Jeremia 5:22 - Ritonõpo Omiry: A Bíblia Sagrada na língua Aparai do Brasil

²² Ywy ase Ritonõpo Oesẽkomo. Oty katohme juno pyra hmatou? Oty katoh tykytyky kara hmatou jẽpataka? Isawã rine tuna konõto ehpiryme jũme onymotyẽkara ehtohme. Tuna konõto osemãko, yrome tosae tũtara mana; pohkane tõ aryryãko reão sã repe, yrome ytopyra mã toto tosarykõ poe.

Jeremia 5:22 ပူးပေါင်းရင်းမြစ်များ

Jenexi 1:9

Morarame tõmiry ke tuna amerehmã zopino tapiakase Ritonõpo a, esaka tyripose, nono osenetohme! Mame moro sã toehse, nono tonore!

1 Tuisa 13:28

Mame toytose ynororo, urutõ ekepyry tonese eya osema tao. Moroto ro jumẽtu kynexine reão roropa tehme rokene. Ekepyry onõpyra reão kynexine, jumẽtu onesekara roropa kynexine.

Jo 26:10

Saerehkatoh apiakãko mana ikohmamyry wino, parihmã ke tymerose tuna konõto pokona.

Jo 37:24

Morara exiryke zuno mã toto emero, yrome oty kara mana tuaro osekaroketõ poko.”

Jo 38:8

“Onoky a tuna konõto tapuruse myahxo ytopyra ehtohme tonuruse ahtao sero nono wakuru ae?

Saumu 104:9

Tuna ehpio tyrise oya moro ehpio onymotyẽkara tuna ehtohme, oehpyra ropa mã kehko sero nono poro, nono nerypyra ropa ehtohme.

Saumu 119:120

Tykytyky ãko ase oẽpataka, enaromỹke ase yna apiakaryke oya.

Saumu 33:7

Oximõme tuna konõto tõ tyrise Ritonõpo a esaka toiro; tukurãkase kehko eya ikurãkatoh tonõ ao.

Saumu 46:3

Oserehpyra sytatose pohkane konõto etaryhtao tuna konõto kuao, ypy tõ kywyh kywyh karyhtao roropa.

Saumu 99:1

Ritonõpo Kuesẽkõ tuisame mana: ahno tõ tykytyky ãko mã toto. Typorohse mã ynororo tapõ po tuisamehxo kerupĩ tõ epoe; sero nono tykytyky ãko mana.

Porowepio 8:29

tuna taunuhmapokehse ahtao eya, esary ehpio onymotyẽkara ehtohme. Moroto exine sero nono apõ tyrise ahtao eya.

Izaja 50:2

Oty katoh ypoetory tõ oehpyra osẽpatakãmase ymaro toytose jahtao toto pynanohse? Oty katoh jezuhpyra toh nexiase tykohmase toto ahtao ya? Seromaroro opynanohsaromepyra jekarõko matou? Tyjamihkehse jekarõko matou? Arypyra! Toiro tyripõko ase, mame tuna konõto anorỹko mana. Tuna tõ rĩko ase ona tonorẽme. Morara ahtao tuna pyra exiryke kana orihnõko mã toto tuna peneryke, tymoke exipitõko mana.

Izaja 64:2

Tuna sã morohne exiry kurokuro karyhtao apoto zemimã po. Imehxo oehtoh enetuputyry oepetõkara a; ouno toexirykõke tykytyky ãko toto exiry oẽpataka.

Izaja 66:5

Ritonõpo omipona exiketomo, aomiry etatoko pahne, ynara ãko Ritonõpo oya xine mana: “Imehnõ oekyry tõ ose xine pyra mã toto, amaro xine osepeme se pyra exĩko mã toto jomiry omipona oexirykõke. Ynara ãko oya xine mã toto: ‘Ah Ritonõpo tyjamitunuru enepono oya xine, opynanohtohkõme, tãkye oehtohkõme ynaneneryme!’ Yrome mokaro ehxirõko mã toto.

Jeremia 10:7

Onoky ouno pyra hnae, emero nono põkõ Esẽme mase? Kure kuhse mase yna a, imehxo oexiryke. Imepỹ pyra mana asã exikety, tuaro exiketõ rãnao, ahno tuisary tõ rãnao.

Jeremia 2:19

Popyra oehtopõpyrykõ awãnohtorỹko mana, Tuãnohsẽme exĩko matose turumekase oya xine jexiryke. Tuaro exĩko matose popyra jurumekary ehtoh poko oya xine, itunetyme exikety sã mana Oesẽkõ Ritonõpo rumekary oya xine, jomiry omipona pyra oexirykomo, enara. Ywy, Oesẽkomo Ritonõpo Jamihmehxo Exikety, oturũko ase.”

Jeremia 31:35

Xixi tyrise Ritonõpo a saerehkatohme ẽmepyryme ahtao, nuno tyrise eya xirikuato tõ roropa saerehkatohme koko. Tuna konõto tyripõko mana zehno exikety samo, panaikato, pohkane roropa; esety Ritonõpo Jamihmehxo Exiketyme.

Tanieu 6:26

Ynara tyripõko ase oya xine emero ynonory põkomo: Ritonõpo, Tanieu Esẽ zuno ehtoko, Aomipona ehtoko. Mokyro eahmãko Tanieu mana. Isene Exiketyme mana, jũme exikehpyra mana. Tuisame aexiry onenahkapopyra imehnõ mana, ijamitunuru exikehpyra roropa mana jũme.

Amoxi 4:12

Morara exiryke, Izyraeu tomo, awãnohtorỹko ase. Moro waro toehse oexirykõke ekurãkatoko, oorypyrykõ irumekatoko, ikorokapotoko õsẽpatakãmatohkõme Oesẽkõ Ritonõpo maro. Ywy, Ritonõpo, oturũko ase.

Amoxi 9:6

Tytapyĩ rĩko Ritonõpo mana kapu ao, kapu rĩko mana nono epozakoxi. Tuna kohmãko mana tuna konõto kuao, moro tuna tõ kuãnõko mana nono pona. Ritonõpome esety mana!

Jona 1:16

Moro eneryke tyya xine Ritonõpo zuno toehse toto. Okyno totapase eya xine tynekarorykõme Ritonõpo a, tõmirykõ totapose roropa eya xine Ritonõpo netaryme, aomipona toehtohkõme.

Naum 1:4

Tuna konõto mynyhpãkapõko Ritonõpo mana, anorỹko mana. Tuna tõ apaikapõko Ritonõpo mana. Onahpoty ona Pasã po te, ypy Karameru po roropa orihnõko mana, ekuru tõ ypy Ripano po aremãnõko kehko.

Mateu 10:28

Imehnõ zuno pyra ehtoko. Kuokokõ etapary waro toh mã repe, yrome kuzenukõ etapary waro pyra mã toto. Ritonõpo zuno rokẽ ehtoko. Kuokokõ etapary waro mã ynororo. Kuzenukõ emary waro roropa mana apotoimo htaka, tykase Jezu typoetory tomo a.

Maku 4:39

Mame typakase ropa Jezu. Tyryrykane tymynyhpãkapose eya: — Omynyhpãko, pohkara exiko, tykase Jezu. Mame tyryry tykakehse, mynytyme konõto rokẽ toehse.

Ruka 12:5

Toiro rokẽ zuno ehtoko, Ritonõpo rokẽ zuno. Oetapaxĩpo xine oemarykõ waro mana apotoimo htaka. Naeroro mokyro rokẽ zuno ehtoko.

Teuteronomiu 28:58

— Ritonõpo omihpyry emero omipona pyra awahtao xine, inymeropohpyry sero pape pokona, kure rokẽ Ritonõpo Kuesẽkõ esety onyripyra awahtao xine, mokyro esety pokoino enaromỹke exĩko sero nono põkõ mana,

Apokaripxi 15:4

Onoky ouno pyra exikety nae nah? Arypyra, ouno emero mã toto, yna esẽme oexiryke. Imehxo oehtoh poko ekãtõko mã toto emero porehme. Omoro rokẽ kurãme nymyry mase. Pata tamuru põkõ emero oehnõko mã toto, ‘Kure mase,’ katohme oya. Kure rokẽ orĩko mã toto. Tosekumuru po porohnõko mã toto oẽpataka, kure oexiry eneryke tyya xine, emero pata põkõ punero,” tykase toto toremiarykõme.