Jeremia 5:16 - Ritonõpo Omiry: A Bíblia Sagrada na língua Aparai do Brasil

¹⁶ Mokaro soutatu tõ orẽpyra mã toto; typyrekõ ke ahno wõko mã toto, ipyno xine pyra toexirykõke.

Jeremia 5:16 ပူးပေါင်းရင်းမြစ်များ

Saumu 5:9

Jepetõkara omiry zae pyra mana ipunaka. Imehnõ enahkary poko rokẽ osenetupuhnõko mã toto. Aomirykõ kure sã mã repe, imepỹ pyrypãko. Yrome enekunohnõko mã toto aorihmapotohme.

Izaja 13:18

Typyrekõ ke nuasemãkõ wõko mã toto; poetohti tõ etapãko, enurusenã kõ roropa, toto pyno pyra exĩko mã toto ipunaka.

Izaja 5:28

Ipyrekõ pyrou tõ pohsuime mã kehko, taky tõ kure tyrise axĩ tuotohme. Eky tõ kawaru pupuru tũporemã kehko topu samo. Kahu tõ etonatoh pupuru emerehnõko mã kehko wiriwirikane samo.

Jeremia 6:22

Ynara ãko Ritonõpo mana: — Ahno oehnõko moino, imehnõ nonory poe inikahpoe; ahno jamihme exiketõ typyrekõ rĩko mã toto etonatohme.

Jeremia 6:23

Typyreke mã toto: taky tõ ke, pyrou ke, tytapema ke, enara. Imehnõ pyno pyra mã toto, imehnõ nupunato onenepyra mã toto. Kawaru po ytõko mã toto, panaikato rĩko mã toto tuna konõto samo, pohkane konõto samo. Oehsasaka mã toto osetapase Jerusarẽ põkõ maro.

Ramẽtasão 3:13

Moro pyrou tõ, Ritonõpo nuotyã mya tomõse kehko nexiase upũ aka.

Romanos 3:13

Aomirykõ onekunohto mana. Ajohpe xihpyry aomirykõ mana, opi orihmatõ samo. Okoi epity sã aomirykõ mana.