Jeremia 5:8 - Ritonõpo Omiry: A Bíblia Sagrada na língua Aparai do Brasil

⁸ Kawaru sã kure tynahpase ahtao, imehnõ poko se yronymyryme typãnary pyty poko penetãko nexiase toto.

Jeremia 5:8 ပူးပေါင်းရင်းမြစ်များ

Jenexi 39:9

Sero itapyĩ tao tuisame ase isaaro. Taro emero ise jahtao apoĩko ase. Omoro rokẽ poko pyra ase, ipytyme oexiryke. Naeroro opoko ehsaromepyra ase. Opoko jahtao zae pyra jexiry, iirypyryme jexiry roropa Ritonõpo a.

Jo 31:9

Typenetase jahtao imepỹ pyty poko, tõtonẽse jahtao itapyĩ omõtoh enery poko,

Exutu 20:14

— Imepỹ nohpo poko pyra ehtoko. Morararo imepỹ orutua poko pyra ehtoko.

Exutu 20:17

— Imepỹ tapyĩ poko penetara ehtoko. Ipyty poko penetara ehtoko. Ipoetory tõ poko penetara ehtoko. Eky tõ poko penetara ehtoko, pui tomo te, jumẽtu tomo te, imõkomory tõkehko poko roropa, enara.

Porowepio 6:29

Moro saaro exĩko imepỹ pyty poko exikety. Ipoko toehse exikety sam ãko mana itamurume.

Jeremia 13:27

Onyrityãkõ xihpyry tonese Ritonõpo a; moro se pyra mana ipunaka. Amarokõ, tonese eya oytorykohtao toponãmasã eahmatohme somohmã poro te, jakanahmã poro roropa, orutua kõ typãnarykõ pyxiã poko penetakety samo te, kawaru sã roropa tynohpory poko penetakety samo. Jerusarẽ põkomo, tuãnohsẽme exĩko matose! Otara ahtao oorypyrykõ rumekãko matou, okurãkapotohkõme ropa?

Jeremia 23:10

Sero nono pehme mana imeimehnõ nohpo poko ehtoh ke, Ritonõpo omipona pyra; tyyrypyrykõ poko rokẽ mã toto, tyjamitunurukõke zae pyra ehtoh poko rokẽ mã toto. Popyra ehtoh enehporyke Ritonõpo a sero nono xitãko mana, onahpoty tyaremãse, toorihse sã mana.”

Jeremia 29:23

Moro toehse Zetekia a Akape maro tyyrypyrykõ xihpyry poko toehse toexirykõke, imehnõ nohpo poko toehse toh nexiase, ajohpe toh nexiase roropa Ritonõpo omiry ekaroneme samo. Mokaro nyrihpyry waro Ritonõpo mana, tonese eya exiryke. Ritonõpo noturuase.”

Jeremia 50:11

Ritonõpo Kuesẽkõ ynara tykase: — Papironia põkomo, mõkomo kurã maroatose emero ypoetory tõ nonory poe. Seromaroro tãkye matose pui poenõ samo, tymyhpokase exikety sã onahpoty po, kawaru sã roropa, ekuremara exikety.

Jeremia 9:2

Osa se ase jesaryme ahno esao pyra, ameke jehtohme wekyry tõ winoino. Imeimehnõ nohpo tõ poko mã toto, imehnõ ewokananõme oxikone mã toto.

Ezekieu 22:11

Imehnõ mã, imehnõ pyty poko mã toto; toitoine matose, omũkurukõ pyty poko toehse, imehnõ, tumy ẽxiry poko toehse mã toto roropa.

Teuteronomiu 5:18

— “Imepỹ nohpo poko pyra ehtoko; imepỹ orutua poko pyra ehtoko.

Teuteronomiu 5:21

— “Imepỹ pyty poko penetara ehtoko. Imepỹ kyryry poko penetara ehtoko: itapyiny te, inonory, ipoetory tomo, eky tomo, imõkomory poko, emero rokẽ poko penetara ehtoko.”