Jeremia 49:31 - Ritonõpo Omiry: A Bíblia Sagrada na língua Aparai do Brasil

³¹ “Ehmaropa! Mokaro syporemãkatatose, orẽpyra osekarõko mã toto, towomase! Ipatary tõ ameke mã toto imehnõ wino. Omõtoh apuru pyra mã toto isorotohto pyra roropa.” Ywy Ritonõpo oturuno.

Jeremia 49:31 ပူးပေါင်းရင်းမြစ်များ

Saumu 123:4

Ynahtomãko mã mokaro tymõkomoke exiketomo, kokoro rokẽ epyrypaketõ roropa yna poihtõko mã toto.

Saumu 73:12

Popyra exiketõ ynara sã mã toto: tymõkomoke itamurume mã toto, mame itamurumehxo tytineruke exĩko mã toto.

Izaja 32:11

Tupime pyra nexiase oya xine, torẽtyke pyra mexiatose; yrome seromaroro tykytyky kahtoko enaromỹke oehtohkõke! Ometỹkõ toutoko, kamisãpo amurutohme ometỹkõ myakãme.

Izaja 32:9

Nohpo tomo, kure rokẽ osekaroketomo, etatoko pahne jomiry; otato ehtoko, torẽtyke pyra exiketomo!

Izaja 42:11

Ona tonorẽ po, ipatary tõ po roropa ah Ritonõpo eahmã toto, ah pata Ketaa põkõ neahmã toto! Amarokõ pata Sera põkõ, atãkyematoko, eremiatoko ypy tõ emory po!

Izaja 47:8

Etako pahne, zae pyra ehtoh poko penetakety, torẽtyke pyra mase, popyra ehtoh oepyry zuno pyra roropa mase. Okurohtao ynara ãko mase: ‘Ywy ase tuisame; imepỹ ypanõ pyra mana. Pytỹpome exipyra ase, ypoenõ orihpyra mã toto,’ ãko mase repe.

Jeremia 48:11

Ritonõpo Kuesẽkõ ynara tykase: — Moino ro Moape tõ osetapara toh nexiase, towomase toh nexiase, epetõkara a anaropyra toh nexiase imehnõ poetoryme, inonory poe. Uwa eukuru sã mã Moape tomo tukurãkase ahtao, onywyrywyrymara ahtao, anarykara roropa ahtao imepỹ ẽ aka. Tomepore aexihpyry atahnikara nexiase, onytyoromara nexiase.

Ezekieu 30:9

— Moro ẽmepyry toehse ahtao, Ejitu tonahkase ahtao roropa, omi aronanõ aropõko ase wapu ae Etiopia põkõ enaroximatohme, putupyra exiketomo. Mame mokaro oserehnõko mã toto, enaromỹke exĩko. Moro ẽmepyry oehnõko mana!

Ezekieu 38:11

Nono põkõ poremãkary se exĩko mase, typyreke pyra exiketomo, zehno pyra exiketomo, imehnõ zuno pyra exiketomo, ipatarykõ apuru pyra mã kehko osewomatoh pyra roropa.

Ezekieu 39:6

Apoto zukãko ase Makoke nonory po, tuna konõto ehpio roropa. Moroto ahno tõ torẽtyke pyra towomase samo, zuaro exĩko mã toto emero ywy ase Ritonõpo.

Mikeja 7:14

Ritonõpo yna Esemy, yna pyno exiko kaneru pyno exikety samo, oekyme sã, kaneru tõ sã yna exiryke. Toiroro sã ynanase itu htao tapuruse samo nono kurã ke, otyro zamaro exikety ke. Onyrihpyry sã pake, yna aroko seromaroro onahpoty kurã pona Pasã po, Kireate po roropa.

Naum 1:12

Yrome ynara ãko Ritonõpo mana typoetory, Izyraeu tomo a: “Axirio tõ tonahkasẽme exĩko mã toto, jamihme toto ahtao ro, tuhke roropa, osenepyra exĩko mã toto. Amarokõ tynomose ya etuarimatohme repe, yrome moro onyripyra ropa ase.

Sowonia 2:15

Moro sã exĩko pata Niniwe, pata epyrypakety, tyjamitunuru poko. Ynara tykase ynororo: “Imepỹ pata pyra mana jamihme exikety ysamo.” Patãpome exĩko mana, onokyro tõ esaryme. Ytoketõ morotona oserehnõko mã toto, osenuruhkãko roropa mã toto moro pata enahkatopõpyry eneryke tyya xine.

Numeru 23:9

Topuimo emory poe, ypy emory poe Izyraeu tõ enẽko ase. Oxiekyryme mã toto toiroro samo. Imehnõ ahno motye kure ehtoh tokarose Ritonõpo a, eya xine. Moro waro mã toto.

Teuteronomiu 33:28

Mame Izyraeu tõ towomasẽme exĩko mã toto tosarykõ po. Osepeme exĩko mã toto tynonorykõ po. Moroto tiriiku ahtãko, uwa eukuru exĩko, axitaku nono ehxikãko mana.