Jeremia 49:22 - Ritonõpo Omiry: A Bíblia Sagrada na língua Aparai do Brasil

²² Pata Posora põkõ maro osetapãko epetõkara mana piano samo, taporihke yhtõko kaino axiny ikarimotatohme. Moro toehse ahtao Etõ tõ soutatu tõ enaromỹke exĩko ipunaka, nohpo samo jetũ toehse ahtao enururuhtao.

Jeremia 49:22 ပူးပေါင်းရင်းမြစ်များ

Saumu 18:5

Orihnõko ase tarãpa ke apoihpyry samo. Emynyhmãko ase yronymyryme jorikyry se pyra jexiryke.

Porowepio 30:19

Piano ytoytory kapu ao te; okoi ytory poko topu poro; wapu ytory poko tosemary ae tuna konõto kuao te, nohpo maro orutua osepyno ehtoh poko, enara.

Izaja 11:14

Oximaro ytõko mã toto pirixteu tõ poremãkapose xixi omõtoh wino; imehnõ poremãkãko roropa mã toto xixi tũtatoh wino, imõkomory apoitohme tymõkomoryme. Etõ tõ poremãkãko mã toto, Moape tõ roropa te, Amõ tõ roropa, enara.

Izaja 13:8

Oserehnõko mã toto. Sam ãko mã toto xitãko roropa nohpo samo aenururuhtao. Oseya rokẽ enẽko mã toto takorehmanekõ zupĩko repe, enaromỹke ipunaka. Ẽmytykõ kamirarame exĩko toehxirorykõke.

Izaja 21:3

Moro enepohpyry pokoino enaromỹke toehse ywy, juakuru jetũ toehse, sam ãko exiase nohpo enururu jetũ ehtoh samo. Ypanary otatõkara sã toehse sam karyke ya; jenuru onetõkara sã toehse jamihme pyra toehse jexiryke.

Izaja 26:17

Nohpo tonururuhtao kui ãko mana jetũ toexiryke; moro sã ynanexiase opokoino, Ritonõpo.

Jeremia 13:21

Otara ãko matou mokaro poko, oepekõme toto mekaroatose repe yrome Ritonõpo a oesẽkõme tyrise toto, otuisarykõme? Sam ãko matose nohpo samo aenururuhtao.

Jeremia 22:23

Omoro, towomase exikety, torẽtyke pyra mase apupari risẽ tao, Ripano poe tonehse aexihpyry; yrome pusuh ãko mase myhene, takarah katoh toehse ahtao, jetũ toehse ahtao nohpo samo aenururuhtao!

Jeremia 30:6

Apoaporo, osenetupuhtoko! Orutua poeto enurũko nae? Nary! Naeroro oty katohme mokaro orutua kõ enẽko ywy emero tuakurukõ apoĩko, nohpo, poetoẽme exikety samo, enurusasaka ahtao? Oty katohme ẽmytykõ tytyorõtase nae?

Jeremia 4:13

Enetoko ke! Kuepetõkara oehnõko mã toto akurũ samo. Toto kahu tõ osetapaketõ wiriwirikane jamihme exikety sã mã kehko, eky tõ kawaru axĩ sã ytõko, piano axĩ ytory motye. Typoremãse sytatose myhene! Tonahkase sytatose!

Jeremia 4:31

Kui kary etase, nohpo kui kary sã aenururuhtao, nohpo kui kary samo apitorymã enurumaryhtao eya. Jerusarẽ põkõ nohpo sã mã toto, kui ãko, apotũkehnõko, tomary anỹnõko toetuarimaryme ynara ãko: “Tonahkasẽme exĩko ase! Oehnõko mã toto jetapase, myhene!”

Jeremia 49:24

Tamaxiku põkõ jamihme pyra mã toto. Toeramase mã toto epatohme enaromỹke. Sam ãko mã toto. Ihtomãko nohpo samo jetũ toehse ahtao enururuhtao.

Jeremia 50:36

Ah norihno toto ipyaxiãkõ, ajohpe exiketomo, putuhtome exiketomo! Ah norihno toto soutatu tomo, tõserehse exiketomo.

Jeremia 50:43

Papironia tuisary turuse mokaro oepyry poko. Emary jamihme pyra toehse. Atasamãko mana yronymyryme, nohpo samo jetũ toehse ahtao aenururuhtao.”

Jeremia 6:24

— Omi totase yna a moro poko, ãko Jerusarẽ põkomo, — mame yna emary jamihme pyra toehse; ataosanumãko ynanase nohpo samo aenururuhtao.

Tanieu 7:4

Apitorymã reão sã nexiase, yrome taporihke nexiase pianoimo aporiry panõ ke. Mokyro eneryhtao ya, aporiry tõ touse nexiase. Xikihme tyripose ynororo ayaytotohme ahno samo. Mame ahno osenetupuhtoh tokarose eya, ahno sã osenetupuhtohme.

Ozeja 8:1

Ynara ãko Ritonõpo mana: — Rueimo etotoko enaroximatohme! Epetõkara oehnõko mã toto piano tõ samo ynonory pona, ynetapohpyry omipona pyra toehse ypoetory tõ exiryke, ynyripohpyry eya xine omipona pyra toehse roropa mã toto.

Opatia 1:9

Soutatu tõ Temã po tykytyky ãko mã toto enaromỹke toexirykõke; etonaketõ Etõ po orihnõko mã toto.”

Teuteronomiu 28:49

— Moino, sero nono etyhpyry poe ahno enehpõko Ritonõpo mana etonatohme amaro xine, imepỹ nono põkomo, imepỹ omiry ae oturuketomo, moro omi waro pyra matose ipunaka. Axĩ oporemãkapose oehnõko mã toto, pianoimo samo.

1 Tesaronika 5:3

Ynara karyhtao eya xine: “Emero kure sytatose,” ãko toh mã repe, tuaro pyra toexirykõke. Yrome axĩ toto etuarimatoh oehnõko mana. Atarypõko mã toto, nohpo oxietũtopitory samo. Toepatohkõ zupĩko mã toh repe.