Jeremia 49:5 - Ritonõpo Omiry: A Bíblia Sagrada na língua Aparai do Brasil

⁵ Emero rokẽ poe oerehtoh enehpõko ase opona xine, epãko matose emero porehme. Tururume ytõko matose osepynanohtohme, orihpyra ehtohme. Ahno pyra oxinamãko, soutatu pyra exĩko, osetapasaromepyra exĩko matose. Ywy ase Oesẽkomo, Ritonõpo, Jamihmehxo Exikety, oturuno.

Jeremia 49:5 ပူးပေါင်းရင်းမြစ်များ

2 Tuisa 19:7

Etako pahne, Ritonõpo poe imehnõ omihpyry etãko mana; eramãko ropa mã ynororo tosaka ropa. Oetapara ekurehnõko mana. Mame moroto esao mokyro etapãko imehnõ mana,’ ãko Ritonõpo mana,” tykase Izaja.

Jo 15:21

Panaikatõ etaryhtao oserehnõko mana; tõsewomase osekarõko mana, moro ae ro omato tõ oehnõko osetapase imaro.

Porowepio 28:1

Popyra exiketõ epãko mã toto onekahmara imehnõ ahtao ro, yrome ajohpe pyra exikety orẽpyra mana reão samo.

Izaja 16:3

Juta tomo a ynara ãko mã toto: “Kaxitoko yna a, otara tyrĩko ynanae? Yna akorehmatoko, yna ewomatoko. Wewe konõto sã ehtoko yna a xixi jetũ ahtao, tãxiahtao zerukumãnõko mana, ynanoseremaxi amaro xine jerutume sã oexirykõke yna a. Tosake pyra ynanase, yna zonẽtoko yna onenepyra imehnõ ehtohme.

Jeremia 15:8

Pytỹpo tõ tyripose ya amaro xine isawã motye tuna konõto ehpio. Omũkurukõ etapase nuaseme ro toto ahtao, jẽkõ sam tykamexipose ya. Mõtoino rokẽ tyrohmanohpose toto ya te, tonaroxitapãse toto ya.

Jeremia 16:16

Ynara tykase Ritonõpo: — Kana anỹnanõ enehpõko ase tuhke, mokaro anỹtohme. Imeĩpo urakanaketõ tuhke enehpõko ase mokaro zupitohme ypy tõ po te, somohmã po te, oramã kõ ao topu tõ ao. Ywy, Ritonõpo, oturũko ase.

Jeremia 20:4

Ritonõpo ro ynara tykase: “Pasua, iiryhmaneme orĩko ase oya ro; oepe tomo a roropa. Toto etapary enẽko mase emero porehme epetõkara a. Juta tõ emero ekarõko ase Papironia tuisary a ipoetoryme toto ehtohme; zokonaka arõko mana tynamotome tynonory pona, imehnõ etapãko mana.

Jeremia 46:5

“Yrome oty enẽko ywy?” ãko, ekaropõko Ritonõpo mana. “Ejitu põkõ soutatu tõ epãko mã toto, enaromỹke toexirykõke. Torehse toto, tururume ytõko toto axiny, tỹkakoxi xine osenuhmara mã toto. ‘Emero rokẽ po omye xine erehtoh nae, etapatopo, enahkatopo, orihmapotopo!’ ãko Ritonõpo mana.

Jeremia 49:29

Itapyĩkõ apoitoko, eky tõ maro kaneru tõkehko, ikyryry tõ emero kamisa tõkehko itapyĩ tõ tae, kameru tõ maro. Ynara kahtoko: “Emero rokẽ po õmye xine iiryhmatoh nae, etapatopo, enahkatopo, orihmapotopo!”

Jeremia 6:25

Ytopyra ynanase pata poe itu htaka, osema tõ ae roropa yna epetõkara kurũke, typyreke exiryke, emero rokẽ po erehtoh nae, etapatopo, enahkatopo, orihmapotopo.

Ramẽtasão 4:15

Ynara tykohtase ahno tomo: “Mya ytotoko! Nuriame matose! Japopyra exiko!” Mame toytose toto ahtao imehnõ nonory tõ poro ynara tykase morotõkõ eya xine: “Tarona oehtohkõ se pyra ynanase,” tykase.

Amoxi 4:3

Pata apuru tõ itohtohkahpyry ae tũtãko matose, tomase roropa exĩko matose ypy Heremõ winakoxi.

Jozue 2:9

— Zuaro ase, sero nono tokarose Ritonõpo a Izyraeu tomo a. Oserehnõko ynanase porehme, ouno xine.