Jeremia 5:26 - Ritonõpo Omiry: A Bíblia Sagrada na língua Aparai do Brasil

²⁶ — Popyra exiketõ nae ypoetory tõ rãnao. Tarãpa rinanõ sã mã toto torõ tõ apoitohme repe; yrome ahno apoitoh rĩko mã toto.

Jeremia 5:26 ပူးပေါင်းရင်းမြစ်များ

Saumu 64:5

Atakorehmãko mã toto popyra ehtoh ritohme; oturũko mã toto imehnõ apoitoh riry poko tyya xine, zonẽnõko mã toto osenepyra toto ehtohme.

Porowepio 1:11

Ynara karyhtao oya: “Eropa yna maro. Ahno setapatatose oseahmatohme rokene!

Izaja 32:7

Ajoajohpe exikety zae pyra ehtoh rĩko mana popyra toexiryke. Osenetupuhnõko mana tymõkomokãkara enekunohtohme ajohpe ehtoh ke, zae ehtoh anapoipyra toto ehtohme.

Izaja 58:1

Ynara ãko Ritonõpo mana: “Okohtako opore samo, mynyhme pyra exiko. Okohtako rueimo samo! Ypoetory tõ zuruko, Jako pakomotyamo, iirypyryme toto ehtoh poko, zae pyra toto ehtoh poko.

Jeremia 18:20

Popyra ehtoh ke zae jehtoh epehmãko toh nae? Mãpyra orame tahkase eya xine ywy epukatohme zaka. Wenikehpyra exiko jotururu poko oya mokaro akorehmaneme; ekaropoase oya toto onuãnohpyra oehtohme zehno awahtao.

Jeremia 18:22

Ah kui nykã toto tytapyĩkõ tao, torehse tahtao xine omato tomo a, tokare pyra tooehse toto ahtao, orame tahkase exiryke eya xine jepukatohme zaka. Ahno apoitoh tyrise roropa eya xine japoitohme repe.

Jeremia 4:22

Ynara ãko Ritonõpo mana: “Ypoetory tõ tuaro pyra mã toto, juaro pyra roropa mã toto. Poeto pitiko sã mã toto, putupyra rokene, onenetupuhpyra mã toto. Popyra ehtoh poko tuarohxo mã toto. Yrome zae ehtoh poko zuaro pyra mã toto ipunaka.”

Jeremia 9:8

Inuru pyrou sã mana, topinohse orihmato ke, ajohpe oturũko mã toto. Typãnary maro kure sã oturũko mã toto, ipyrypãko, yrome ahno apoitoh rĩko mã toto typãnary apoitohme tyya.

Mikeja 6:10

Popyra ehtoh poko exiketõ tapyĩ tao mõkomo kurã nae tineru roropa tapoise eya xine imehnõ enekunohtopõpyry poko. Ikuhtoh zae pyra ehtoh ke erohnõko mã toto imehnõ enekunohtohme. Moro se pyra ase ipunaka.

Mikeja 7:2

Taro Izyraeu tõ nonory po zae exikety pyra mana ipunaka, Ritonõpo omipona exikety pyra mana. Imehnõ etapary se mã toto emero; imehnõ ẽmary kuhnõko mã toto ãpuruhpyry taka.

Ruka 5:10

Morararo Ximão marõkomo, Tiaku tomo João maro, atakorõmãkomo, Zepeteu poenomo. Mokaro tõsenuruhkase roropa. Mame ynara tykase Jezu Ximão a: — Enaromyra exiko. Seromaroro kana poko oerohtoh rumekãko mase. Taroino jomiry ekarory poko rokẽ erohnõko mase. Imehnõ ahno akorehmãko mase Ritonõpo poko toto osenetupuhtohme, tykase Jezu eya. — Ỹ, tykase Ximão.