Jeremia 5:29 - Ritonõpo Omiry: A Bíblia Sagrada na língua Aparai do Brasil

²⁹ — Yrome ywy mokaro wãnohnõko ase moro pokoino, epehmapõko ase inyrityã emetakame. Ywy, Oesẽkõ oturũko ase.

Jeremia 5:29 ပူးပေါင်းရင်းမြစ်များ

Izaja 57:6

Topu serehmã kõ apoĩko matose iporiry kuae, oneponãmarykõme ehtohme, eahmatohme; anapyrykõ eukuru roropa rĩko matose toto ẽpataka onekarorykõme eya xine. Moro yzamaro ekarõko matou?

Izaja 65:7

itamuru tõ rypyry epehpyryme roropa. Ixtaratu tyahkase eya xine apoto apõ po imehnõ neponãmary eahmaryme ypy tõ po te, tyhtomase ywy eya xine emory tõ po. Morara exiryke toto wãnohnõko ase iirypyhpyrykõ epehpyryme emero porehme.”

Jeremia 5:9

Zae pyra oya xine mokaro wãnopyryhtao ya moro poko? Zae pyra oya xine tuãnohse Izyraeu tõ porehme iirypyrykõ emetakame?

Jeremia 6:6

Ritonõpo Jamihmehxo Exikety ynara tyripose tuisa tomo a: — Wewe tõ akohtoko, opyi tõ tyritoko onuhtohme etonatohme Jerusarẽ põkõ maro. Ynara tykase roropa ynororo: — Sero pata põkõ wãnohnõko ase imehnõ osanumaryke eya xine ipunaka.

Jeremia 9:9

Naeroro mokaro wãnohnõko ase toto nyrityã emetakame. Moro sã jahtao zae pyra hano oya? Zae pyra hano mokaro wãnopyryhtao ya? Ywy Ritonõpo, oturuno.”

Marakia 3:5

Ritonõpo Jamihmehxo Exikety ynara ãko typoetory tomo a: — Oehnõko ase oya xine ãpiakatohkõme. Eneneme jexiryke jomiry ekarõko ase mokaro hxirotohme, jomiry omipona pyra exiketomo, joroko tõ poko exiketomo te, imepỹ nohpo poko exiketomo te, ajohpe exiketomo erohketõ onepehmara exiketomo, pytỹpo tõ anakorehmara exiketomo, poetõpo tõ roropa, imehnõ nono poe aehtyã anakorehmara exiketõ roropa, juno pyra exiketõ emero.

Tiaku 5:4

Yrome opoetorykõ mã okerekerematorỹko, zae toerohtopõpyrykõ onepehmara oexirykõke. Otupikõ poko erohketõ xitary etãko Ritonõpo Jamihmehxo Exikety mana, zae pyra topehmase toto exiryke oya xine.