Jeremia 49:29 - Ritonõpo Omiry: A Bíblia Sagrada na língua Aparai do Brasil

²⁹ Itapyĩkõ apoitoko, eky tõ maro kaneru tõkehko, ikyryry tõ emero kamisa tõkehko itapyĩ tõ tae, kameru tõ maro. Ynara kahtoko: “Emero rokẽ po õmye xine iiryhmatoh nae, etapatopo, enahkatopo, orihmapotopo!”

Jeremia 49:29 ပူးပေါင်းရင်းမြစ်များ

Jenexi 37:25

Mame typorohse toto tõtuhtohkõme. Tõtukurukohtao tõsenuhmase toto. Iximaeu tõ tonese eya xine ytoketomo. Kireate poe toehse toto, Ejitu pona ytõko toh kynexine. Mõkomo arõko kameru tõ kynexine, ixtaratu te, kanera tõkehko.

Jo 1:3

Tokyke nexiase: kaneru tomo 7 miume te, kameru tomo 3 miume te, pui tomo toiro miume te, jumẽtu tomo 500me, enara. Tuhke roropa typoetoke nexiase. Imehnõ motye tymõkomoke nexiase ynororo moro nono po, xixi tũtatoh wino.

Saumu 120:5

Taro jehtoh amaro xine popyra nase; Meseke nonory po jehtoh samo, Ketaa põkõ maro jehtoh sã roropa.

Saumu 31:13

Jepetõkara tuhke etãko ase puti puti ãko; jenaroximãko imehnõ mana emero rokẽ po. Atamorepãko mã toto yyryhmary poko, jetapatohme tyya xine.

Izaja 13:20

Papironia patãpome exĩko, turumekasẽme, jũme oehpyra ropa morotõkõ ehtohme. Arape tõ mya ytoketõ tytapyĩkõ onyripyra exĩko mã toto moroto, kaneru tõ aronanõ morotona ytopyra exĩko roropa mã toto toky tõ maro.

Izaja 60:7

Ketaa nonory poe te, Nepaiote poe roropa kaneru tõ enehnõko oya xine jahkatohme onekarorykõme apoto apõ po Ritonõpo eahmaryme. Mame Tytapyĩ kurã rĩko Ritonõpo mana enekurehxo rahkene.

Jeremia 10:20

Yrome kytapyĩkõ tonahkase mã kehko, eary tõ imyhtoh tonõ tamohse kehko. Kypoenõkõ toytose toto kywinoino xine. Tonahse toto ipunaka, tapyi rine pyra toehse kuakorehmatohkõme tapyi ritohme ropa, apuru tõ kamisa risẽ anỹnanõ pyra toehse sytatose kymaro xine aehtohme rahkene.”

Jeremia 4:20

Popyra ehtoh oehnõko kypona xine atakenaka samo. Sero kynonorykõ tytororo tonahkase. Axĩ kytapyĩkõ pahnõko mã toto, ikamisã risẽ toexihkase pisarara mã kehko.

Jeremia 46:5

“Yrome oty enẽko ywy?” ãko, ekaropõko Ritonõpo mana. “Ejitu põkõ soutatu tõ epãko mã toto, enaromỹke toexirykõke. Torehse toto, tururume ytõko toto axiny, tỹkakoxi xine osenuhmara mã toto. ‘Emero rokẽ po omye xine erehtoh nae, etapatopo, enahkatopo, orihmapotopo!’ ãko Ritonõpo mana.

Jeremia 49:24

Tamaxiku põkõ jamihme pyra mã toto. Toeramase mã toto epatohme enaromỹke. Sam ãko mã toto. Ihtomãko nohpo samo jetũ toehse ahtao enururuhtao.

Jeremia 49:5

Emero rokẽ poe oerehtoh enehpõko ase opona xine, epãko matose emero porehme. Tururume ytõko matose osepynanohtohme, orihpyra ehtohme. Ahno pyra oxinamãko, soutatu pyra exĩko, osetapasaromepyra exĩko matose. Ywy ase Oesẽkomo, Ritonõpo, Jamihmehxo Exikety, oturuno.

Jeremia 6:25

Ytopyra ynanase pata poe itu htaka, osema tõ ae roropa yna epetõkara kurũke, typyreke exiryke, emero rokẽ po erehtoh nae, etapatopo, enahkatopo, orihmapotopo.

Apakuke 3:7

Kuxã põkõ enease torẽtyke, Mitiã põkõ roropa enaromỹke mã toto.

2 Korĩtiu 4:8

Etuarimãko ynanase yronymyryme, yrome poremãpyra ynanase. Otupĩko roropa ynanase, toitoine repe yrome Kuesẽkõ onenetupuhkehpyra ynanase.

2 Korĩtiu 7:5

Masetonia pona toeporehkase yna ahtao torẽtyke ynanexiase. Tuhke rokẽ yna ryhmananõ nae nexiase. Imehnõ tõsezusezuhse yna maro. Oserehnõko roropa ynanexiase.

Juize 6:5

Tooehse toh kynexine tokykõ maro, pui tõkehko, tytapyĩkõ maro tuhke taparara tõ samo. Toky tõ kameru tõ maro ikuhpỹme toh kynexine. Tooehse ynaroro Izyraeu tõ enahkase.

Juize 7:12

Mokaro mitianita tomo, amarekita tõ maro, ona põkõ maro sapararahme toh kynexine. Moro jakanahmã typehkase eya xine, taparara imoihmãkõ samo. Ikuhpỹme tuhke toto exiry kynexine, ekykõ roropa kameru tõ maro isawã sã toh kynexine, tuna konõto ehpio exikety samo.

Juize 8:21

Mame Zepa tõ Saumuna maro ynara tykase Kiteão a: — Osehko ty, yna etapako omoro orẽpyra oexiryke. Naeroro Zepa tõ Saumuna maro totapase Kiteão a. Ikyryrỹpyry tõ typyne exiketõ tapoise eya, nuno panõ kõ kuhsamo, kameru tõ esenao exiketõ tapoise.

Juize 8:26

Atapona uuru omoxĩ exiry 20 kirume exisasaka kynexine. Morohne maro: osenao tõkehko, uuru risẽ emeporyme, upo tõ roropa, tuisa tõ zuponỹpyry te, kameru tõ pymyry kyryry emeporyme, tapoise roropa eya.