Jeremia 50:11 - Ritonõpo Omiry: A Bíblia Sagrada na língua Aparai do Brasil

¹¹ Ritonõpo Kuesẽkõ ynara tykase: — Papironia põkomo, mõkomo kurã maroatose emero ypoetory tõ nonory poe. Seromaroro tãkye matose pui poenõ samo, tymyhpokase exikety sã onahpoty po, kawaru sã roropa, ekuremara exikety.

Jeremia 50:11 ပူးပေါင်းရင်းမြစ်များ

Saumu 22:12

Pui orutua kõ zomyehmary sã jomyehmãko jepetõkara mana, Pasã nonory poe pui aehtyã samo.

Porowepio 17:5

Tymõkomokãkara poihtoryhtao oya, Ritonõpo htomãko sã mase inyrityãme exiryke. Tuãnohsẽme exĩko mokyro mana atãkyemaryke popyra ehtoh toehse ahtao imepyny a.

Izaja 47:6

Ypoetory tõ poko tyekĩtapãse exiase, ynymenekatyã poko; morara exiryke typoremãkase toto ya, toto ekaroase oya xine. Yrome toto pyno pyra mexiatose; tytamuhpopãse exiketõ tyrohmanohpose oya xine yronymyryme.

Izaja 47:8

Etako pahne, zae pyra ehtoh poko penetakety, torẽtyke pyra mase, popyra ehtoh oepyry zuno pyra roropa mase. Okurohtao ynara ãko mase: ‘Ywy ase tuisame; imepỹ ypanõ pyra mana. Pytỹpome exipyra ase, ypoenõ orihpyra mã toto,’ ãko mase repe.

Jeremia 12:14

Ynara ãko Ritonõpo mana: — Seromaroro oturũko ase popyra exiketõ poko Izyraeu tõ zomye, moro nono popyra tyrise eya xine, ynekarohpyry ypoetory tomo a. Mya mokaro arõko ase inonorykõ poe, otyro samo touse ahtao. Juta tõ roropa pynanohnõko ase mokaro winoino.

Jeremia 46:20

Pui ẽxiry sã Ejitu mana kurano, tupurusẽme moromoroimo a inikahpoe aehtyamo a.

Jeremia 46:21

Soutatu tõ epehmãko mã toto takorehmatohkõme repe, yrome pui mũkuru tõ sã rokẽ mã toto. Osetapara mã toto. Toeramase rokẽ mã toto emero epatohme, toto ehxirotoh toehse exiryke, toto enahkatoh toehse mana.

Jeremia 5:28

tupune mã toto, kure tynahpase roropa mã toto. Popyra toto ehtoh enahpyra mana; poetõpo tõ onewomara mã toto, oty kara mã toto jamihme pyra exiketõ osanumary eneryhtao tyya xine.

Jeremia 5:8

Kawaru sã kure tynahpase ahtao, imehnõ poko se yronymyryme typãnary pyty poko penetãko nexiase toto.

Jeremia 50:17

Ritonõpo Kuesẽkõ ynara tykase: — Izyraeu tõ kaneru tõ sã mã toto tyyryhmase ahtao reão tomo a, sapararahme taropose ahtao roropa eya xine. Osemazuhme Izyraeu tõ typoremãkase Axiria tuisary a, imeĩpo jehpyry tonahse tuisa Napukotonozo a, Papironia esemy.

Jeremia 50:27

Isoutatu tõ etapatoko emero. Toto enahkatoko! Papironia põkõ enatyry toehse myhene! Toto wãnohtoh toehse rahkene!

Ramẽtasão 1:21

“Ritonõpo, pusuhkatoh ya etako. Jemuhkehkananõ pyra nase. Jepetõkara atãkyemãko mã toto juãnohtopõpyry oya eneryke tyya xine. Moro ẽmepyry enehpoko, õmihpyry ae ro, jepetõkara sam kamexipoko ya sam katoh samo.

Ezekieu 35:15

amarokõ atãkyemary saaro ykyryry Izyraeu tõ nonory oname tonorẽ toehse ahtao. Moro saaro ypy tõ emero Etõ nonory po ona tonorẽme exĩko mana. Mame ahno emero zuaro exĩko ywy ase Ritonõpo.

Ezekieu 36:5

— Ywy, Ritonõpo Oesẽkõ, zehno toehse jexiryke mokaro imeimehnõ nonory põkõ tupokase ya, Etõ tõ maro, tuãnohsẽme exĩko mã toto, tãkye toehse toexirykõke iirypyryme roropa tukurohtao xine Izyraeu tõ wãnopyry ya eneryke tyya xine. Ynonory tapoise eya xine, ona tõ maro tosarykõme, toky tõ esaryme.

Ozeja 10:11

— Pui nohpo sã Izyraeu tõ nexiase tukuremase exiketyme, tiriiku puhturu tũtũmary se exiketyme nexiase ipikatohme. Yrome omoxinety tywyhmatoh yriase ipymyry enekure exikety pokona, tupito nonory poko aerohtohme nono ahkatoh ke. Izyraeu tõ maro Juta tõ irohmanohpõko ase, tupito poko toto erohtohme.

Amoxi 4:1

— Etatoko ke sero omi, nohpo tomo Samaria põkomo; tuesapare matose, tupune roropa pui tõ samo Pasã po! Omise exiketõ rohmanohpõko matose, tymõkomokãkara a pitiko rokẽ epehmãko matose, eukuru jehnahpyry tahxime enehpõko matose oniokomo a õkurukõme.

Opatia 1:12

“Yrome zae pyra mexiatose ya, tãkye awahtao xine ãkorõkõ Juta tõ poremãkapory eneryhtao ro oya xine. Zae pyra mexiatose ãtãkyemarykõ poko awahtao xine mokaro enahkary eneryke oya xine. Popyra mexiatose ya eunopyryhtao oya xine, mokaro etuarimaryhtao.

Apakuke 1:15

Imehnõ ahno apoĩko papironio tõ mana, kana tõ apoiry sã kana anỹnanomo a, oka ke te, tarãpa ke, moro sã ahno apoĩko mã toto. Mame oseahmãko rokẽ mã toto.

Zakaria 14:12

Mame ahno emero wãnohnõko Ritonõpo mana, Jerusarẽ poremãkahpõkomo etonatoh ke. Tyrohsẽ enehpõko mana; ahno pũ motanohpõko, isene ro toto ahtao; enurukõ, inurukõ roropa motãko mã kehko.

Teuteronomiu 32:15

Tymõkomoke toehse Ritonõpo poetory tomo, tytineruke toehse, tomãse toto, tupune toehse, tuesapare roropa. Mame Ritonõpo turumekase eya xine; Towomanekõ omipona se pyra toehse toh nexiase, typynanohnekomo.