Jeremia 49:24 - Ritonõpo Omiry: A Bíblia Sagrada na língua Aparai do Brasil

²⁴ Tamaxiku põkõ jamihme pyra mã toto. Toeramase mã toto epatohme enaromỹke. Sam ãko mã toto. Ihtomãko nohpo samo jetũ toehse ahtao enururuhtao.

Jeremia 49:24 ပူးပေါင်းရင်းမြစ်များ

Jenexi 3:16

Nohpo a ynara tykase Ritonõpo: — Itamurumehxo etuarimãko mase poetoẽme awahtao, opoenõ enururuhtao oxietũtõko mase. Morara ahtao ro onio poko penetãko ro mase. Oesẽme exĩko roropa mana.

Izaja 13:8

Oserehnõko mã toto. Sam ãko mã toto xitãko roropa nohpo samo aenururuhtao. Oseya rokẽ enẽko mã toto takorehmanekõ zupĩko repe, enaromỹke ipunaka. Ẽmytykõ kamirarame exĩko toehxirorykõke.

Jeremia 30:6

Apoaporo, osenetupuhtoko! Orutua poeto enurũko nae? Nary! Naeroro oty katohme mokaro orutua kõ enẽko ywy emero tuakurukõ apoĩko, nohpo, poetoẽme exikety samo, enurusasaka ahtao? Oty katohme ẽmytykõ tytyorõtase nae?

Jeremia 4:31

Kui kary etase, nohpo kui kary sã aenururuhtao, nohpo kui kary samo apitorymã enurumaryhtao eya. Jerusarẽ põkõ nohpo sã mã toto, kui ãko, apotũkehnõko, tomary anỹnõko toetuarimaryme ynara ãko: “Tonahkasẽme exĩko ase! Oehnõko mã toto jetapase, myhene!”

Jeremia 48:41

Ipatarykõ tapoisẽme exĩko mã kehko soutatu tõ tapyĩ jamihmãkõ maro. Moro toehse ahtao Moape tõ soutatu tõ oserehnõko mã toto nohpo samo jetũ toehse ahtao enururuhtao.

Jeremia 49:22

Pata Posora põkõ maro osetapãko epetõkara mana piano samo, taporihke yhtõko kaino axiny ikarimotatohme. Moro toehse ahtao Etõ tõ soutatu tõ enaromỹke exĩko ipunaka, nohpo samo jetũ toehse ahtao enururuhtao.

Jeremia 49:29

Itapyĩkõ apoitoko, eky tõ maro kaneru tõkehko, ikyryry tõ emero kamisa tõkehko itapyĩ tõ tae, kameru tõ maro. Ynara kahtoko: “Emero rokẽ po õmye xine iiryhmatoh nae, etapatopo, enahkatopo, orihmapotopo!”

Jeremia 49:37

Mame topetõkara zuno Erão põkõ ripõko ase, toto etapary se exiketomo. Mame toto zehno jexiryke toto enahkapõko ase. Imehnõ nonory põkõ soutatu tõ enehpõko ase toto poremãkatohme, toto enahkatoh pona. Ywy Ritonõpo oturũko ase.

Jeremia 50:43

Papironia tuisary turuse mokaro oepyry poko. Emary jamihme pyra toehse. Atasamãko mana yronymyryme, nohpo samo jetũ toehse ahtao aenururuhtao.”

Jeremia 6:24

— Omi totase yna a moro poko, ãko Jerusarẽ põkomo, — mame yna emary jamihme pyra toehse; ataosanumãko ynanase nohpo samo aenururuhtao.

Ozeja 13:13

Ẽmepyry toehse nase Izyraeu tõ isene ehtohme, yrome Izyraeu tõ ise pyra mana tuamekaro rokẽ toexirykõke; poeto samo, enurutoh toehse ahtao, tutũtary se pyra tyse wakuru ae.

Mateu 24:8

Morara toehse ahtao etuarimapitõko exino, poeto ẽ enurupitory samo.

Maku 13:8

Mame ahno tõ osetapãko mã toto. Pata konõto põkõ roropa imehnõ etapãko mana. Mame nono kywyh kywyh ãko roropa mana imeimehnõ pata tõ punero. Tõsẽ penery rohnõko roropa mã toto. Morara toehse ahtao etuarimapitõko exino mana poeto ẽ enurupitory samo.