Jeremia 48:45 - Ritonõpo Omiry: A Bíblia Sagrada na língua Aparai do Brasil

⁴⁵ Imehnõ epãko mã toto, tapotũkehse, osewomatoh zupĩko pata Hexipõ po repe. Yrome Hexipõ, tuisa Seõ patahpyry zahnõko mana. Moape nonory ehpio tyahkase, ypy tõ emory roropa, osetapary se exiketõ esary.

Jeremia 48:45 ပူးပေါင်းရင်းမြစ်များ

Saumu 135:11

Seõ totapase eya, amoreu tõ tuisary, Oke, Pasã tõ tuisary roropa, Kanaã põkõ tuisary tõ roropa emero totapase eya.

Saumu 78:63

Nuasemãkõ totapase tõsetapary poko toto ahtao, oryximãkõ roropa niotara tokurehse toto nuasemãkõ pyra exiryke.

Jeremia 2:16

Ejitu põkomo a Izyraeu zupuhpyry tỹmikase samo, typoihtose ynororo tonahkase Mẽpi põkomo a te, Tapane põkomo a roropa.

Jeremia 48:2

Imehxo Moape tõ ehtopõpyry tonahse. Hexipõ po, epetõkara osenetupuhnõko mã toto tynyrirykõ poko: ‘Ehmaropa, Moape tõ enahkase!’ Soutatu tõ ytõko mã toto pata Matamẽ poremãkase; mynyhme rokẽ exĩko moro pata põkomo.

Amoxi 2:2

Morara exiryke apoto enehpõko ase Moape nonory pona, moro apoto tapyi jamihmãkõ zahkãko roropa mana Keriote po. Tõsetaparykõ poko exĩko, soutatu tõ tykohtarykõ poko, rue etory poko, ahno orihnõko mã toto, enara.

Zakaria 10:4

Juta tõ poe toto tuisary tõ emero oehnõko mana, tuisa konõto, kowenatu tomo, soutatu tõ esẽ tomo, enara.

Numeru 21:21

Mame omi aronanõ taropose Izyraeu tomo a Seõ zuruse. Ynara tykase toto eya:

Numeru 21:26

Hexipõ nexiase Seõ patary, amoreu tõ tuisary patary. Osemazuhme tõsetapase ynororo nexiase moapita tuisary maro. Moape tõ nonory tapoise eya tosaryme ehtohme tuna Aranõ pona.

Numeru 21:28

Apoto tutũtase exiryke Hexipõ poe, apoto tuisa Seõ patary poe, isoutatu tõ apoto sã nexiase, pata Ara tonahkase eya xine, Moape po. Ypy tõ tonahkase, tuna Aranõ inikahpozakoxi.

Numeru 21:29

Myhẽ matose, Moape põkomo! Oneponãmarykõ, Kemo eahmananomo, typoremãkase matose! Oneponãmarykõ omi poe osoutatukõ toepase mã toto, oẽxiry tõ tokarose Seõ, amoreu tõ tuisary namotome.

Numeru 24:17

Imeĩpo ehtoh enẽko ase, Izyraeu tõ enẽko. Tuisa konõto, xirikuato saeremehxo exikety sã exĩko mana mokaro wino. Tonesã samo oehnõko mana Izyraeu tõ poe. Moape tõ tuisamãkõ poremãkapõko mana. Mokaro ahno epyrypaketõ enahkapõko mana.

Mateu 21:42

Ynara tykase Jezu eya xine: — Ritonõpo omiry onysekeremara ro matou? Ynara tymerose mana: “Tapyi risẽ sã mokyro mana, tapyi rinanõ nurumekahpyry samo. ‘Popyra sero nase,’ tykase toh repe. Yrome tapyi nikapuru apoihtyme toehse kure exiryke, tũpore, jamihme tapyi ehtohme. Morara tyrise Kuesẽkomo a. Morara exiryke kure mana. Kyzamaro xine mana,” me tymerose Ritonõpo omiryme.