Jeremia 49:4 - Ritonõpo Omiry: A Bíblia Sagrada na língua Aparai do Brasil

⁴ Jurumekahpõkomo, oty katoh epyrypãko matou? Orẽnõko matose. Oty katoh jamihme ro osekarõko matou? Imehnõ etonasaromepyra mã toto amaro xine, ouno toexirykõke, ekarõko matose repe.

Jeremia 49:4 ပူးပေါင်းရင်းမြစ်များ

Saumu 49:6

Popyra exiketõ orẽpyra osekarõko mã toto tytinerũkõ pokoino, itamurume tytineruke toexirykõ poko epyrypãko mã toto.

Saumu 52:7

“Enetoko ke mokyro mã Ritonõpo onyripyra towomaneme; yrome orẽpyra tõsekarose ynororo itamurume tymõkomoke toexiryke, tõsewomary tukuhse ynororo zae pyra toehtoh poko.”

Saumu 62:10

Imehnõ onyryhmara ehtoko, imõkomorykõ onematonanohpyra ehtoko. Omõkomory itamurume toehse ahtao, oyamene se xine pyra ehtoko.

Porowepio 10:15

Tymõkomoke exiketõ osewomãko mã toto tymõkomorykõ ke, yrome tymõkomokãkara osenahkãko mã toto tymõkomoke pyra toexirykõke.

Jeremia 21:13

Pata Jerusarẽ, kae oesary mana, jakanahmã tõ epoe, topu konõto sã ona kuraraximã epoe. Yrome ywy Ritonõpo etonãko ase oporemãkatohme. Imehnõ emero ouno xine ekarõko matose, oetapasaromepyra xine mã toto, apatarykõ apoitohme tyya xine.

Jeremia 3:14

Ritonõpo Kuesẽkõ ynara tykase: — Osehtoko ropa ya, zae pyra exiketomo, ypoetoryme matose, ypytyme sã matose. Ãpoitorỹko ase, toirõ emero pata tõ poe, asakoro apoĩko ase oxiekyry tõ poe; aarotorỹko ropa ase ypy Xião pona.

Jeremia 31:22

Jẽxiryme jomiry omipona pyra exikety sã matose. Otara ahtao jenetupuhpyra oehtohkõ rumekãko matou? Ywy Ritonõpo tyorõ sã yriase sero nono po, orutua ewomãko nohpo mã rahkene.”

Jeremia 48:7

“Moape tomo ajamitunuru ipune mekaroatose omõkomory roropa oewomatohkõme repe, yrome seromaroro typoremãkasẽme exĩko mase. Oritõ Kemo tarosẽme exĩko imepỹ nono pona, otuisary poenõ maro oritõ poko oturuketõ maro.

Jeremia 49:16

Imehnõ motye orẽpyra mosekaroatose, yrome tõsenekunohse mexiatose. Topu tõ rãnao tõsesarise matose, ypy tõ emory po. Yrome kaehxo awahtao xine ro piano samo oporemãkapotorỹko Ritonõpo mana. Ywy, Ritonõpo, oturuno.”

Jeremia 7:24

Yrome otato pyra toh nexiase, jomiry omipona pyra. Yrome putupyra exiketõ sã typenetatohkõ xihpyry poko toehse toh nexiase. Naeroro kurãkõ anapoipyra tokurehse toto, popyrahxo toehse toh nexiase.

Jeremia 9:23

Ynara ãko Ritonõpo mana: — Tuaro exiketomo, epyrypara ehtoko tuaro oehtohkõ poko, jamihme exiketomo, epyrypara ehtoko ajamitunurukõ poko, tymõkomoke exiketomo, epyrypara ehtoko tytineruke oehtohkõ poko.

Ozeja 4:16

Izyraeu tõ putupyra sã mã toto, pui nohpo samo ekuremara ro ahtao. Ypoetory tõ onypynanohsaromepyra ase kaneru tõ pyno exikety sã toky tõ pynanopyry sã ona po.

1 Timoteu 6:17

Ynara kaxiko tymõkomokamo a: “Osenetaonohpyra ke ehtoko. Ynara kara ehtoko okurohtao xine: ‘Tãkye exĩko ase ytinerũ tomãse ahtao,’ kara ehtoko. Yrome ynara kahtoko rokene: ‘Tãkye rokẽ ase Ritonõpo poko. Emero ekarõko mã ya,’ kahtoko rokẽ okurohtao xine,” kaxiko eya xine, amorepako toto.

Apokaripxi 18:7

Ituarimapotoko, sam kamexipotoko eya. Imynyhmapotoko, tuisame imehxo tõsekarose exiryke. Emero kurã tapoise eya tykyryryme. Nohpo sã mana, ynara kane samo: “Taro ywy tarõkõ esemy. Pytỹpo sã pyra ase. Emynyhmara jũme ase, sam kara ase roropa,” kane sã mana.