Jeremia 5:10 - Ritonõpo Omiry: A Bíblia Sagrada na língua Aparai do Brasil

¹⁰ Oepetõkara enehpõko ase anarykatyã uwa zoko tõ akohtohme, yrome emero porehme onenahkapopyra exĩko ase. Jomi poe uwa amoriry tõ kararahnõko oepetõkara mã toto moro amoriry tõ ykyryryme pyra exiryke.

Jeremia 5:10 ပူးပေါင်းရင်းမြစ်များ

2 Koronika 12:4

Pata tõ jamihme exiketõ Juta tõ nonory po typahse eya. Mame toytose ynororo tysoutatu tõ maro Jerusarẽ pona.

2 Koronika 36:17

Naeroro Papironia tuisary tonehpose eya toto poremãkatohme. Juta tõ nuasemãkõ totapase eya Ritonõpo Tapyĩ tao ro. Toto onypynanohpyra nexiase poetohti tomo te, nuasemãkomo, orutua komo te, nohpo tomo, kure pyra exiketomo te, kurãkomo, enara. Tokarose toto emero Ritonõpo a.

Jeremia 2:21

Uwa zoko sã mexiatose ya ynymenekahpyry arykatohme, kure eperytatohme. Yrome seromaroro eneko ke! Otyme mexitou? Uwa zoko tonahkase sã matose, typahsẽme toehse matose.

Jeremia 25:9

“Ahno tõ enehpõko ase emero inikahpoe ypoetory, tuisa Napukotonozo maro Papironia poe. Mokaro enehnõko ase etonatohme sero põkõ, Juta tõ maro, imehnõ nonory põkõ maro, ononorykõ zomye exiketõ maro. Mokaro enahkapõko ase ipunaka; nono pona jũme tomasẽme exĩko mã toto. Morohne eneryke osenuruhkãko imehnõ mana, enaromỹke exĩko mã toto. Ywy, Ritonõpo, oturũko ase.

Jeremia 30:11

Amaro xine exĩko ase opynanohtohkõme. Imeimehnõ nonory enahkapõko ase, emero aaropotopõpyrykõ ya, yrome oenahkara xine ase. Tuãnohsẽme exĩko matose repe; yrome, awãnopyrykohtao ya, zae rokẽ awãnohtorỹko ase; onymotyẽkara ase. Ywy Ritonõpo oturuno.”

Jeremia 39:8

Morara ahtao tuisa tapyĩ konõto tyahkase Papironia põkomo a, ahno tapyĩ tõ roropa tyahkase eya xine, pata Jerusarẽ apuru tõ tytahkase roropa eya xine.

Jeremia 4:27

Ynara tykase Ritonõpo: moro nono emero patãpome exĩko mana, yrome emero porehme onenahkapopyra ase.

Jeremia 46:28

Amaro xine exĩko ase opynanohtohkõme. Imeimehnõ nonory põkõ enahkapõko ase emero porehme moro pona taropose matose ya, yrome amarokõ oenahkapopyra exĩko ase. Tuãnohsẽme exĩko matose roropa repe, yrome awãnopyrykohtao ya, zae rokẽ awãnohtorỹko ase; onymotyẽkara ase. Ywy Ritonõpo oturuno.”

Jeremia 5:11

Yrypome toehse Juta tomo Izyraeu tõ maro jarao, imehnõ neneryme. Towokase ywy eya xine. Ywy Ritonõpo oturũko ase.”

Jeremia 5:18

— Yrome ywy, Ritonõpo ynara ãko ase oya xine, morara ahtao ro oenahkapopyra xine ase.

Jeremia 5:9

Zae pyra oya xine mokaro wãnopyryhtao ya moro poko? Zae pyra oya xine tuãnohse Izyraeu tõ porehme iirypyrykõ emetakame?

Ezekieu 12:16

Yrome akoĩpyry orihpyra tyripõko ase osetaparyhtao te, omise toehse toto ahtao te, tyrohsẽ nae ahtao; morarame moroto imeimehnõ nonory po toto ahtao tuaro exĩko mã toto tynyrihpyrykõ xihpyryme ehtoh poko, ehxirõko mã toto. Mame enetupuhnõko mã toto ywy ase Ritonõpo.

Ezekieu 14:17

— Osetapatoh enehporyhtao ya sero nono pona ahno enahkatohme okyno tõ maro,

Ozeja 1:9

Mame ynara tykase Ritonõpo Ozeja a: — Mose poeto esehpako “Wekyry karame”, ynara exiryke: Izyraeu tõ ypoetoryme pyra toehse mana, toto Esẽme pyra toehse roropa ywy.

Amoxi 9:8

Izyraeu tõ nonory enẽko ase, tyyrypyrykõke pehme exiketomo, moro nono enahkapõko ase osenepyra ehtohme sero nono po; yrome Izyraeu tõ porehme onenahkapopyra ase. Ywy, Ritonõpo oturuno.

Mateu 22:7

Morara exiryke pata konõto esẽ toto zehno toehse. Soutatu tõ taropose eya typoetory tõ mỹpotohme, toto etapahpõkõ etapatohme, toto esary zahkapotohme roropa.