Jeremia 48:36 - Ritonõpo Omiry: A Bíblia Sagrada na língua Aparai do Brasil

³⁶ — Morara exiryke emynyhmãko ase, xitãko ase ukurohtao Moape tõ poko, pata Kia-Here põkõ poko roropa, rue etone sã ase ahno hnamoryme ekepyry zonẽtoh poko; ikyryrykõ emero tonahkase exiryke.

Jeremia 48:36 ပူးပေါင်းရင်းမြစ်များ

2 Tuisa 3:25

Ipatarykõ typahse eya xine. Toto tupi tõ poro toytose Izyraeu tõ ahtao topu tomase eya xine epona. Morara exiryke toto tupi pehme toehse topu ke; tuna eutary tõ tapuruse roropa eya xine, eperytaketõ takohse eya xine. Mame etyhpyryme toiro pata rokẽ tõxinamase, tuisa patary Kia-Here. Mame moro pata tomyehmase topu emananomo a, iporemãkatohme.

Porowepio 11:4

Tineru ãkorehmara mana oorihtoh toehse ahtao, yrome ajohpe pyra ahno ehtoh ipynanohnõko mana.

Porowepio 13:22

Mõkomo kurã nomõko zae ehtoh poko exiketõ mã toto typakõ mõkomoryme, yrome iirypyrymãkõ mõkomohpyry mã zae ehtoh poko exiketõ mõkomoryme exĩko.

Porowepio 18:11

Tymõkomoke exikety tytinerũ poko osenetupuhnõko mana pata apuru samo, kaehxo exikety, jamihme roropa osewomatohme repe.

Izaja 15:5

Xitãko ase ukurohtao Moape tõ poko. Toepase toto pata Zoa pona, Ekerate-Serixia pona roropa. Imehnõ xitaryke, onuhnõko mã toto Ruite pona; imehnõ kui ãko sam karyke, epãko mã toto Horonaĩ pona.

Izaja 15:7

Tosarykõ rumekãko Moape tõ mana, iporiry Saukeiru tõ mõpozakoxi ytõko mã toto. Tymaro xine tykyryrykõ arõko, tymõkomorykõ porehme.

Izaja 16:11

Rira eary samo ukurohtao, pusuh ãko ase jemynyhmaryke Moape tõ poko, Kia-Here põkõ poko.

Izaja 63:15

Ritonõpo, yna eneko kapu poe, oesary kurã poe. Otoko hnae ajamitunuru, yna pyno oehtoh roropa? Yna pyno exikehpyra exiko, yna onurumekara exiko,

Jeremia 17:11

Tineru apoiryhtao ahno a imehnõ enekunohtamitume torõ sã mana typorohse ahtao imepỹ ihmo tõ po; Isene ro tahtao tytineruke pyra exĩko mana. Mame tõsenekunohtopõpyry waro exĩko mana.

Jeremia 4:19

Sam ãko ase! Emynyhmãko ase ipunaka ukurohtao! Ukurohtao jeano tahtah ãko jamihme sã mana! Mynyhme ehsaromepyra ase. Rue totase ya exiryke, kui kui katoh tonõ roropa etonatoh poko.

Jeremia 48:31

Morara exiryke xitãko ase Moape põkõ poko emero, Kia-Here põkõ poko roropa.