esẽme exĩko mana. Onoky nae ysã exikety? Onoky orẽpyra exiketyme ymaro osetapary zuno pyra? Onoky kowenatume exikety tõmiry omipona jyrĩko nae?

Jeremia 51:11

Ritonõpo poe etonary se Metia tuisary tomo Papironia põkõ maro, Papironia enahkapory se Ritonõpo exiryke. Itapyĩ Kurã enahkatopõpyry papironio tomo a Jerusarẽ po emỹpõko Ritonõpo mana. Soutatu tõ tuisary ynara ãko: — Pyrou potyry ikurãkatoko suime ehtohme! Õsewomatohkõ ikurãkatoko roropa!

Jeremia 51:14

Tõmiry totapose Ritonõpo a, Jamihmehxo Exikety orutua kõ tuhke enehtohme etonatohme Papironia põkõ maro. Eporehkãko mã toto taparara tõ samo ikuhpỹme, akurume sã toto ahtao. Kohtãko mã toto orẽpyra.

Jeremia 51:24

Ritonõpo Kuesẽkõ ynara ãko: — Papironia põkõ wãnopyry ya enẽko matose, toto epehpyryme Jerusarẽ ryhmatopõpyry emetakame.

Jeremia 51:25

Papironia, ypy sã mase, sero nono emero porehme enahkaponeme mase, yrome ywy, Ritonõpo, oepekara ase. Papironia apoĩko ase, esary pipahmãko ase. Nono pona emãko ase. Orunome toto rĩko ase.

Jeremia 51:30

Papironio tõ soutatu tõ tãtatapoikehse toh mana. Tehme rokẽ mã toto tytapyĩkõ jamihme exiketõ tao. Torẽse toehse mã toto, otupĩko rokẽ mã toto. Pata omõtoh apuru tõ tytahkase toto, tapyi tõ tyahkase mã kehko.

Jeremia 51:36

Ynara tykase Ritonõpo Jerusarẽ põkomo a: — Oewomatorỹko ase. Omỹpõko roropa ase! Ypoe Papironia tunary enatyry tõ anorỹko mana. Itunarykõ anorymapõko ase.

Jeremia 51:44

Ritõ panõ Peu wãnohnõko ase, Papironia põkõ neponãmary. Imehnõ mõkomory tomatonanohse eya aexihpyry ipuxihkãko ropa ase. Imeimehnõ ahno tõ mokyro eahmakehnõko mã toto. — Pata Papironia apuru tõ toepukase mã kehko.

Jeremia 51:58

Papironia apuru tõ typahsẽme exĩko mã nono po. Omõtoh apuru tõ kaehxo exiketõ tyahkasẽme exĩko apoto ke. Ahno tõ erohtopõpyry toiparo rokẽ toehse mana. Inyrityã tyahkasẽme rokene.” Ywy Ritonõpo, Jamihmehxo Exikety, oturuno.

Jeremia 51:6

Epatoko Papironia poe! Osepynanohtoko osepynanopyrykõ waro awahtao xine! Orihpyra ehtoko, iirypyryme Papironia ehtoh pokoino. Seromaroro emỹpõko ase Papironia nyrihpyry poko. Mokaro wãnohnõko ase inyrihpyrykõ emetakame.

Jeremia 51:64

Mame ynara kaxiko: “Sero sã exĩko Papironia, nerỹko mana. Jũme onuhpyra ropa exĩko mana, enahkapõko mã Ritonõpo exiryke.” Epo, Jeremia omiry tonahse tarona.

Ramẽtasão 5:6

Tonahsẽ nae yna ehtohme isene ro yna ehtohme, tokaropose yna a Ejitu põkomo a te, axirio tomo a roropa.

Ezekieu 17:18

Tõmihpyry omipona pyra toehse ynororo. Papironia tuisary omihpyry omipona pyra toehse roropa: “Amonohkara õmiry omipona ase,” kaxĩpo. Morara exiryke osepynanohsaromepyra orihnõko mana.

Ezekieu 21:22

Morarame tomary ke tapotunuru wino pyrou apoĩko mana tosehke tymerose “Jerusarẽ me”. Papironia tuisary ytotohme mana, kui katohme, makina tõ arotohme pata apuru tohkatohme, tyritohme omõtoh etonie, onuhtoh tonõ ritohme roropa, tapyi kaetokohxo exiketõ taõkõ etonatohme mana.

Naum 1:2

Ritonõpo Kuesẽkõ toiro mana, imehnõ ritõ panõ se pyra mana ipunaka. Topetõkara wãnohnõko mana, toto zehno toexiryke. Topetõkara epehmãko Ritonõpo mana, tohne tahtao toto wãnohnõko mana.

Mateu 7:2

Ynara exiryke imehnõ pokõnopyryhtao oya xine, opokõnohtorỹko roropa Ritonõpo mana, imehnõ pokõnopyry sã oya xine. Kure imehnõ riryhtao oya xine, kure oritorỹko roropa Ritonõpo mana. Yrome popyra toto riryhtao oya xine, popyra oritorỹko roropa Ritonõpo mana.

Ruka 21:22

Morara ahtao morotõkõ wãnohnõko Ritonõpo mana, tynymeropohpyry ae ro.

Romanos 12:19

Wekyry tõme matose opyno xine jexiryke. Emỹpopyra ehtoko popyra tyrise awahtao xine imehnomo a. Ritonõpo rokẽ eraximatoko. Imeĩpo toto wãnohnõko mana, iirypyry zehno toexiryke. Ynara tymerose Ritonõpo omiryme. “Ywy roro popyra exiketõ poko emỹpõko ase. Toto epehmãko ase iirypyrykõ epehpyryme, ãko Kuesẽkõ mana,” me tymerose Ritonõpo omiryme.

Romanos 3:5

Otarãme kyyrypyrykõ poko kuahtao xine ro Ritonõpo kure ehtoh enetupuhnõko imehnõ mana. Otara ãko sytatou morara ahtao? Morara ahtao: “Ritonõpo zae pyra mana kuãnopyrykohtao,” ãko imepỹ mã otarame repe. Morara katopõpyry totase ya imehnomo a repe.

Teuteronomiu 32:35

Imỹpõko Ritonõpo mã rahkene; toto wãnohnõko rahkene. Okynã pyra osetapãko epetõkara mã toto oximõme. Okynã pyra typoremãsẽme exĩko mã toto.

Teuteronomiu 32:41

Ytapemã zemime exikety aehtõko ase, zae apiakapitõko ase. Jepetõkara epehmãko ase, yse pyra exiketõ wãnohnõko ase yzehno toto exiryke.

Teuteronomiu 32:43

Atãkyematoko imeimehnõ nono põkomo, Ritonõpo poetory tõ maro! Imỹpõko Ritonõpo mana, typoetory tõ etapahpõkõ wãnohnõko mana. Imỹpõko mana, topetõkara wãnohnõko mana. Yrome typoetory tõ rypyry korokãko mana.

2 Tesaronika 1:8

Apoto konõto tororokane maro oehnõko mana Ritonõpo waro pyra exiketõ wãnohpotohme. Aomipona pyra exiketõ roropa wãnohpõko mana, ynanekarohpyry Kuesẽkõ Jezu poko totase eya xine exiryke. Yrome onenetupuhpyra toto exiryke toto wãnohpõko Ritonõpo mana.

Tiaku 2:13

Imehnõ poko enupunara awahtao xine opoko xine enupunara roropa Ritonõpo exĩko mana. Yrome imehnõ poko oenupunarykohtao orẽpyra exĩko matose. Opoko xine enupunãko roropa Ritonõpo mana. Awãnohpopyra xine mana.

Jozue 6:20

Naeroro rue totose oturuketomo a. Moro totase ahtao imoihmãkomo a, kui tykase toto opore, mame pata apuru toepukase. Moro eneryke tyya xine tõnuhse toto, tomõse toto pata pona, pata typoremãkase eya xine.

Jozue 6:5

Morararo rue etoryhtao eya xine toiro etotoh okynahxo, kui kamexipoko imoihmãkomo a opore. Morarame pata apuru epukãko mana. Moro toepukase ahtao omõnõko matose pata pona rahkene.

Apokaripxi 16:6

Ritonõpo poetory totapase eya xine. Urutõ kõ totapase roropa. Naeroro toto etapãko roropa mase. Zae ro tynyrihpyrykõ epehpyry apoĩko mã toto, tykase.

Apokaripxi 18:6

Oritopõpyrykõ sã eya xine, moro sã mokyro tyritoko emetakame. Epehmatoko iirypyhpyry epehpyryme, imotye roropa epehmatoko. Ikasanary ipehkatoko jetunety ke. Inekarohpyry oya xine jetunety, moro motye ekarotoko ropa eya.

Apokaripxi 19:2

Zae mana, kure roropa mana imehnõ apiakary poko. Mokyro nohpo iirypyryme exikety tuãnohse eya iirypyryme sero põkõ tyrise exiryke eya, toto poko toehse exiryke. Mokaro tuãnohse Ritonõpo a typoetory totapase eya xine exiryke, nase mokyro.

1 Samueu 15:33

Ynara tykase Samueu: — Opokoino nohpo tõ tuhke tumũkue pyra toehse. Seromaroro asa roropa tumũkue pyra exĩko mana, tykase Samueu. Mame morara kaxĩpo, Akake totapase Samueu a. Tysahsahkase ekepyry eya moroto Kiukau po, okyno zahkatoh etonie.