Jeremia 48:3 - Ritonõpo Omiry: A Bíblia Sagrada na língua Aparai do Brasil

³ Pata Horonaĩ põkõ kohtãko mã toto: ‘Yna etapãko mã toto! Yna esary enahkãko mã toto!’

Jeremia 48:3 ပူးပေါင်းရင်းမြစ်များ

Izaja 15:2

Tipõ põkõ xitãko mã toto tõnuhse toto ahtao ypy pona tyneponãmarykõ eahmatoh pona. Pata Nepo kararahtopõpyry poko Metepa roropa ihnamõko Moape tomo; toemynyhmarykõme tũsetykõ sahkãko, osetypokãko roropa mã toto.

Izaja 15:5

Xitãko ase ukurohtao Moape tõ poko. Toepase toto pata Zoa pona, Ekerate-Serixia pona roropa. Imehnõ xitaryke, onuhnõko mã toto Ruite pona; imehnõ kui ãko sam karyke, epãko mã toto Horonaĩ pona.

Izaja 15:8

Moape nonory po porehme, kui katoh osetãko, ixitarykomo; ihnamõko mã toto Ekeraĩ po, Peea-Erĩ po roropa panaikato, ixitarykõ osetãko mana.

Izaja 22:4

Morara exiryke morara tykase ywy: “Kurumekako ty; yxitaxi yronymyryme. Jemuhkehkapory onukuhpyra ehtoko, wekyry tõ typoremãkapose exiryke.”

Jeremia 20:16

Mokyro ripory se ase moro pata tõ samo, Ritonõpo a tonahkase aexityã sã ipunaka. Ah pusuhkatoh netano ẽmepyryhtao, sam katopo, ah kui kui katoh netano osetapary poko tãxiahtao,

Jeremia 47:2

Ynara tykase ynororo: “Enetoko ke! Tuna onuhnõko inikahpozakoxi, tururume ytõko mana opotunety samo, tuna zueme exikety sã roropa. Nono emero nerỹko mana, pata tõ maro, ahno maro pata põkomo. Kohtãko mã toto takorehmane se toexirykõke, sero nono põkõ xitãko mã toto emero porehme.

Jeremia 48:34

— Mokaro pata Hexipõ põkomo te, pata Ereau põkõ roropa kui ãko mã toto, toto kui katoh etãko imehnõ mana Jasa po. Osetãko roropa pata Zoa põkomo a te, mya roropa Horonaĩ põkomo a, pata Tyrisenã Ekerate põkomo a roropa. Iporiry Ninirĩ roropa tãpaise.

Jeremia 48:4

“Moape nonory tonahkase mana; poetohti xitãko mana.

Jeremia 48:5

Etatoko ke ixitarykomo, osema tao pata Ruite pona, etatoko roropa kui kui katoh moro, sam karyke osema tao ikurenaka pata Horonaĩ pona.

Jeremia 51:54

Ritonõpo Kuesẽkõ ynara tykase: “Etatoko ke, kui katoh Papironia po, ahno xitãko tynonorykõ tonahkase exiryke.